Old/New Testament

Ang mga silid ng portico.

42 Nang magkagayo'y dinala niya ako sa ^(A)looban sa labas ng bahay, sa daan na dakong hilagaan: at dinala niya ako sa silid na nasa tapat ng bukod na dako, at siyang nasa tapat ng bahay sa dakong hilagaan.

² Sa harapan ng isang daang siko ang haba, ay nandoon ang pintuang hilagaan, at ang luwang ay limang pung siko.

³ Sa tapat ng dalawang pung siko na ukol sa lalong loob na looban, at sa tapat ng lapag na ukol sa looban sa labas ng bahay, ^(B)ay galeria sa tapat ng galeria na tatlong grado.

⁴ At sa harap ng mga silid ay may isang lakaran na sangpung siko ang luwang sa loob, isang daanang may isang siko; at ang mga pintuan ay sa dakong hilagaan.

⁵ Ang lalong mataas ngang silid ay siyang lalong maikli; sapagka't ang mga galeria ay kumukuha sa mga ito, ng higit kay sa lalong mababa at sa pinaka gitna sa bahay.

⁶ Sapagka't tatlong grado, at walang mga haligi na gaya ng mga haligi ng mga looban: kaya't ang pinakamataas ay lalong munti kay sa pinakamababa at kay sa pinaka gitna mula sa lupa.

⁷ At ang pader na nasa labas sa tabi ng mga silid, sa dako ng looban sa labas ng bahay sa harap ng mga silid, ang haba niyao'y limang pung siko.

⁸ Sapagka't ang haba ng mga silid na nasa looban sa labas ay limang pung siko: at, narito, ang harapan ng templo ay may isang daang siko.

⁹ At nasa ilalim ng mga silid na ito ang pasukan sa dakong silanganan, sa pagpasok na mula sa looban sa labas.

¹⁰ Sa kakapalan ng pader ng looban sa dakong silanganan, sa harap ng bukod na dako, at sa harap ng bahay, may mga silid.

¹¹ At ang daan sa harap ng mga yaon ay gaya ng anyo ng daan sa mga silid na nangasa dakong hilagaan; ayon sa haba ay gayon ang luwang: ang lahat ng labasan ng mga yaon ay ayon sa mga anyo ng mga yaon, at ayon sa mga pintuan ng mga yaon.

¹² At ayon sa mga pintuan ng mga silid na nangasa dakong timugan ay may isang pintuan ^(C)sa bukana ng daan, sa daang tuwid na patuloy sa pader sa dakong silanganan, sa papasok sa mga yaon.

¹³ Nang magkagayo'y sinabi niya sa akin, Ang silid na hilagaan at ang silid na timugan na nasa harap ng bukod na dako, mga itinalagang silid, na ^(D)pagkakanan ng mga kabanalbanalang bagay ^(E)ng mga saserdote na malapit sa Panginoon: doon nila ilalapag ang mga kabanalbanalang bagay, at ^(F)ang handog na harina, at ang ^(G)handog dahil sa kasalanan, at ang handog dahil sa pagkakasala; sapagka't ang dako ay banal.

¹⁴ Pagka ang mga saserdote ay ^(H)nagsisipasok, hindi nga sila magsisilabas sa banal na dako na papasok sa looban sa labas, kundi doon nila ilalapag ang kanilang mga kasuutan na kanilang ipinangangasiwa; sapagka't mga banal: at sila'y mangagsusuot ng mga ibang kasuutan, at magsisilapit sa ukol sa bayan.

¹⁵ Nang matapos nga niyang masukat ang lalong loob ng bahay, inilabas niya ako sa daan ng ^(I)pintuang-daan na nakaharap sa dakong silanganan, at sinukat sa palibot.

¹⁶ Sinukat niya sa dakong silanganan ng panukat ^(J)na tambo, na limang daang tambo, ng panukat na tambo sa palibot.

¹⁷ Sinukat niya sa dakong hilagaan, na limang daang tambo ng panukat na tambo sa palibot.

¹⁸ Sinukat niya sa dakong timugan, na limang daang tambo ng panukat na tambo.

¹⁹ Siya'y pumihit sa dakong kalunuran, at sinukat ng limang daang tambo ng panukat na tambo.

²⁰ Sinukat niya sa apat na sulok: may pader sa palibot, ang haba'y limang daan, at ang luwang ay limang daan, upang igawa ng pagkakahiwalay ang banal at ang karaniwan.

Ang kaluwalhatian ng Panginoon ang sumasa templo.

43 Pagkatapos ay dinala niya ako sa pintuang-daan, sa makatuwid baga'y sa pintuang-daan ^(K)na nakaharap sa dakong silanganan.

² At, narito, ang ^(L)kaluwalhatian ng Dios ng Israel ay nanggagaling sa dakong silanganan: at ang kaniyang tinig ay gaya ng lagaslas ng ^(M)maraming tubig; at ^(N)ang lupa ay nagningning sa kaniyang kaluwalhatian.

³ At ayon sa anyo ng pangitain na aking nakita, ayon sa pangitain na nakita ko nang ako'y pumaroon upang gibain ang bayan; at ang mga pangitain ay gaya ng pangitain na aking nakita ^(O)sa tabi ng ilog Chebar: at ako'y nasubasob.

⁴ At ang kaluwalhatian ng Panginoon ay pumasok sa bahay sa daan ng pintuang-daan na nakaharap sa dakong silanganan.

⁵ At ^(P)itinaas ako ng Espiritu, at dinala ako sa lalong loob na looban; at, narito, napuno ^(Q)ng kaluwalhatian ng Panginoon ang bahay.

⁶ At aking narinig ang isang nagsasalita sa akin mula sa bahay; at ^(R)isang lalake ay tumayo sa siping ko.

⁷ At sinabi niya sa akin, Anak ng tao, ^(S)ito ang ^(T)dako ng aking luklukan, at dako ng mga talampakan ng aking mga paa, na aking tatahanan sa gitna ng mga anak ni Israel magpakailan man. At hindi na lalapastanganin pa ng sangbahayan ni Israel ang aking banal na pangalan, nila man, o ng kanilang mga hari man, ng kanilang pagpapatutot, at ng mga bangkay man ng kanilang mga hari sa kanilang mga mataas na dako;

⁸ Sa kanilang paglalagay ng ^(U)kanilang pasukan sa tabi ng aking pasukan, at ng kanilang haligi ng pintuan sa tabi ng aking haligi ng pintuan, at wala kundi pader sa pagitan ko at nila; at kanilang nilapastangan ang aking banal na pangalan sa pamamagitan ng kanilang mga kasuklamsuklam na kanilang ginawa: kaya't aking pinugnaw sila sa aking galit.

⁹ Iwan nga nila ang kanilang pagpapatutot, at ilayo sa akin ang mga bangkay ng kanilang mga hari, at ako'y tatahan sa gitna nila magpakailan man.

¹⁰ Ikaw, anak ng tao, ^(V)ituro mo ang bahay sa sangbahayan ni Israel, upang sila'y mangapahiya sa kanilang mga kasamaan; at sukatin nila ang anyo.

¹¹ At kung sila'y mangapahiya sa lahat nilang ginawa, ipakilala mo sa kanila ang anyo ng bahay, at ang pagka-anyo niyaon, at ang mga labasan niyaon, at ang mga pasukan niyaon, at lahat ng anyo niyaon, at ang lahat ng mga alituntunin niyaon, at lahat ng anyo niyaon, at lahat ng kautusan niyaon; at iyong isulat yaon sa kanilang paningin; upang kanilang maingatan ang buong anyo niyaon, at ang lahat ng mga alituntunin niyaon, at kanilang isagawa.

¹² Ito ang kautusan tungkol sa bahay; ^(W)ang taluktok ng bundok sa buong ^(X)hangganan niyaon sa palibot ay magiging kabanalbanalan. Narito, ito ang kautusan tungkol sa bahay.

Ang mga sukat ng dambana.

¹³ At ito ang mga sukat ng ^(Y)dambana ayon sa mga siko (ang siko na pinakasukat ay isang siko at isang lapad ng kamay): ang patungan ay isang siko, at ang luwang ay isang siko, at ang gilid niyaon sa palibot ay isang dangkal; at ito ang magiging patungan ng dambana.

¹⁴ At mula sa patungan sa lupa sa lalong mababang ^(Z)grado ay malalagay na dalawang siko, at ang luwang ay isang siko; at mula sa lalong mababang grado hanggang sa lalong mataas na grado ay malalagay na apat na siko, at ang luwang ay isang siko.

¹⁵ At ang lalong mataas na dambana ay magiging apat na siko; at mula sa apuyan ng dambana hanggang sa dakong itaas ay magkakaroon ng apat na sungay.

¹⁶ At ang apuyan ng dambana ay magkakaroon ng labing dalawang siko ang haba at labing dalawa ang luwang, parisukat sa apat na tagiliran niyaon.

¹⁷ At ang patungan niyaon ay magkakaroon ng labing apat na siko ang haba at labing apat na siko ang luwang sa apat na tagiliran niyaon; at ang gilid sa palibot ay magiging kalahating siko; at ang patungan niyaon ay magiging isang siko sa palibot; at ang mga baytang niyaon ay paharap sa dakong silanganan.

Ang pagpapasakdal sa dambana.

¹⁸ At sinabi niya sa akin, Anak ng tao, ganito ang sabi ng Panginoong Dios: Ito ang mga alituntunin tungkol sa dambana sa kaarawan na kanilang gagawin, upang paghandugan sa ibabaw ng mga handog na susunugin, at upang ^(AA)pagwisikan ng dugo.

¹⁹ Iyong ibibigay sa ^(AB)mga saserdote na mga Levita ^(AC)na sa angkan ni Sadoc na malapit sa akin, ^(AD)upang magsipangasiwa sa akin, sabi ng Panginoong Dios, ang isang guyang baka na ^(AE)pinakahandog dahil sa kasalanan.

²⁰ At kukuha ka ng dugo niyaon, at ilalagay mo sa apat na sungay niyaon, at sa apat na sulok ng patungan, at sa laylayan sa palibot: ganito mo lilinisin yaon at tutubusin ito.

²¹ Iyo rin namang kukunin ang guyang toro na handog dahil sa kasalanan, at ^(AF)susunugin mo sa takdang dako ng bahay, sa labas ng santuario.

²² At sa ikalawang araw ay maghahandog ka ng kambing na lalake na walang kapintasan na pinakahandog dahil sa kasalanan; at kanilang lilinisin ang dambana gaya ng kanilang pagkalilis sa pamamagitan ng guyang toro.

²³ Pagka ikaw ay nakatapos ng paglilinis, maghahandog ka ng isang guyang toro na walang kapintasan, at isang lalaking tupa na mula sa kawan na walang kapintasan.

²⁴ At iyong ilalapit ang mga yaon sa harap ng Panginoon, at ^(AG)hahagisan ng asin ang mga yaon ng mga saserdote, at kanilang ihahandog na pinakahandog na susunugin sa Panginoon.

²⁵ Pitong araw na maghahanda ka sa bawa't araw ng ^(AH)isang kambing na pinakahandog dahil sa kasalanan: maghahanda rin sila ng guyang toro, at isang lalaking tupang mula sa kawan, na walang kapintasan.

²⁶ Pitong araw na kanilang tutubusin ang dambana at lilinisin; gayon nila itatalaga.

²⁷ At pagka kanilang naganap ang mga kaarawan, mangyayari na ^(AI)sa ikawalong araw, at sa haharapin, maghahandog ang mga saserdote ng inyong mga handog na susunugin sa ibabaw ng dambana, at ang inyong mga handog tungkol sa kapayapaan; at aking ^(AJ)tatanggapin kayo, sabi ng Panginoong Dios.

Ang santuario ay hindi dapat lapastanganin.

44 Nang magkagayo'y ibinalik niya ako ^(AK)sa daan ng pintuan sa labas ng santuario, ^(AL)na nakaharap sa dakong silanganan; at ito'y nasara.

² At sinabi ng Panginoon sa akin, Ang pintuang-daang ito ay sasarhan, hindi bubuksan, o papasukan man ng sinoman, ^(AM)sapagka't pinasukan ng Panginoon, ng Dios ng Israel; kaya't ito'y masasara.

³ Tungkol sa prinsipe, siya'y mauupo roon na pinaka prinsipe upang ^(AN)kumain ng tinapay sa harap ng Panginoon; siya'y papasok sa daan ng portiko ng pintuang-daan, at lalabas sa daan ding yaon.

⁴ Nang magkagayo'y dinala niya ako sa daan ng ^(AO)pintuang-daang hilagaan sa harap ng bahay: at ako'y tumingin, at, ^(AP)narito, napuno ng kaluwalhatian ng Panginoon ang bahay ng Panginoon: ^(AQ)at nasubasob ako.

⁵ At ang Panginoon ay nagsabi sa akin, Anak ng tao, tandaan mong mabuti, at masdan mo ng iyong mga mata, at pakinggan mo ng iyong mga pakinig ang lahat na aking sinasabi sa iyo tungkol sa lahat ng alituntunin hinggil sa bahay ng Panginoon, at tungkol sa ^(AR)lahat ng kautusan doon; at tandaan mong mabuti ang pasukan ng bahay sangpu ng bawa't labasan sa santuario.

⁶ At iyong sasabihin sa ^(AS)mapanghimagsik, sa makatuwid baga'y sa sangbahayan ni Israel, Ganito ang sabi ng Panginoong Dios: Oh kayong sangbahayan ni Israel, mangaglikat na kayo sa lahat ninyong kasuklamsuklam,

⁷ Sa inyong ^(AT)pagpapasok ng mga taga ibang lupa na hindi tuli sa puso at hindi tuli sa laman, upang malagay sa aking santuario, na lapastanganin yaon, sa makatuwid baga'y ang aking bahay, pagka inyong inihahandog ang ^(AU)aking tinapay, ^(AV)ang taba at ang dugo, at sinira nila ang aking tipan, upang idagdag sa lahat ninyong mga kasuklamsuklam.

⁸ At hindi ninyo iningatan ang katungkulan sa aking mga banal na bagay; kundi kayo'y ^(AW)nangaglagay ng mga tagapangasiwa sa aking santuario sa ganang inyong sarili.

⁹ Ganito ang sabi ng Panginoong Dios, Walang taga ibang lupa, na hindi tuli sa puso at hindi tuli sa laman na papasok sa aking santuario, kahit sinomang taga ibang lupa na nasa gitna ng mga anak ni Israel.

¹⁰ Nguni't ang mga Levita ^(AX)na nagsilayo sa akin nang ang Israel ay maligaw sa akin sa pagsunod sa kanilang mga diosdiosan; mangagdadanas sila ng kanilang kasamaan.

¹¹ Gayon ma'y magiging tagapangasiwa sila sa aking santuario, na sila ang mamamahala sa mga pintuang-daan ng bahay, at ^(AY)magsisipangasiwa sa bahay: kanilang papatayin ang handog na susunugin at ang hain para sa bayan, at ^(AZ)sila'y magsisitayo sa harap ng mga yaon upang pangasiwaan nila.

¹² Sapagka't kanilang pinangasiwaan sila sa harap ng kanilang mga diosdiosan, at naging ikatitisod sila sa ikasasama ng sangbahayan ni Israel; kaya't itinaas ko ang aking kamay laban sa kanila, sabi ng Panginoong Dios, at dadanasin nila ang kanilang kasamaan.

¹³ At hindi sila magsisilapit ^(BA)sa akin upang magsagawa ng katungkulan ng saserdote sa akin, o magsisilapit man sa alin man sa mga banal na bagay ko, sa ^(BB)mga bagay na kabanalbanalan; kundi tataglayin nila ang kanilang kahihiyan, at ang kanilang mga kasuklamsuklam na kanilang ginawa.

¹⁴ Gayon ma'y gagawin ko silang tagapangasiwa sa bahay, para sa buong paglilingkod doon, at sa lahat na gagawin doon.

Ang mga kautusan tungkol sa mga saserdoteng Levita na anak ni Sadoc.

¹⁵ Nguni't ^(BC)ang mga saserdoteng Levita na ^(BD)mga anak na lalake ni Sadoc, na nagiingat ng katungkulan sa aking santuario nang ang mga anak ni Israel ay magsihiwalay sa akin, sila'y magsisilapit sa akin upang magsipangasiwa sa akin; at sila'y magsisitayo sa harap ko upang mangaghandog sa akin ng taba at ng dugo, sabi ng Panginoong Dios:

¹⁶ Sila'y magsisipasok sa aking santuario, at sila'y magsisilapit sa aking ^(BE)dulang, upang magsipangasiwa sa akin, at iingatan nila ang kanilang katungkulan sa akin.

¹⁷ At mangyayari, na pagka sila'y magsisipasok sa mga pintuang-daan ng lalong loob na looban, ^(BF)susuutan sila ng mga kayong linong kasuutan; at walang lanang dadaiti sa kanila, samantalang sila'y nagsisipangasiwa sa mga pintuang-daan ng lalong loob na looban, at sa loob.

¹⁸ Sila'y ^(BG)mangagpupugong ng kayong lino sa kanilang mga ulo, at ^(BH)mangagtatapi ng kayong lino sa kanilang mga balakang; hindi sila mangagbibigkis ng anomang nakapagpapapawis.

¹⁹ At pagka kanilang lalabasin ang mga tao sa looban sa labas, ng bahay, ^(BI)kanilang huhubarin ang kanilang mga kasuutan na kanilang ipinangangasiwa, at ilalagay nila ang mga ito sa mga banal na silid; at mangagsusuot sila ng ibang mga kasuutan, upang ^(BJ)huwag nilang banalin ang mga tao ng kanilang mga kasuutan.

^20 (BK)Ni aahitan man nila ang kanilang mga ulo, ni titiisin man ang kanilang buhok ay humaba; kanila lamang gugupitan ang kanilang mga ulo.

²¹ Ni ^(BL)iinom ng alak ang sinomang saserdote pagka sila'y magsisipasok sa lalong loob na looban.

²² Ni mangagaasawa man sa ^(BM)babaing bao, o sa inihiwalay man: kundi sila'y magaasawa ng mga dalaga sa lahi ng sangbahayan ni Israel, o ng babaing bao na nabao sa saserdote.

²³ At ^(BN)kanilang ituturo sa aking bayan ang pagkakaiba ng banal at ng karaniwan, at ipakikilala nila sa kanila ang marumi at malinis.

²⁴ At ^(BO)sa pagtatalo ay magsisitayo sila upang magsihatol; ayon sa aking mga kahatulan ay kanilang hahatulan: at kanilang iingatan ang aking mga kautusan at ang aking mga palatuntunan sa lahat kong takdang kapistahan; at kanilang ipangingilin ang aking mga sabbath.

²⁵ At hindi sila magsisilapit ^(BP)sa alin mang patay na tao na mangagpakahawa; nguni't sa ama, o sa ina, o sa anak na lalake, o babae, sa kapatid na lalake, o babae na hindi nagkaasawa, maaaring mangagpakahawa sila.

²⁶ At ^(BQ)pagkatapos na siya'y malinis, sila'y bibilang sa kaniya ng pitong araw.

²⁷ At sa kaarawan na siya'y pumasok sa santuario, sa lalong loob na looban upang mangasiwa sa santuario, siya'y maghahandog ng kaniyang handog dahil sa kasalanan, sabi ng Panginoong Dios.

Ang bahagi ng mga saserdote.

²⁸ At sila'y mangagkakaroon ng mana; ^(BR)ako'y kanilang mana; at hindi ninyo bibigyan sila ng pagaari sa Israel; ako'y kanilang pagaari.

²⁹ Sila'y magsisikain ^(BS)ng handog na harina, at ng handog dahil sa kasalanan, at ng handog dahil sa pagkakasala; at ^(BT)bawa't bagay na itinalaga sa Israel ay magiging kanila.

³⁰ At ang ^(BU)una sa lahat na unang bunga ng bawa't bagay, at lahat na alay na bawa't bagay, sa lahat ninyong mga alay ay magiging sa saserdote: inyo rin namang ibibigay sa mga saserdote ang ^(BV)una sa inyong masa upang pagpalain ang inyong bahay.

³¹ Ang mga saserdote ay hindi kakain ng anomang bagay na namamatay sa kaniyang sarili, ^(BW)o nalapa, maging ibon o hayop man.

1 Yaong ^(A)buhat sa pasimula, yaong aming narinig, ^(B)yaong nakita ng aming mga mata, ^(C)yaong aming namasdan, at ^(D)nahipo ng aming mga kamay, tungkol sa salita ng buhay

² (at ^(E)ang buhay ay nahayag, at aming nakita, at ^(F)pinatotohanan, ^(G)at sa inyo'y aming ibinabalita ang buhay, ang buhay na walang hanggan, ^(H)na kasama ng Ama at sa atin ay nahayag);

³ Yaong aming nakita at narinig ay siya rin naming ibinabalita sa inyo, upang kayo naman ay magkaroon ng pakikisama sa amin: oo, at ^(I)tayo ay may pakikisama sa Ama, at sa kaniyang Anak na si Jesucristo:

⁴ At ang mga bagay na ito ay aming isinusulat, ^(J)upang ang ating kagalakan ay malubos.

⁵ At ^(K)ito ang pasabing aming narinig sa kaniya at sa inyo'y aming ibinabalita, ^(L)na ang Dios ay ilaw, at sa kaniya'y walang anomang kadiliman.

⁶ Kung sinasabi nating ^(M)tayo'y may pakikisama sa kaniya at ^(N)nagsisilakad tayo sa kadiliman, ay nangagbubulaan tayo, at hindi tayo nagsisigawa ng katotohanan:

⁷ Nguni't kung tayo'y nagsisilakad sa liwanag, na gaya niyang nasa liwanag, ay may pakikisama tayo sa isa't isa, at nililinis ^(O)tayo ^(P)ng dugo ni Jesus na kaniyang Anak sa lahat ng kasalanan.

⁸ Kung sinasabi nating tayo'y walang kasalanan, ay ating dinadaya ang ating sarili, at ang katotohanan ay ^(Q)wala sa atin.

⁹ Kung ipinahahayag natin ang ^(R)ating mga kasalanan, ay tapat at banal siya na tayo'y patatawarin sa ating mga kasalanan, at tayo'y lilinisin sa lahat ng kalikuan.

¹⁰ Kung sinasabi nating tayo'y hindi nangagkasala, ^(S)ay ating ginagawang sinungaling siya, at ang kaniyang salita ay wala sa atin.