New Testament in a Year

^21 (A)Sa kautusan ay nasusulat, ^(B)sa pamamagitan ng mga taong may iba't ibang wika, at sa pamamagitan ng mga labi ng mga taga ibang lupa ay magsasalita ako, sa bayang ito: at gayon ma'y hindi ako pakikinggan nila, ang sabi ng Panginoon.

²² Kaya nga ang mga wika ay pinaka tanda, hindi sa mga nagsisisampalataya; kundi sa mga hindi nagsisisampalataya; nguni't ^(C)ang panghuhula ay hindi sa mga hindi nagsisisampalataya, kundi sa mga nagsisisampalataya.

²³ Kung ang buong iglesia nga'y magkatipon sa isang dako at lahat ay mangagsalita ng mga wika, at mangagsipasok ang mga hindi marurunong o hindi mga nagsisisampalataya, ^(D)hindi baga nila sasabihing kayo'y mga ulol?

²⁴ Datapuwa't kung ang lahat ay nagsisipanghula, at may pumasok na isang hindi sumasampalataya, o hindi marunong, mahihikayat siya ng lahat, masisiyasat siya ^(E)ng lahat;

²⁵ Ang mga lihim ng kaniyang puso ay nahahayag; at sa gayo'y magpapatirapa siya at sasamba sa Dios, na sasabihing ^(F)tunay ngang ang Dios ay nasa gitna ninyo.

²⁶ Ano nga ito, mga kapatid? Pagka kayo'y nangagkakatipon ang bawa't isa sa inyo'y may isang ^(G)awit, may isang ^(H)aral, may isang ^(I)pahayag, may wika, may isang pagpapaliwanag. ^(J)Gawin ninyo ang lahat ng mga bagay sa ikatitibay.

²⁷ Kung nagsasalita ang sinoman ng wika, maging dalawa, o huwag higit sa tatlo, at sunodsunod; at ang isa'y magpaliwanag:

²⁸ Datapuwa't kung walang tagapagpaliwanag ay tumahimik siya sa iglesia; at siya'y magsalita sa kaniyang sarili, at sa Dios.

²⁹ At ang dalawa o tatlo sa ^(K)mga propeta ay magsipagsalita, at ^(L)ang mga iba'y mangagsiyasat.

³⁰ Datapuwa't kung may ^(M)ipinahayag na anoman sa isang nauupo, ay tumahimik ang nauuna.

³¹ Sapagka't kayong lahat ay makapanghuhulang isa-isa, upang ang lahat ay mangatuto, at ang lahat ay maaralan;

³² At ang mga espiritu ng mga propeta ay nasasakupan ng mga propeta;

³³ Sapagka't ang Dios ay hindi Dios ng kaguluhan, kundi ng kapayapaan. ^(N)Gaya sa lahat ng mga iglesia ng mga banal,

^34 (O)Ang mga babae ay magsitahimik sa mga iglesia: sapagka't sila'y walang kapahintulutang mangagsalita; kundi sila'y pasakop, gaya naman ng ^(P)sinasabi ng kautusan.

³⁵ At kung ibig nilang maalaman ang anomang bagay, magtanong sila sa kanilang asawa sa bahay; sapagka't mahalay na ang isang babae ay magsalita sa iglesia.

³⁶ Ano? lumabas baga mula sa inyo ang salita ng Dios? o sa inyo lamang dumating?

³⁷ Kung ^(Q)iniisip ninoman na siya'y propeta, o ayon sa espiritu, ay kilalanin niya ang mga bagay na sa inyo'y isinusulat ko, na pawang utos ng Panginoon.

³⁸ Datapuwa't kung ang sinoman ay mangmang, ay manatili siyang mangmang.

³⁹ Kaya nga, mga kapatid ko, maningas na pakanasain ninyong makapanghula, at huwag ninyong ipagbawal ang magsalita ng mga wika.

⁴⁰ Datapuwa't gawin ninyong may karapatan at may kaayusan ang lahat ng mga bagay.