Read the Gospels in 40 Days

—Yajini nejnemi iwan tateyekchiwat wan sentakwa inwan!

⁴ —Katiawel anmutzalan, asu kipia sentzunti ichkat wan puliwik se, inte kinaktia ne ichkatal tik ne kojtan wan yawi kitejtemua ne pulijtuk hasta ma kiajsi? ⁵ Wan kwak kiajsik, paki kikechtanua ne ichkat ⁶ wan kwak ajsi ichan kalinnutza ne ikunpawan wan ne ichantakawan wan kinhilwia:

    "Tiyulpakikan, ka nikajsik ne ichkat nikpulujtuya!"

⁷ Nimetzinhilwia ka ijkiuni yawit yulpakit tik ne ilwikak ipanpa se tateyekchiwa ká muyulpata, mas que ipanpa nawpual-kashtul-nawi ká kichiwat tay yek wan te munekit muyulpatat!

Wan asu se siwat kipia majtakti dolar wan puliwi se, kitimaka se tawil wan tuchpana nujme ne kal wan kitemua kitemua hasta ma kiajsi, ⁹ wan kwak kiajsi, kalinnutza ne ikniwan wan ne ibechiwan, wan ina:

    "Tiyulpakikan, ka nikajsik ne tumin nikpulujtuya!"?

¹⁰ Ijkiuni, nimetzinhilwia, yawit yulpakit kan nemit ne itajtanawatiani ne Teut ipanpa sechin tateyekchiwa ká muyulpata!

—Se takat kipiatuya ume itelpuch, ¹² wan ne mas chikitik kilwij ne iteku:

    "Nuteku, shinechmaka ne takutun ipal mupalwan."

Kimajmakak sejse itakutun ipal tay kipiatuya. ¹³ Wan kwak panutiwit chiupi tunal kisentepew muchi wan yajki ne chinpe ka se tal sujsul wejka wan ikuni kisentaluj muchi ipalwan kichiwa muchi tay kineki. ¹⁴ Kwak kitzunpulujtuk muchi, né walaj se mayan hombron wan yajane pejki muneki, ¹⁵ wan yajki wan musaluj itech se nepa chanej wan yajuni kituktij ka itajtal kitakwaltia ne ikujkuyan. ¹⁶ Wan kielewiskia kitema ne iijti iwan ne tutumuch ne kikwa ne kujkuyamet, wan te aka kimaka tatka. ¹⁷ Pejki yultaketza wan inak:

    "Keski takat tekitit ipal nuteku, wan kipiat intamal, wan nikan nikselia mayan! ¹⁸ Niasneki ichan nuteku wan niaw nikilwia: Nuteku, nikchijki tay teyek ipal ne ajku wan muishpan. ¹⁹ Intea weli nimunutza mukunew. Semaya shinechchiwa ken se mutakaw."

²⁰ Wan ajkewki wan ajsik ichan iteku. Kwak ajsi yawi, kitak ne iteku wan kikukuj iyulu, wan yajki mutalua kinapalua wan kitennamiki. ²¹ Ne telpuch kilwij:

    "Nuteku, nikchijki tay teyek ipal ne ajku wan muishpan. Intea weli nimunutza mukunew."

²² Ne iteku kintuktij ne itejtekitini kienej, inak:

    "Shimunelwikan, shikishtikan ne yek wipil wan shiktalilikan, shikishtukilikan ne imapipil se anilloj wan shiktalikan kakti tik ne ijikshi. ²³ Wan shalwikakan ne wakashkunet tumawak; shikmiktikan pal titakwat wan ma titatwat, ²⁴ ika ini nukunew miktuya, wan muyulkwijtuk! Pulijtuya, wan muajsituk!"

Wan pejket tatwat.

    "Walajtuk ne muikaw, wan muteku kimiktijtuk ne wakashkunet tumawak ika ajsik wan nemi yek."

²⁸ Kwakuni kwalanik wan te kinekituya kalaki. Kiski ne iteku wan mutajtawelij iwan. ²⁹ Yajuni nankilij wan kilwij ne iteku:

    "Ashan miak shiwit nitekiti mupal wan te keman nikchijki tatka asunte muchi tay tinechtuktij; wan inte keman tinechmakak nian se cabrojchin pal nitatwa iwan nukujkunpawan! ³⁰ Kwak walajtuk yajuni ne kitzunpuluj ne mupalwan iwan siwapalamet, tikmiktij ne wakashkunet tumawak ipal."

³¹ Yaja kilwij:

    "Pipil, taja senpa tinemi nuwan wan muchi tay nupal mupal nemi. ³² Nemi pal titatwat wan tipajpakit ika uni muikaw miktuya wan yultuka, wan nemituya pulujtuk wan muajsituk!"

—Nemik se takat kipiatuya wey tumin wan kipiatuya se kalpiani. Wan kitenejket yajuni iishpan, inaket ka ne kalpiani kitzunpulua katka ne ipalwan. ² Wan kinutzki wan kilwij:

    "Tay ini nikaki ka tikchijtuk? Shinechkwepili ne tasenpualis ipal ne mukalpialis ika intea tiweli titajpia ne nukal."

³ Ne kalpiani inak tik iyulu:

    "Tay niaw nikchiwa? Ika ne nutekuyu nechishtilia ne nutekiw: inte niweli nitawawana; pal nitajtani, nishpinawa... ⁴ Nikmati tay niaw nikchiwa, pal kwak nikajkawa ne kalpialis ma nechkwikan tik inkajkal!"

⁵ Wan sejse ika kalinnutzki ne takwinimet, wan kitajtanilij ne achtu:

    "Keski tikwikilia ne nutekuyu?"

⁶ Inak yaja:

    "Sentzunti wajkal tumakka."

Inak ne takat:

    "Shikpia ne muamaw; ashkan shimutali wan shitajkwilu unpual-majtakti."

⁷ Tipan kilwij seuk:

    "Taja keski tikwikilia?"

Inak yajuni:

    "Sentzunti almun sinti."

Kilwia:

    "Shikpia ne muamaw wan shitajkwilu: nawpual."

⁸ Wan ne itekuyu inak ka yek tay ne kalpiani teyek kichijki ika kipishki tamatilis, ika ne takamet ipal ini taltikpak tamatit mas ipanpa tay ipal ashan que ne ikukunew ne tawil. ⁹ Wan nimetzinhilwia ma shimuchiwakan iajamigojwan ne tuminpiani teyek pal kiane kwak inte ankanaj ma metzinkwikan tik ne tajtawipanti pal senpa.

¹⁰ Ká ne kichiwa tay yek tik ne tay chikitik nusan tik ne tay wey kichiwa tay yek, wan ká ne kichiwa tay inte yek tik ne tay chikitik nusan tik ne tay wey kichiwa tay inte yek. ¹¹ Yajika, asu inte ankichijket tay yek iwan ne tuminpiani ne inte yek, ká yawi metzinhajkawa antajpiat ne tay tejkia? ¹² Wan asu inte ankichijket tay yek iwan tay tepal, ká yawi metzinmaka tay anmupal?

¹³ Se kaltekitini inte weli tekiti ipal ume itekuyu, ika kishijias ne se wan kitasujtas ne seuk, wan asu inte, kitajpias ne se wan kijilwis ne seuk. Inte welit antekitit ipal ne Teut wan ipal ne tumin.

—Anmejemet anmusel kinhilwiat ne takamet ka anmejemet yejyek. Ne Teut kishmati ne anmuyujyulu, ika nusan tay ne pal takamet tetekia wey, ijyak tik itachialis ne Teut.

¹⁶ Ne tajtuli wan ne taketzanimet ajsit hasta Yojan, kwakuni pewa muyeknawatia ne itatekimakalis ne Teut wan muchi kinekit kalakit kalijtik. ¹⁷ Mas uij ma wetzi nian se letraj ipal ne tajtuli que ma tamikan ne ilwikak wan ne tal.

¹⁸ Su aka kiajkawa isiwaw wan munamiktia iwan seki, mawiltia. Wan ká munamiktia iwan se siwat muajkawtuk iwan ishulejyu, mawiltia.

—Nemik se takat kipiatuya wey tumin ká kipiatuya ikwajkwach yektzin wan tatwa katka mujmusta. ²⁰ Wan se inte kipia tatka, itukay Lazar, mutamutatuk pelechnaj itech itenkal, ²¹ ne kielewiskia mutakwaltia su weli iwan tay ne wetzi talchi kan takwa katka ne kipiatuya wey, wan hasta ne pejpelumet ajsit kishpaluat ne ichijchiraj.

²² Muchijki ka mikik ne inte kipiatuya tatka wan ajsiket ne tanawatianimet wan kiwikaket itech ielpan Abraham. Nusan ne kipiatuya wey tumin mikik, wan mutalpachuj, ²³ wan tik ne miktanshaput, kwak tajselia nemi, ajkutachishki wan né wejka kita Abraham iwan Lazar itech ielpan, ²⁴ wan yaja tzajtzalij, inak:

    "Abraham nuteku, shinechpalewi wan shiktukti Lazar ma wiki wan ma kituka ne itzunmapipil ijtik ne sesek at wan ma kiajwili ne nunenepil ika nechkukua ini tit!"

²⁵ Abraham inak:

    "Pipil, shikelnamiki ka taja tikpishki muchi tay yek kwak tiyultuk wan Lazar kipishki tay inte yek. Ashan ka nikan, yaja ma tajtani, taja ma shitajseli. ²⁶ Nusan, itzalan tejemet wan anmejemet muchijki se wey ustut, ken ne nikan nemit ne kinekiskiat panut hasta kan annemit inte welit, nian welit panut ka nikan ne nemit ka ikuni."

²⁷ Kwakuni inak:

    "Asu ijkiuni, nimetztajtani, nuteku, ma shiktukti ma yawi ichan nuteku, ²⁸ ika naja nikpia makwil nuikaw, pal kinnawatia ma te wikikan yejemet ka nikan tajseliat nusan."

²⁹ Ina Abraham:

    "Kipiata Moshe wan ne taketzanimet. Ma kinkakikan."

³⁰ Yaja inak:

    "Inte, nuteku Abraham; melka uni, asu yasneki ajaka pal ne miktiwit intech, san muyulpatasket."

³¹ Kwakuni kilwij:

    "Asu inte kinkakit Moshe wan ne taketzanimet, melka muketzaskia ajaka pal ne miktiwit nusan inte tayulmatisket."