M’Cheyne Bible Reading Plan

1 Adda, Seth, Enos, ² Cenan, Mahalaleel, Jered, ³ Enoch, Methusela, Lamech, ⁴ Noa, Sem, Cham, a Jaffeth.

⁵ Meibion Jaffeth; Gomer, a Magog, a Madai, a Jafan, a Thubal, a Mesech, a Thiras. ⁶ A meibion Gomer; Aschenas, a Riffath, a Thogarma. ⁷ A meibion Jafan; Elisa, a Tharsis, Cittim, a Dodanim.

⁸ Meibion Cham; Cus, a Misraim, Put, a Chanaan. ⁹ A meibion Cus; Seba, a Hafila, a Sabta, a Raama, a Sabtecha: a Seba, a Dedan, meibion Raama. ¹⁰ A Chus a genhedlodd Nimrod: hwn a ddechreuodd fod yn gadarn ar y ddaear. ¹¹ A Misraim a genhedlodd Ludim, ac Anamim, a Lehabim, a Nafftuhim, ¹² Pathrusim hefyd, a Chasluhim, (y rhai y daeth y Philistiaid allan ohonynt,) a Chafftorim. ¹³ A Chanaan a genhedlodd Sidon ei gyntaf‐anedig, a Heth, ¹⁴ Y Jebusiad hefyd, a’r Amoriad, a’r Girgasiad, ¹⁵ A’r Hefiad, a’r Arciad, a’r Siniad, ¹⁶ A’r Arfadiad, a’r Semariad, a’r Hamathiad.

¹⁷ Meibion Sem; Elam, ac Assur, ac Arffacsad, a Lud, ac Aram, ac Us, a Hul, a Gether, a Mesech. ¹⁸ Ac Arffacsad a genhedlodd Sela, a Sela a genhedlodd Eber. ¹⁹ Ac i Eber y ganwyd dau o feibion: enw y naill ydoedd Peleg; oherwydd mai yn ei ddyddiau ef y rhannwyd y ddaear: ac enw ei frawd oedd Joctan. ²⁰ A Joctan a genhedlodd Almodad, a Seleff, a Hasarmafeth, a Jera, ²¹ Hadoram hefyd, ac Usal, a Dicla, ²² Ac Ebal, ac Abimael, a Seba, ²³ Offir hefyd, a Hafila, a Jobab. Y rhai hyn oll oedd feibion Joctan.

²⁴ Sem, Arffacsad, Sela, ²⁵ Eber, Peleg, Reu, ²⁶ Serug, Nachor, Tera, ²⁷ Abram, hwnnw yw Abraham. ²⁸ Meibion Abraham; Isaac, ac Ismael.

²⁹ Dyma eu cenedlaethau hwynt: cyntaf‐anedig Ismael oedd Nebaioth, yna Cedar, ac Adbeel, a Mibsam, ³⁰ Misma, a Duma, Massa, Hadad, a Thema, ³¹ Jetur, Naffis, a Chedema. Dyma feibion Ismael.

³² A meibion Cetura, gordderchwraig Abraham: hi a ymddûg Simran, a Jocsan, a Medan, a Midian, ac Isbac, a Sua. A meibion Jocsan; Seba, a Dedan. ³³ A meibion Midian; Effa, ac Effer, a Henoch, ac Abida, ac Eldaa: y rhai hyn oll oedd feibion Cetura. ³⁴ Ac Abraham a genhedlodd Isaac. Meibion Isaac; Esau, ac Israel.

³⁵ Meibion Esau; Eliffas, Reuel, a Jëus, a Jaalam, a Chora. ³⁶ Meibion Eliffas; Teman, ac Omar, Seffi, a Gatam, Cenas, a Thimna, ac Amalec. ³⁷ Meibion Reuel; Nahath, Sera, Samma, a Missa. ³⁸ A meibion Seir; Lotan, a Sobal, a Sibeon, ac Ana, a Dison, ac Eser, a Disan. ³⁹ A meibion Lotan; Hori, a Homam: a chwaer Lotan oedd Timna. ⁴⁰ Meibion Sobal; Alïan, a Manahath, ac Ebal, Seffi, ac Onam. A meibion Sibeon; Aia, ac Ana. ⁴¹ Meibion Ana; Dison. A meibion Dison; Amram, ac Esban, ac Ithran, a Cheran. ⁴² Meibion Eser; Bilhan, a Safan, a Jacan. Meibion Dison; Us, ac Aran.

⁴³ Dyma hefyd y brenhinoedd a deyrnasasant yn nhir Edom, cyn teyrnasu o frenin ar feibion Israel; Bela mab Beor: ac enw ei ddinas ef oedd Dinhaba. ⁴⁴ A phan fu farw Bela, y teyrnasodd yn ei le ef Jobab mab Sera o Bosra. ⁴⁵ A phan fu farw Jobab, Husam o wlad y Temaniaid a deyrnasodd yn ei le ef. ⁴⁶ A phan fu farw Husam, yn ei le ef y teyrnasodd Hadad mab Bedad, yr hwn a drawodd Midian ym maes Moab: ac enw ei ddinas ef ydoedd Afith. ⁴⁷ A phan fu farw Hadad, y teyrnasodd yn ei le ef Samla o Masreca. ⁴⁸ A phan fu farw Samla, Saul o Rehoboth wrth yr afon a deyrnasodd yn ei le ef. ⁴⁹ A phan fu farw Saul, y teyrnasodd yn ei le ef Baalhanan mab Achbor. ⁵⁰ A bu farw Baalhanan, a theyrnasodd yn ei le ef Hadad: ac enw ei ddinas ef oedd Pai; ac enw ei wraig ef Mehetabel, merch Matred, merch Mesahab.

⁵¹ A bu farw Hadad. A dugiaid Edom oedd; dug Timna, dug Alia, dug Jetheth, ⁵² Dug Aholibama, dug Ela, dug Pinon, ⁵³ Dug Cenas, dug Teman, dug Mibsar, ⁵⁴ Dug Magdiel, dug Iram. Dyma ddugiaid Edom.

2 Dyma feibion Israel; Reuben, Simeon, Lefi, a Jwda, Issachar, a Sabulon, ² Dan, Joseff, a Benjamin, Nafftali, Gad, ac Aser.

³ Meibion Jwda; Er, ac Onan, a Sela. Y tri hyn a anwyd iddo ef o ferch Sua y Ganaanees. Ond Er, cyntaf‐anedig Jwda, ydoedd ddrygionus yng ngolwg yr Arglwydd, ac efe a’i lladdodd ef. ⁴ A Thamar ei waudd ef a ymddûg iddo Phares a Sera. Holl feibion Jwda oedd bump. ⁵ Meibion Phares; Hesron a Hamul. ⁶ A meibion Sera; Simri, ac Ethan, a Heman, a Chalcol, a Dara; hwynt oll oedd bump. ⁷ A meibion Carmi; Achar, yr hwn a flinodd Israel, ac a wnaeth gamwedd oblegid y diofryd‐beth. ⁸ A meibion Ethan; Asareia. ⁹ A meibion Hesron, y rhai a anwyd iddo ef; Jerahmeel, a Ram, a Chelubai. ¹⁰ A Ram a genhedlodd Amminadab; ac Amminadab a genhedlodd Nahson, pennaeth meibion Jwda; ¹¹ A Nahson a genhedlodd Salma; a Salma a genhedlodd Boas; ¹² A Boas a genhedlodd Obed; ac Obed a genhedlodd Jesse;

¹³ A Jesse a genhedlodd ei gyntaf‐anedig Eliab, ac Abinadab yn ail, a Simma yn drydydd, ¹⁴ Nethaneel yn bedwerydd, Radai yn bumed, ¹⁵ Osem yn chweched, Dafydd yn seithfed: ¹⁶ A’u chwiorydd hwynt oedd Serfia ac Abigail. A meibion Serfia; Abisai, a Joab, ac Asahel, tri. ¹⁷ Ac Abigail a ymddûg Amasa. A thad Amasa oedd Jether yr Ismaeliad.

¹⁸ A Chaleb mab Hesron a enillodd blant o Asuba ei wraig, ac o Jerioth: a dyma ei meibion hi; Jeser, Sobab, ac Ardon. ¹⁹ A phan fu farw Asuba, Caleb a gymerth iddo Effrath, a hi a ymddûg iddo Hur. ²⁰ A Hur a genhedlodd Uri, ac Uri a genhedlodd Besaleel.

²¹ Ac wedi hynny yr aeth Hesron i mewn at ferch Machir, tad Gilead, ac efe a’i priododd hi pan ydoedd fab trigain mlwydd; a hi a ddug iddo Segub. ²² A Segub a genhedlodd Jair: ac yr oedd iddo ef dair ar hugain o ddinasoedd yng ngwlad Gilead. ²³ Ac efe a enillodd Gesur, ac Aram, a threfydd Jair oddi arnynt, a Chenath a’i phentrefydd, sef trigain o ddinasoedd. Y rhai hyn oll oedd eiddo meibion Machir tad Gilead. ²⁴ Ac ar ôl marw Hesron o fewn Caleb-effrata, Abeia gwraig Hesron a ymddûg iddo Asur, tad Tecoa.

²⁵ A meibion Jerahmeel cyntaf‐anedig Hesron oedd, Ram yr hynaf, Buna, ac Oren, ac Osem, ac Ahïa. ²⁶ A gwraig arall ydoedd i Jerahmeel, a’i henw Atara: hon oedd fam Onam. ²⁷ A meibion Ram cyntaf‐anedig Jerahmeel oedd, Maas, a Jamin, ac Ecer. ²⁸ A meibion Onam oedd Sammai, a Jada. A meibion Sammai; Nadab, ac Abisur. ²⁹ Ac enw gwraig Abisur oedd Abihail: a hi a ymddûg iddo Aban, a Molid. ³⁰ A meibion Nadab; Seled, ac Appaim. A bu farw Seled yn ddi‐blant. ³¹ A meibion Appaim; Isi. A meibion Isi; Sesan. A meibion Sesan; Alai. ³² A meibion Jada brawd Sammai; Jether, a Jonathan. A bu farw Jether yn ddi‐blant. ³³ A meibion Jonathan; Peleth, a Sasa. Y rhai hyn oedd feibion Jerahmeel.

³⁴ Ac nid oedd i Sesan feibion, ond merched: ac i Sesan yr oedd gwas o Eifftiad, a’i enw Jarha. ³⁵ A Sesan a roddodd ei ferch yn wraig i Jarha ei was. A hi a ymddûg iddo Attai. ³⁶ Ac Attai a genhedlodd Nathan, a Nathan a genhedlodd Sabad. ³⁷ A Sabad a genhedlodd Efflal, ac Efflal a genhedlodd Obed, ³⁸ Ac Obed a genhedlodd Jehu, a Jehu a genhedlodd Asareia, ³⁹ Ac Asareia a genhedlodd Heles, a Heles a genhedlodd Eleasa, ⁴⁰ Ac Eleasa a genhedlodd Sisamai, a Sisamai a genhedlodd Salum, ⁴¹ A Salum a genhedlodd Jecameia, a Jecameia a genhedlodd Elisama.

⁴² Hefyd meibion Caleb brawd Jerahmeel oedd, Mesa ei gyntaf‐anedig, hwn oedd dad Siff: a meibion Maresa tad Hebron. ⁴³ A meibion Hebron; Cora, a Thappua, a Recem, a Sema. ⁴⁴ A Sema a genhedlodd Raham, tad Jorcoam: a Recem a genhedlodd Sammai. ⁴⁵ A mab Sammai oedd Maon: a Maon oedd dad Bethsur. ⁴⁶ Ac Effa gordderchwraig Caleb a ymddûg Haran, a Mosa, a Gases: a Haran a genhedlodd Gases. ⁴⁷ A meibion Jahdai; Regem, a Jotham, a Gesan, a Phelet, ac Effa, a Saaff. ⁴⁸ Gordderchwraig Caleb, sef Maacha, a ymddûg Seber a Thirhana. ⁴⁹ Hefyd hi a ymddûg Saaff tad Madmanna, Sefa tad Machbena, a thad Gibea: a merch Caleb oedd Achsa.

⁵⁰ Y rhai hyn oedd feibion Caleb mab Hur, cyntaf‐anedig Effrata; Sobal tad Ciriath‐jearim, ⁵¹ Salma tad Bethlehem, Hareff tad Beth‐gader. ⁵² A meibion oedd i Sobal, tad Ciriath‐jearim: Haroe, a hanner y Manahethiaid, ⁵³ A theuluoedd Ciriath‐jearim oedd yr Ithriaid, a’r Puhiaid, a’r Sumathiaid, a’r Misraiaid: o’r rhai hyn y daeth y Sareathiaid a’r Esthauliaid. ⁵⁴ Meibion Salma; Bethlehem, a’r Netoffathiaid, Ataroth tŷ Joab, a hanner y Manahethiaid, y Soriaid. ⁵⁵ A thylwyth yr ysgrifenyddion, y rhai a breswylient yn Jabes; y Tirathiaid, y Simeathiaid, y Suchathiaid. Dyma y Ceniaid, y rhai a ddaethant o Hemath, tad tylwyth Rechab.

8 A phen ar y pethau a ddywedwyd yw hyn: Y mae gennym y fath Archoffeiriad, yr hwn a eisteddodd ar ddeheulaw gorseddfainc y Mawredd yn y nefoedd; ² Yn Weinidog y gysegrfa, a’r gwir dabernacl, yr hwn a osododd yr Arglwydd, ac nid dyn. ³ Canys pob archoffeiriad a osodir i offrymu rhoddion ac aberthau: oherwydd paham rhaid oedd bod gan hwn hefyd yr hyn a offrymai. ⁴ Canys yn wir pe bai efe ar y ddaear, ni byddai yn offeiriad chwaith; gan fod offeiriaid y rhai sydd yn offrymu rhoddion yn ôl y ddeddf: ⁵ Y rhai sydd yn gwasanaethu i siampl a chysgod y pethau nefol, megis y rhybuddiwyd Moses gan Dduw, pan oedd efe ar fedr gorffen y babell: canys, Gwêl, medd efe, ar wneuthur ohonot bob peth yn ôl y portreiad a ddangoswyd i ti yn y mynydd. ⁶ Ond yn awr efe a gafodd weinidogaeth mwy rhagorol, o gymaint ag y mae yn Gyfryngwr cyfamod gwell, yr hwn sydd wedi ei osod ar addewidion gwell. ⁷ Oblegid yn wir pe buasai’r cyntaf hwnnw yn ddifeius, ni cheisiasid lle i’r ail. ⁸ Canys yn beio arnynt hwy y dywed efe, Wele, y mae’r dyddiau yn dyfod, medd yr Arglwydd, ac mi a wnaf â thŷ Israel ac â thŷ Jwda gyfamod newydd: ⁹ Nid fel y cyfamod a wneuthum â’u tadau hwynt, yn y dydd yr ymeflais yn eu llaw hwynt i’w dwyn hwy o dir yr Aifft: oblegid ni thrigasant hwy yn fy nghyfamod i, minnau a’u hesgeulusais hwythau, medd yr Arglwydd. ¹⁰ Oblegid hwn yw’r cyfamod a amodaf fi â thŷ Israel ar ôl y dyddiau hynny, medd yr Arglwydd; Myfi a ddodaf fy nghyfreithiau yn eu meddwl, ac yn eu calonnau yr ysgrifennaf hwynt: a mi a fyddaf iddynt hwy yn Dduw, a hwythau a fyddant i minnau yn bobl: ¹¹ Ac ni ddysgant bob un ei gymydog, a phob un ei frawd, gan ddywedyd, Adnebydd yr Arglwydd: oblegid hwynt‐hwy oll a’m hadnabyddant i, o’r lleiaf ohonynt hyd y mwyaf ohonynt. ¹² Canys trugarog fyddaf wrth eu hanghyfiawnderau, a’u pechodau hwynt a’u hanwireddau ni chofiaf ddim ohonynt mwyach. ¹³ Wrth ddywedyd, Cyfamod newydd, efe a farnodd y cyntaf yn hen. Eithr yr hwn a aeth yn hen ac yn oedrannus, sydd agos i ddiflannu.

2 Fel hyn y dywed yr Arglwydd; Am dair o anwireddau Moab, ac am bedair, ni throaf ymaith ei chosb hi; am iddo losgi esgyrn brenin Edom yn galch. ² Eithr anfonaf dân i Moab, yr hwn a ddifa balasau Cerioth: a Moab fydd marw mewn terfysg, gweiddi, a llais utgorn. ³ A mi a dorraf ymaith y barnwr o’i chanol hi, a’i holl bendefigion a laddaf gydag ef, medd yr Arglwydd.

⁴ Fel hyn y dywed yr Arglwydd; Am dair o anwireddau Jwda, ac am bedair, ni throaf ymaith ei chosb hi; am iddynt ddirmygu cyfraith yr Arglwydd, ac na chadwasant ei ddeddfau ef; a’u celwyddau a’u cyfeiliornodd hwynt, y rhai yr aeth eu tadau ar eu hôl. ⁵ Eithr anfonaf dân i Jwda, ac efe a ddifa balasoedd Jerwsalem.

⁶ Fel hyn y dywed yr Arglwydd; Am dair o anwireddau Israel, ac am bedair, ni throaf ymaith ei chosb hi; am iddynt werthu y cyfiawn am arian, a’r tlawd er pâr o esgidiau: ⁷ Y rhai a ddyheant ar ôl llwch y ddaear ar ben y tlodion, ac a wyrant ffordd y gostyngedig: a gŵr a’i dad a â at yr un llances, i halogi fy enw sanctaidd. ⁸ Ac ar ddillad wedi eu rhoi yng ngwystl y gorweddant wrth bob allor; a gwin y dirwyol a yfant yn nhŷ eu duw.

⁹ Eto myfi a ddinistriais yr Amoriad o’u blaen hwynt, yr hwn yr oedd ei uchder fel uchder y cedrwydd, ac efe oedd gryf fel derw; eto mi a ddinistriais ei ffrwythau oddi arnodd, a’i wraidd oddi tanodd. ¹⁰ Myfi hefyd a’ch dygais chwi i fyny o wlad yr Aifft, ac a’ch arweiniais chwi ddeugain mlynedd trwy yr anialwch, i feddiannu gwlad yr Amoriad. ¹¹ A mi a gyfodais o’ch meibion chwi rai yn broffwydi, ac o’ch gwŷr ieuainc rai yn Nasareaid. Oni bu hyn, O meibion Israel? medd yr Arglwydd ¹² Ond chwi a roesoch i’r Nasareaid win i’w yfed; ac a orchmynasoch i’ch proffwydi, gan ddywedyd, Na phroffwydwch. ¹³ Wele fi wedi fy llethu tanoch fel y llethir y fen lawn o ysgubau. ¹⁴ A metha gan y buan ddianc, a’r cryf ni chadarnha ei rym, a’r cadarn ni wared ei enaid ei hun: ¹⁵ Ni saif a ddalio y bwa, ni ddianc y buan o draed, nid achub marchog march ei einioes ei hun. ¹⁶ A’r cryfaf ei galon o’r cedyrn a ffy y dwthwn hwnnw yn noeth lymun medd yr Arglwydd.

Salm Dafydd o foliant.

145 Dyrchafaf di, fy Nuw, O Frenin; a bendithiaf dy enw byth ac yn dragywydd. ² Beunydd y’th fendithiaf; a’th enw a folaf byth ac yn dragywydd. ³ Mawr yw yr Arglwydd, a chanmoladwy iawn; a’i fawredd sydd anchwiliadwy. ⁴ Cenhedlaeth wrth genhedlaeth a fawl dy weithredoedd, ac a fynega dy gadernid. ⁵ Ardderchowgrwydd gogoniant dy fawredd, a’th bethau rhyfedd, a draethaf. ⁶ Traethant hwy gadernid dy weithredoedd ofnadwy: mynegaf finnau dy fawredd. ⁷ Coffadwriaeth amlder dy ddaioni a draethant; a’th gyfiawnder a ddatganant. ⁸ Graslon a thrugarog yw yr Arglwydd; hwyrfrydig i ddig, a mawr ei drugaredd. ⁹ Daionus yw yr Arglwydd i bawb: a’i drugaredd sydd ar ei holl weithredoedd. ¹⁰ Dy holl weithredoedd a’th glodforant, O Arglwydd; a’th saint a’th fendithiant. ¹¹ Dywedant am ogoniant dy frenhiniaeth; a thraethant dy gadernid: ¹² I beri i feibion dynion adnabod ei gadernid ef, a gogoniant ardderchowgrwydd ei frenhiniaeth. ¹³ Dy frenhiniaeth di sydd frenhiniaeth dragwyddol: a’th lywodraeth a bery yn oes oesoedd. ¹⁴ Yr Arglwydd sydd yn cynnal y rhai oll a syrthiant, ac sydd yn codi pawb a ddarostyngwyd. ¹⁵ Llygaid pob peth a ddisgwyliant wrthyt; ac yr ydwyt yn rhoddi eu bwyd iddynt yn ei bryd; ¹⁶ Gan agoryd dy law, a diwallu pob peth byw â’th ewyllys da. ¹⁷ Cyfiawn yw yr Arglwydd yn ei holl ffyrdd, a sanctaidd yn ei holl weithredoedd. ¹⁸ Agos yw yr Arglwydd at y rhai oll a alwant arno, at y rhai oll a alwant arno mewn gwirionedd. ¹⁹ Efe a wna ewyllys y rhai a’i hofnant: gwrendy hefyd eu llefain, ac a’u hachub hwynt. ²⁰ Yr Arglwydd sydd yn cadw pawb a’i carant ef; ond yr holl rai annuwiol a ddifetha efe. ²¹ Traetha fy ngenau foliant yr Arglwydd: a bendithied pob cnawd ei enw sanctaidd ef byth ac yn dragywydd.