Readings for Lent and Easter

⁴ Pagkadaghan gayod sa nagadumot ug buot mopatay kanako sa walay igong hinungdan.
Mas daghan pa sila kaysa akong buhok.
Gibutang-butangan nila ako ug gipugos sa pag-uli sa mga butang nga wala ko kawata.
⁵ Nahibalo ka, O Dios, sa akong mga kabuang;
wala matago kanimo ang akong mga sala.
⁶ Ginoong Dios nga Makagagahom, Dios sa Israel,
hinaut nga dili maulawan tungod kanako ang mga nagasalig ug nagadangop kanimo.
⁷ Kay tungod kanimo giinsulto ug gipakaulawan ako.
⁸ Nahisama ako sa usa ka langyaw ngadto sa akong mga kadugo;
daw sama ako sa usa ka estranghero ngadto sa akong mga igsoon.
⁹ Tungod sa paghigugma ko sa imong templo,^[a] ginalaglag^[b] ako.
Gisakitan ako sa mga pagpanamastamas sa mga tawo kanimo.
¹⁰ Kon maghilak ako ug magpuasa, pakaulawan nila ako.
¹¹ Kon magbisti akog sako sa pagpakita nga nagsubo ako, biay-biayon nila ako.
¹² Ginalibak ako sa mga tawo nga nanglingkod diha sa pultahan sa lungsod,
ug naghimo-himo ang mga hubog ug awit sa pagbiaybiay kanako.