M’Cheyne Bible Reading Plan

⁵ માંરા ઉપર મોતનાં મોજાં ચારેબાજુથી ફરી વળ્યાં હતાં,
    અને તે પૂરે મને બીવડાળ્યો અને મને મોતના સ્થળે ઘસડી રહ્યું હતું.
⁶ કબરનાં દોરડાએ મને ઘેરી લીધો હતો:
    મૃત્યુની જાળ માંરી સામે મૂકવામાં આવી હતી.
⁷ મેં સંકટ સમયે યહોવાને પોકાર કર્યો,
    માંરા દેવને મેં પોકાર કર્યો;
યહોવાએ પોતાના મંદિરમાં સાદ સાંભળ્યો;
    અને માંરી અરજ તેને કાને પહોચી.
⁸ પૃથ્વી હાલી અને કાંપી ઊઠી,
    આકાશોના પાયા ધ્રૂજયા;
    કારણ કે યહોવા ગુસ્સે થયા હતાં.
⁹ તેના નાકમાંથી ધૂમાંડો બહાર કાઢે છે,
    દેવના મુખમાંથી જવાળાઓ બહાર આવે છે
    અને તે થી કોલસાં સળગે છે.
¹⁰ દેવ આકાશ ફાડીને નીચે ઉતરી આવ્યાં,
    અને તે અંધકારમય ગાઢવાદળ પર ઉભા રહ્યાં.
¹¹ યહોવા કરૂબ દેવદૂત પર બેઠા અને ઊડ્યાં,
    તેઓ પવનની પાંખો ઉપર ચઢીને ઊડ્યાં.
¹² દેવે કાળા વાદળો તંબૂની જેમ પોતાની આસપાસ વીંટાળ્યાં.
    તેમણે જળ એકઠું કરી અને ગાઢા ગર્જતા વાદળોમાં આસપાસ અંધકારનું રૂપાંતર કર્યું.
¹³ તેમની સામે રહેલા પ્રકાશમાંથી
    અગ્નિના કોલસા સળગ્યા.
¹⁴ યહોવાએ ત્રાડ પાડી,
    પરાત્પર દેવે પોતાનો અવાજ સંભળાવ્યો.
¹⁵ યહોવાએ વિજળીની જેમ બાણ છોડ્યા અને શત્રુઓને વિખેરી નાખ્યા.
    તેઓ અસ્વસ્થ બની ભાગી ગયા.

¹⁶ યહોવા ભારપૂર્વક બોલ્યા, જાણે એના નાક તણા ફૂંફાડે;
    પવન તેમના મોઢામાંથી બહાર ફૂંકાયો, સાગરનાં પાણી પાછા ઠેલાયા,
સાગરના તળિયાં દેખાવા લાગ્યા,
    પૃથ્વીના પાયા હચમચી ગયા.

¹⁷ તેમણે ઉપરથી હાથ લંબાવી ને મને બચાવ્યો;
    તેમણે મને મુશ્કેલીરૂપી ઊંડા પાણીમાંથી મજબૂત રીતે પકડી અને બહાર કાઢયો.
¹⁸ મને શકિતશાળી શત્રુઓથી ઉગાર્યો,
    માંરા શત્રુઓ માંરાથી બળવાન હતા, તેમનાથી બચાવ્યો.
¹⁹ અણધારી આફત માંરા ઉપર આવી,
    અને માંરા પર શત્રુઓએ હુમલો કર્યો.
²⁰ યહોવાએ મને આધાર આપ્યો, અને ભયમાંથી મને ઉગાર્યો;
    તેઓ માંરા પર પ્રસન્ન હતા, તેથી માંરા જીવનનો ઉદ્ધાર કર્યો.
²¹ હું જે સાચું છે તે કરું છું અને કાંઇ ખોટું કર્યુ નથી.
    મને યહોવા પાસેથી હંમેશા માંરા કર્મ પ્રમાંણે બદલો મળે છે.
²² હું યહોવાના માંર્ગ પર સદા ચાલ્યો છું,
    દેવથી વિમુખ થઈ કશું ભૂડું કર્યું નથી.
²³ મેં સાચા હૃદયથી સદા
    તેમના આદેશનું પાલન કર્યુ છે.
²⁴ હું નિર્દોષ છું ને પોતાને દેવ સન્મુખ,
    પાપથી દૂર રાખ્યો છે.
²⁵ તેથી દેવે માંરી સચ્ચાઇ પ્રમાંણે મને બદલો આપ્યો,
    એમની દ્રષ્ટિમાં મેં કોઇ ખોટું કામ કર્યુ નથી.

²⁶ ભલાની સાથે તમે ભલા બનો છો,
    ને સાત્ત્વિક સાથે તમે સાત્ત્વિક છો.
²⁷ જેઓ સીધા છે તેમની સાથે તમે સીધા રહો છો,
    પણ મહાપ્રપંચી લોકોની ચાલાકી પણ નકામી થઇ જાય છે.
²⁸ નિર્બળ અને ગરીબોને તમે મદદ કરો છો,
    ને ગવિર્ષ્ઠોને તમે શરમિંદા બનાવો છો.
²⁹ હે યહોવા, તમે જ માંરા દીપક છો,
    તમે જ માંરા જીવનનો અંધકાર દૂર કરો છો.
³⁰ યહોવા, આપની મદદથી હું સૈનિકો સાથે દોડી શકું છું,
    દેવની મદદથી હું દુશ્મનોની દીવાલો કૂદીને જઇ શકું છું.

³¹ દેવનો માંર્ગ સંપૂર્ણ ર્છ, દેવની વાણી સત્ય છે;
    જે કોઈ તેમનામાં વિશ્વાસ રાખે છે,
    તેનુ હંમેશા રક્ષણ થશે.
³² એકલા યહોવા આપણા એક માંત્ર દેવ,
    ને એ જ આપણા તારણહાર છે.
³³ દેવ એ માંરો મજબૂત ગઢ છે,
    તે સારા લોકોને તેમને માંર્ગે ચાલવામાં મદદ કરે છે.
³⁴ યહોવા માંરા પગોને હરણના પગ જેવા તેજ ગતિના બનાવે છે,
    અને ઊચા શિખરો પર સ્થિર પગલે ફેરવે છે.
³⁵ યહોવા મને યુદ્ધનું પ્રશિક્ષણ આપે છે,
    અને માંરા ભુજો પિત્તળના ધનુષ્યને ખેચી શકે છે.

³⁶ યહોવા તમે માંરું રક્ષણ કર્યુ છે, અને મને વિજયી બનાવ્યો છે.
    અને તમાંરી મદદે મને મહાન બનાવ્યો છે.
³⁷ યહોવા માંરા પગો અને પગની ઘૂંટીઓને આપ મજબૂત કરો,
    જેથી હું લથડ્યા વગર ચાલી શકું.
³⁸ હું માંરા શત્રુઓ પાછળ જઇશ અને તેઓનો નાશ કરીશ;
    જયાં સુધી હું તેઓ સવેર્નો નાશ નહિ કરું ત્યાં સુધી હું ફરીશ નહિ.
³⁹ મેં માંરા શત્રુઓનો નાશ કર્યો છે,
    મેં તેઓનો સંપૂર્ણ પણે નાશ કર્યો છે.
તેઓ પાછા ઊભા થઇ શકશે નહિ,
    તેઓ અહીં માંરા પગ નીચે પડ્યાં છે.

⁴⁰ દેવ તમે મને યુદ્ધ માંટે શકિતશાળી બનાવ્યો,
    અને તમે માંરા શત્રુઓને હરાવ્યાં.
⁴¹ તમે માંરા શત્રુઓને ભગાડ્યા છે અત:
    હું તેઓને હરાવી શકુ છું.
⁴² તેઓએ પરિણામ વગર
    મદદ મેળવવા પ્રયત્નો કર્યા,
તેઓ યહોવા પાસે પણ મદદ માંટે ગયા.
    પરંતુ તેમણે તેઓને પ્રત્યુત્તર આપ્યો નહિ.
⁴³ મેં માંરા શત્રુઓને માંરીને
    ટૂકડાં કરી નાખ્યા હતા.
તેઓ રસ્તાની ધૂળ જેવા થઇ ગયાં હતાં.
    હું તેઓ પર, જાણે તેઓ ધૂળ હોય તેમ ચાલ્યો.

⁴⁴ જ્યારે માંરા લોકોએ માંરી સામે બળવો કર્યો ત્યારે તમે મને બચાવ્યો અને માંરી રક્ષા કરવા આવ્યા.
    તમે મને દેશનો રાજકર્તા બનાવ્યો.
    જે લોકોને હું કદી જાણતો પણ ન હતો, હવે માંરી સેવા કરે છે.
⁴⁵ બીજા દેશના લોકો માંરી આજ્ઞાનું પાલન કરે છે.
    તેઓ જ્યારે માંરો હુકમ સાંભળે છે કે તરત તેઓ માંરા હુકમ મુજબ વર્તવા તૈયાર થઇ જાય છે.
⁴⁶ અન્ય દેશોના લોકો ભયભીત થશે,
    તેઓ પોતાના છૂપાવાના સ્થાનોથી ભયથી થરથર ધ્રૂજતા બહાર આવશે.

⁴⁷ યહોવા જીવંત છે,
    હું ખડકની પ્રશંસા કરૂં છું.
    દેવ મહાન છે તે એક ખડક છે જે માંરું તારણ કરે છે.
⁴⁸ દેવે માંરા માંટે થઇને માંરા દુશ્મનો ઉપર વેર વાળ્યું,
    તેમણે દેશોને અંકુશમાં રાખવાની સત્તા મને આપી છે.
⁴⁹     માંરા દુશ્મનોથી મને છોડાવે છે;

ને માંરા વિરોધીઓ સામે માંરું મસ્તક ઊંચું રાખે છે;
    ને હિંસાથી તે માંરું સદા રક્ષણ કરે છે.
⁵⁰ એ માંટે હે યહોવા, હું હંમેશા આપનો આભાર માંનીશ.
    હું દેશોમાં હંમેશા તમાંરી સ્તુતિ કરીશ.
    અને તમાંરા નામનાં સ્તોત્રો ગાઈશ.

⁵¹ યહોવા તેના રાજાને ઘણા યુદ્ધોમાં વિજયો અપાવવામાં મદદ કરે છે.
    યહોવા તેમના પસંદ કરેલા રાજાને સાચો પ્રેમ અને દયા દર્શાવે છે.
    દેવ દાઉદ અને તેનાં વંશજો પ્રત્યે, સદાકાળને માંટે કર્તવ્ય પાલન કરે છે.

⁴ “‘હું તારા જડબામાં આંકડી પરોવીશ અને તારી નાઇલની માછલીઓ
    તારાં ભિંગડાને ચોંટી રહે એમ કરીશ.
અને એ બધી માછલીઓ સાથે હું
    તને નદીમાંથી બહાર ખેંચી કાઢીશ.
⁵ હું તને અને તારી નાઇલની બધી માછલીઓને રણમાં ફગાવી દઇશ.
    તું ખુલ્લી જમીન ઉપર પડ્યો રહીશ.
કોઇ તને દફનાવશે નહિ.
    હું તને પશુપંખીઓનો આહાર બનાવીશ.
⁶ ત્યારે મિસરના બધા લોકોને
    ખબર પડશે કે હું યહોવા છું.

“‘તેં ઇસ્રાએલીઓને આપેલો ટેકો બરુની
    લાકડીના ટેકા સમાન હતો.
⁷ જ્યારે જ્યારે તેમણે એ લાકડી પકડી ત્યારે ત્યારે તે તેમના હાથમાં ભાંગી ગઇ,
    અને તેમના ખભાને તેણે ચીરી નાખ્યા.
ને તેમણે જ્યારે એનો ટેકો લીધો ત્યારે
    તે તૂટી ગઇ અને તેમનાં અંગો ધ્રૂજતા રહ્યાં.’”

⁸ તેથી યહોવા આ પ્રમાણે કહે છે:
“હે મિસર, હું તારી વિરુદ્ધ સૈન્યને મોકલીશ
    અને તારા લોકોની અને ઢોરઢાંખરની હત્યા કરાવીશ.
⁹ મિસર વેરાન અને ઉજ્જડ થઇ જશે;
    અને ત્યારે લોકોને ખબર પડશે કે હું યહોવા છું.”

⁹ એફ્રાઇમના લોકો શસ્રસજ્જ હતાં
    છતાં તેઓએ યુદ્ધ દિને પીછેહઠ કરી.
¹⁰ કારણ, તેમણે દેવનો કરાર પાળ્યો નહિ;
    અને તેમના નિયમ પ્રમાણે વર્તવાની ના પાડી.
¹¹ તેમણે કરેલા અદૃભૂત ચમત્કારો તેઓએ નિહાળ્યા હતાઁ,
    છતાં તેમનાં કૃત્યો વિસરી ગયા.
¹² તેઓના પિતૃઓએ મિસર દેશમાં, સોઆનનાં મેદાનમાં;
    દેવે કરેલા ચમત્કારો જોયા હતાં.
¹³ તેમણે તેઓની સમક્ષ સમુદ્રનાં બે ભાગ કર્યા હતાં,
    તેઓને તેમાં થઇને સામે પાર મોકલ્યા હતાં.
    તેઓની બંને બાજુએ પાણી દિવાલની જેમ સ્થિર થઇ ગયું હતું,
¹⁴ વળી તે તેઓને દિવસે મેઘથી અને આખી રાત,
    અગ્નિનાં પ્રકાશથી દોરતો.
¹⁵ તેમણે રણમાં ખડકને તોડીને,
    ઊંડાણમાંથી વહેતું હોય તેમ પુષ્કળ પાણી તેઓને આપ્યું.
¹⁶ પછી તેમણે ખડકમાંથી પાણી કાઢયું,
    અને વહેતી નદીની જેમ પ્રવાહ વહેવડાવ્યો.
¹⁷ તેમ છતાં તેઓએ દેવ વિરુદ્ધ પાપ કરવાનું ચાલું જ રાખ્યું,
    અને અરણ્યમાં પરાત્પર દેવ વિરુદ્ધ બંડ કરતાં રહ્યા.
¹⁸ તેઓએ હઠીલાઇ કરીને દેવની કસોટી કરી,
    દેવ તેઓને આપતાહતા તે કરતાં જુદા જ ખોરાકની માગણી કરી.
¹⁹ તેઓ દેવની વિરુદ્ધ બોલ્યા અને કહ્યું,
    “શું રણમાં તે ભોજન મોકલી શકે?
²⁰ તેમણે ખડકને લાકડી મારી ને,
    પાણીના ઝરણાં વહેવડાવ્યાં તે સાચું છે;
શું તે આપણને રોટલી આપી શકે છે?
    અને તેમનાં લોકોને માંસ આપી શકે?”
²¹ તેઓએ જે કહ્યું તે સાંભળ્યા પછી, યહોવા કોપાયમાન થયા,
    તેઓ ઇસ્રાએલ પર ભારે કોપાયમાન થયા
    અને યાકૂબ પર બહુ જ ગુસ્સે થયા.
²² કારણ, તેઓએ દેવમાં તેમનો વિશ્વાસ મૂક્યો નહિ,
    અને તેમના તારણ પર વિશ્વાસ કર્યો નહિ.
²³ છતાં તેમણે વાદળાંને આજ્ઞા આપી,
    અને આકાશનાં દ્વાર ખોલી નાખ્યાં.
²⁴ તેઓના ખોરાક માટે માન્નાની વૃષ્ટિ કરી;
    અને તેમણે સ્વર્ગમાંથી ભોજન આપ્યું.
²⁵ તેઓએ દેવદૂતોનો ખોરાક ખાધો!
    અને તેઓ તૃપ્ત થયા ત્યાં સુધી યહોવાએ ભોજન આપ્યું.
²⁶ દેવે તેમનાં મહાન સાર્મથ્યથી દક્ષિણ
    અને પૂર્વનો પવન ફૂંકાવ્યો.
²⁷ તેમણે ધૂળની જેમ માંસ અને સમુદ્રની
    રેતીની જેમ પક્ષીઓ તેમનાં પર વરસાવ્યાઁ.
²⁸ તેમણે તેઓની છાવણી મધ્યે
    અને તેઓનાં તંબુઓની ચોપાસ પક્ષીઓ પાડ્યાં.
²⁹ લોકો ધરાઇ રહ્યાં ત્યાં સુધી ખાધું,
    યહોવાએ તેઓને, માગણી પ્રમાણે આપ્યું.
³⁰ પણ તેઓ તેમની ભૂખનું નિયંત્રણ કરી શક્યાં નહિ,
    અને માંસ હજી પણ તેમના મોંઢાં માઁ હતું.
³¹ પછી તેમની સામે યહોવાનો કોપ પ્રગટયો,
    અને તેમણે ઇસ્રાએલમાં જેઓ સૌથી વધુ શકિતશાળી હતા તેમને મારી નાખ્યાં,
    તેમણે શ્રેષ્ઠ યુવાનોને મારી નાખ્યાં.
³² આમ છતાં લોકો પાપ કરતાં રહ્યાં,
    અને તેમના ચમત્કારો પર ભરોસો કર્યો નહિ.
³³ દેવે તેઓના વ્યર્થ જીવનનો
    અંત આપત્તિઓ સાથે કર્યો.
³⁴ જ્યારે જ્યારે તેમણે તેમાંના કેટલાંકને મારી નાખ્યા,
    ત્યારે બીજાઓ તેમના તરફ વળ્યા, અને તેમની મદદ માંગી.
³⁵ ત્યારે તેઓએ યાદ કર્યુ કે, દેવ તેઓના ખડક છે,
    અને પરાત્પર દેવ તેઓના તારક છે.
³⁶ પરંતુ તેઓએ પોતાના મુખે તેની પ્રસંશા કરી,
    અને પોતાની જીભે તેની સમક્ષ જૂઠું બોલ્યા.
³⁷ તેઓનાં હૃદય યહોવા પ્રત્યે વિશ્વાસુ નહોતા;
    તેઓ કરારને વફાદાર નહોતા.