Readings for Lent and Easter

⁴ Dee, dee mie hausse sent meeha aus hee Hoa opp mien Kopp; soone dee mie fenijchte wele sent kjraftijch, miene majchtje Fiend, donn deed ekj trigj tole waut ekj nijch met Jewault jenome haud.

⁵ O Gott, du weetst woo noarisch ekj sie, un miene Sinde sent nijch fonn die festoakje.

⁶ Doo dän dee opp die wachte, O Aulmajchtja Herr Gott, sikj schäme omm mient haulwe; lot nijch dän dee die seakje sikj schäme wäajen mie, O Iesrael äa Gott.

⁷ Wiels ekj ha Schaund erfoare omm dienet haulwe, Schaund haft mien Jesejcht bedakjt.

⁸ Ekj sie en Utlenda jeworde to miene Breede, un en Framda to miene Mutta äare Kjinje.

⁹ Dan daut Iewa fa dien Hus haft mie fetäat, un dee Schaund fonn dän dee die Schende deede es opp mie jefolle.

¹⁰ Aus ekj miene Seel met Fauste deemietijcht, wea daut uk to miene Schaund;

¹¹ Ekj trock mie Saktseijch aun; un dee muake Spott fonn mie.

¹² Soone dee enn dee Puat saute, räde fonn mie; un ekj wea dee Besopne äa Leet.