Daily Reading for Personal Growth, 40 Days with God

⁵ Oo, at dahil din dito, sa pagkaragdag sa ganang inyo ng buong sikap, ay ipamahagi ninyo sa inyong pananampalataya ang kagalingan; at sa kagalingan ay ang ^(A)kaalaman;

⁶ At sa kaalaman ay ang ^(B)pagpipigil; at sa pagpipigil ay ang ^(C)pagtitiis; at sa pagtitiis ay ang ^(D)kabanalan;

⁷ At sa kabanalan ay ang ^(E)mabuting kalooban sa kapatid; at sa mabuting kalooban sa kapatid ay ang ^(F)pagibig.

⁸ Sapagka't kung nasa inyo ang mga bagay na ito at sumasagana, ay hindi kayo pababayaang maging mga tamad o mga walang bunga sa pagkakilala sa ating Panginoong Jesucristo.

⁹ Sapagka't yaong wala ng mga bagay na ito ^(G)ay bulag, na ang nakikita lamang ay ang nasa malapit, sa pagkalimot ng ^(H)paglilinis ng kaniyang dating mga kasalanan.

¹⁰ Kaya, mga kapatid, lalong pagsikapan ninyo na mangapanatag kayo sa ^(I)pagkatawag at pagkahirang sa inyo: sapagka't kung gawin ninyo ang mga bagay na ito ay ^(J)hindi kayo mangatitisod kailan man:

¹¹ Sapagka't sa gayon ay ipinamamahaging sagana sa inyo ang pagpasok ^(K)sa kahariang walang hanggan ng Panginoon natin at Tagapagligtas na si Jesucristo.