Revised Common Lectionary (Complementary)

Ang mabuting cedro.

²² Ganito ang sabi ng Panginoong Dios, ^(A)Kukuha naman ako sa dulo ng mataas na cedro, at aking itatanim; sa pinakamataas ng kaniyang sariwang sanga ^(B)ay puputol ako ng supling, at aking ^(C)itatanim sa isang mataas na bundok at matayog:

²³ Sa bundok na kaitaasan ng Israel ay aking ^(D)itatanim: at magsasanga at magbubunga, at magiging mainam na cedro: at sa lilim niyao'y ^(E)tatahan ang lahat na ibon na may iba't ibang uri; sa lilim ng mga sanga niyaon magsisitahan sila.

²⁴ At ang lahat na punong kahoy sa parang ay makakaalam na akong Panginoon ang nagbaba sa mataas na punong kahoy, nagtaas sa mababang punong kahoy, tumuyo sa sariwang punong kahoy, at nagpanariwa sa tuyong punong kahoy: ^(F)akong Panginoon ang nagsalita at gumawa niyaon.

Salmo, Awit sa araw ng sabbath.

⁶ Kaya nga kami'y laging malakas ang loob, at nalalaman namin na, samantalang kami ay nangasa tahanan sa katawan, ay wala kami sa harapan ng Panginoon.

⁷ (Sapagka't nagsisilakad kami sa pamamagitan ^(A)ng pananampalataya, ^(B)hindi sa pamamagitan ng paningin);

⁸ Na malakas ang loob namin, ang sabi ko, at ^(C)ibig pa nga namin ang mawala sa katawan, at mapasa tahanan na kasama ng Panginoon.

⁹ Kaya't ang amin namang pinagsisikapan, maging sa tahanan man o di man, ay maging kalugodlugod kami sa kaniya.

¹⁰ Sapagka't tayong ^(D)lahat ay kinakailangang mahayag sa harapan ng hukuman ni Cristo; upang tumanggap ang bawa't isa ng mga bagay na ginawa sa pamamagitan ng katawan, ayon sa ginawa niya, maging mabuti o masama.

¹¹ Yamang nalalaman nga ^(A)ang pagkatakot sa Panginoon, ay aming hinihikayat ang mga tao, nguni't kami ay nangahahayag ^(B)sa Dios; at inaasahan ko na kami ay nangahayag din naman sa inyong mga budhi.

¹² Hindi namin ipinagkakapuring ^(C)muli ang aming sarili sa inyo, kundi binibigyan namin kayo ng dahilan ^(D)na ikaluluwalhati ninyo dahil sa amin, upang kayo'y mangagkaroon ng maisasagot sa mga nagpapaluwalhati sa anyo, at hindi sa puso.

¹³ Sapagka't ^(E)kung kami ay maging mga ulol, ay para sa Dios; o maging kami ay mahinahon ang pagiisip, ay para sa inyo.

¹⁴ Sapagka't ang pagibig ni Cristo ay pumipilit sa amin; sapagka't ipinasisiya namin ang ganito, na ^(A)kung ang isa ay namatay dahil sa lahat, kung gayo'y lahat ay nangamatay;

¹⁵ At siya'y namatay dahil sa lahat, ^(B)upang ang nangabubuhay ay huwag nang mabuhay pa sa kanilang sarili, kundi doon sa namatay dahil sa kanila at muling nabuhay.

¹⁶ Kaya nga mula ngayon ay hindi namin nakikilala ^(C)ang sinoman ^(D)ayon sa laman: bagama't nakilala namin si Cristo ayon sa laman, nguni't sa ngayo'y hindi na namin nakikilala siyang gayon.

¹⁷ Kaya't kung ang sinoman ay na ^(E)kay Cristo, ^(F)siya'y bagong nilalang: ^(G)ang mga dating bagay ay nagsilipas na; narito, sila'y pawang naging mga bago.

²⁶ At sinabi niya, ^(A)Ganyan ang kaharian ng Dios, na gaya ng isang taong naghahasik ng binhi sa lupa;

²⁷ At natutulog at nagbabangon sa gabi at araw, at sumisibol at lumalaki ang binhi na di niya nalalaman kung paano.

²⁸ Sa kaniyang sarili ay nagbubunga ang lupa; una-una'y usbong, saka uhay, pagkatapos ay butil na humihitik sa uhay.

²⁹ Datapuwa't pagka hinog na ang bunga, ay ginagamit ^(B)agad ang panggapas, sapagka't dumating na ang pagaani.

³⁰ At kaniyang sinabi, ^(C)Sa ano natin itutulad ang kaharian ng Dios? o sa anong talinghaga isasaysay natin ito?

³¹ Ito'y tulad sa butil ng binhi ng mostasa, na pagkahasik sa lupa, bagama't siyang lalong pinakamaliit sa lahat ng mga binhi na nangasa lupa,

³² Gayon ma'y pagkatanim, ay tumataas, at lumalaki ^(D)ng higit kay sa lahat ng mga gulay, at nagsasanga ng malalabay; ano pa't ang mga ibon sa langit ay mangakasisilong sa kaniyang lilim.

³³ At sa pamamagitan ng gayong maraming talinghaga ay sinasaysay niya sa kanila ang salita, ^(E)ayon sa makakaya ng kanilang pakinig;

³⁴ At hindi sila kinakausap kundi sa talinghaga: datapuwa't sa kaniyang sariling mga alagad ay ^(F)bukod na ipinaliliwanag ang lahat ng mga bagay.