The Daily Audio Bible

Ang Israel ay parurusahan dahil sa kaniyang pagpapahirap.

4 Dinggin ninyo ang salitang ito, Oh mga ^(A)baka ng Basan, na ^(B)nangasa bundok ng Samaria, na ^(C)nagsisipighati sa mga dukha, na nagsisigipit sa mga mapagkailangan, na nangagsasabi sa kanilang mga panginoon, Dalhin ninyo rito, at ating inumin.

² Ang Panginoong Dios ay ^(D)sumumpa sa pamamagitan ng kaniyang kabanalan, na, narito, ang mga kaarawan ay darating sa inyo, na kanilang huhulihin kayo ng mga taga ng bingwit, at ^(E)ang nalabi sa inyo ay ng mga pamingwit.

³ At kayo'y magsisilabas sa mga sira, na bawa't isa'y tuloytuloy; at kayo'y mangagpapakatapon sa Harmon, sabi ng Panginoon.

⁴ Magsiparoon kayo sa ^(F)Beth-el, at magsisalangsang kayo; sa ^(G)Gilgal, at paramihin ninyo ang pagsalangsang; at inyong dalhin ang inyong mga hain tuwing umaga, ^(H)at ang inyong mga ikasangpung bahagi tuwing tatlong araw;

⁵ At ^(I)kayo'y mangaghandog ng hain ng pasasalamat ^(J)na may lebadura, at kayo'y mangaghayag ng ^(K)kusang mga handog at inyong itanyag; sapagka't ito'y nakalulugod sa inyo, Oh ninyong mga anak ni Israel, sabi ng Panginoong Dios.

⁶ At binigyan ko naman kayo ng kalinisan ng mga ngipin sa lahat ninyong mga bayan, at kakulangan ng tinapay sa lahat ninyong mga dako; ^(L)gayon ma'y hindi kayo nanganumbalik sa akin, sabi ng Panginoon.

⁷ At ^(M)akin namang pinigil ang ulan sa inyo, nang tatlong buwan na lamang at pagaani na; at aking pinaulan sa isang bayan, at hindi ko pinaulan sa kabilang bayan: isang bahagi ay inulanan, at ang bahagi na hindi inulanan ay natuyo.

⁸ Sa gayo'y dalawa o tatlong bayan ay nagsigala sa isang bayan upang magsiinom ng tubig, at hindi nangapawi ang uhaw: gayon ma'y hindi kayo nanganumbalik sa akin, sabi ng Panginoon.

⁹ Aking sinalot kayo ng pagkalanta at ng amag: ang karamihan ng inyong mga halaman, at ng inyong mga ubasan, at ng inyong mga igusan, at ng inyong mga olibohan ay ^(N)nilipol ng tipaklong: gayon ma'y hindi kayo nanganumbalik sa akin, sabi ng Panginoon.

¹⁰ Aking pinarating sa gitna ninyo ang salot ^(O)na gaya ng sa Egipto: ang inyong mga binata ay pinatay ko ng tabak, ^(P)at dinala ko ang inyong mga kabayo; at aking pinaalingasaw ang baho ng inyong kampamento hanggang sa inyong mga butas ng ilong; gayon ma'y hindi kayo nanganumbalik sa akin, sabi ng Panginoon.

¹¹ Aking ibinuwal ang iba sa inyo, ^(Q)gaya nang ibuwal ng Dios ang Sodoma at Gomorra, at kayo'y naging gaya ng ^(R)dupong na naagaw sa apoy: gayon ma'y hindi kayo nanganumbalik sa akin, sabi ng Panginoon.

¹² Kaya't ganito ang gagawin ko sa iyo, Oh Israel; at yamang aking gagawin ito sa iyo, humanda kang salubungin mo ang iyong Dios, Oh Israel.

¹³ Sapagka't, narito, siyang nagaanyo ng mga bundok, at lumilikha ng hangin, ^(S)at nagpapahayag sa tao kung ano ang kaniyang pagiisip; na ^(T)nagpapadilim ng umaga, at yumayapak sa mga mataas na dako ng lupa—ang Panginoon, ang Dios ng mga hukbo ay siya niyang pangalan.

Ang Israel ay sinamo upang hanapin ang Panginoon.

5 Dinggin ninyo ang salitang ito na aking itinataghoy sa inyo, Oh sangbahayan ni Israel.

² Ang dalaga ng Israel ay ^(U)nabuwal; siya'y hindi na magbabangon pa, ^(V)siya'y nahagis sa kaniyang lupain; walang magbangon sa kaniya.

³ Sapagka't ganito ang sabi ng Panginoong Dios: Ang bayan na lalabas na isang libo, maiiwang isang daan, at ang lalabas na isang daan ay maiiwang sangpu, sa sangbahayan ni Israel.

⁴ Sapagka't ganito ang sabi ng Panginoon sa sangbahayan ni Israel; Hanapin ninyo ako, at kayo'y mangabubuhay;

⁵ Nguni't huwag ninyong hanapin ang ^(W)Beth-el, ni magsipasok man sa Gilgal, at huwag kayong magsidaan sa ^(X)Beer-seba: sapagka't walang pagsala ang Gilgal ay papasok sa pagkabihag, at ang Beth-el ay mauuwi sa wala.

⁶ Inyong hanapin ang Panginoon, at kayo'y mangabubuhay; baka siya'y sumigalbong parang apoy sa sangbahayan ni Jose, at supukin yaon, at sa Beth-el ay walang makapapatay niyaon:

⁷ Kayong ^(Y)nagpapaging ajenjo sa kahatulan, at nagwawaksi ng katuwiran sa lupa.

⁸ Inyong hanapin ^(Z)ang lumikha ng mga Pleyades at ng Orion, ^(AA)at ang lilim ng kamatayan ay pinapaging umaga, ^(AB)pinapagdilim ang araw sa pamamagitan ng gabi; yaong tumatawag sa tubig sa dagat, at nagbubugso ng mga yaon sa ibabaw ng lupa (Panginoon ang siya niyang pangalan);

⁹ Yaong nagdadala ng biglang kabuwalan sa malakas, na anopa't ang pagkasira ay dumarating sa katibayan.

¹⁰ Kanilang kinapopootan ^(AC)ang nananaway ^(AD)sa pintuang-bayan, at kanilang kinasusuklaman ang nagsasalita ng matuwid.

¹¹ Palibhasa nga't inyong niyayapakan ang dukha, at inyong hinihingan siya ng trigo: kayo'y ^(AE)nangagtayo ng mga bahay na batong tinabas, nguni't hindi ninyo tatahanan; kayo'y nangagtanim ng mga maligayang ubasan, nguni't hindi kayo magsisiinom ng alak niyaon.

¹² Sapagka't talastas ko kung gaano karami ang inyong mga pagsalangsang, at kung gaano kalaki ang inyong mga kasalanan—kayong nagsisidalamhati sa ganap, na kinukunan ninyo ng suhol, at inyong inililigaw sa kanilang matuwid ^(AF)ang mapagkailangan sa pintuang-bayan.

¹³ Kaya't siya na mabait ay tatahimik sa panahong yaon; sapagka't masamang panahon.

¹⁴ Magsihanap kayo ng kabutihan, at huwag kasamaan, upang kayo'y mangabuhay; at sa gayo'y ang Panginoon, ang Dios ng mga hukbo, ay sasa inyo, ^(AG)gaya ng inyong sinasabi.

¹⁵ Inyong kapootan ang masama, at ibigin ang mabuti, at kayo'y mangagtatatag ng kahatulan sa pintuang-bayan: marahil ang Panginoon, ang Dios ng mga hukbo ay magiging mapagbiyaya sa ^(AH)nalabi sa Jose.

¹⁶ Kaya't ganito ang sabi ng Panginoon, ng Dios ng mga hukbo, ng Panginoon: Panaghoy ay sa lahat na daan; at sila'y mangagsasabi sa lahat na lansangan, Sa aba! sa aba! at kanilang tatawagin ang mangbubukid sa pananambitan, at ang lahat na bihasa sa pananaghoy sa pagtaghoy.

¹⁷ At sa lahat ng ubasan ay magkakaroon ng panaghoy; sapagka't ^(AI)ako'y daraan sa gitna mo, sabi ng Panginoon.

Ang kaarawan ng Panginoon.

¹⁸ Sa aba ninyo na nangagnanasa ng ^(AJ)kaarawan ng Panginoon! bakit ninyo ninanasa ang kaarawan ng Panginoon? kadiliman ^(AK)nga, at hindi kaliwanagan.

¹⁹ Gaya ng kung ang tao ay tumatakas sa leon, at isang oso ang sumasalubong sa kaniya; o pumapasok sa bahay at ikinakapit ang kaniyang kamay sa pinid, at isang ahas ang tumutuka sa kaniya.

²⁰ Hindi baga magiging kadiliman ang kaarawan ng Panginoon, at hindi kaliwanagan? na totoong madilim, at walang ningning?

^21 (AL)Aking kinapopootan, aking hinahamak ang inyong mga kapistahan, at hindi ako malulugod sa inyong mga takdang kapulungan.

²² Oo, bagaman inyong ihandog sa akin ang inyong mga handog na susunugin at mga handog na harina, ^(AM)hindi ko tatanggapin; ni akin mang kalulugdan ang mga handog tungkol sa ^(AN)kapayapaan na inyong mga matabang hayop.

²³ Ihiwalay mo sa akin ang ingay ng iyong mga awit; sapagka't hindi ko didinggin ang tinig ng iyong mga biola.

²⁴ Kundi bumugso ang katarungan na parang tubig, at ang katuwiran na parang malakas na agos.

²⁵ Nagdala baga kayo sa akin ng mga ^(AO)hain, at ng mga handog sa ilang na apat na pung taon, Oh sangbahayan ni Israel?

²⁶ Oo, inyong pinasan ang ^(AP)tabernakulo ng inyong hari at ang dambana ng inyong mga larawan, ang bituin ng inyong dios, na inyong ginawa para sa inyong sarili.

²⁷ Kaya't kayo'y aking papapasukin sa pagkabihag sa dako roon ng Damasco, sabi ng Panginoon, na ang pangala'y ^(AQ)Dios ng mga hukbo.

Ang pagmamasagwa at ang di pagbabanal ay parurusahan.

6 ^(AR)Sa aba nila na nangagwawalang bahala sa Sion, at nila na mga tiwasay sa bundok ng Samaria, na magigiting na lalake sa mga pangulong bansa, ng mga pinagsasadya ng sangbahayan ni Israel!

² Magsidaan kayo sa ^(AS)Calne, at inyong tingnan; at mula roon ay magsiparoon kayo sa ^(AT)Hamath na malaki; kung magkagayo'y magsibaba kayo sa Gath ng mga Filisteo: ^(AU)magaling baga sila kay sa mga kahariang ito? o malaki baga ang kanilang hangganan kay sa inyong hangganan?

³ Kayong ^(AV)nangaglalayo ng masamang araw at nangagpapalit ng likmuan ng karahasan;

⁴ Na nangahihiga sa mga higaang garing, at nagsisiunat sa kanilang mga hiligan, at nagsisikain ng mga batang tupa na mula sa kawan, at ng mga guya na mula sa gitna ng kulungan;

⁵ Na nagsisiawit ng mga pagayongayong awit sa tinig ng biola; na ^(AW)nagsisikatha sa ganang kanilang sarili ng mga panugtog ng tugtugin, na gaya ni David;

⁶ Na nagsisiinom ng alak sa mga mankok, at nagsisipagpahid ng mga mainam na pabango; nguni't hindi nangahahapis sa pagdadalamhati ng Jose.

^7 (AX)Sila nga ngayo'y magsisiyaong bihag na kasama ng unang nagsiyaong bihag, at ang kasayahan nila na nagsisihiga ay mapaparam.

⁸ Ang Panginoong Dios ay sumumpa ^(AY)sa kaniyang sarili, sabi ng Panginoon, ng Dios ng mga hukbo: Aking kinayayamutan ^(AZ)ang karilagan ng Jacob, at aking kinapopootan ang kaniyang mga palacio; kaya't aking ibibigay ang bayan sangpu ng lahat na nandoon.

⁹ At mangyayari, kung may matirang sangpung tao sa isang bahay, na pawang mangamamatay.

¹⁰ At pagka itataas siya ng amain, sa makatuwid baga'y ng ^(BA)sumusunog sa kaniya, upang ilabas ang mga buto sa bahay, at sasabihin doon sa nasa ^(BB)pinakaloob ng bahagi ng bahay, May kasama ka pa bagang sinoman? at kaniyang sasabihin: Wala; kung magkagayo'y kaniyang sasabihin: Tumahimik ka; sapagka't hindi natin mababanggit ang pangalan ng Panginoon.

¹¹ Sapagka't narito, naguutos ang Panginoon, at ang malaking bahay ay magkakasira, at ang munting bahay ay magkakabutas.

¹² Tatakbo baga ang mga kabayo sa malaking bato? magaararo baga roon ang sino man sa pamamagitan ng mga toro? inyo ngang ^(BC)ginagawang kapaitan ang ^(BD)katarungan, at ajenjo ang bunga ng katuwiran,

¹³ Kayong nangagagalak sa isang bagay na walang kabuluhan na nangagsasabi; Di baga kami ay nagtaglay para sa amin ng ^(BE)mga sungay sa pamamagitan ng aming sariling kalakasan?

¹⁴ Sapagka't, narito, aking ititindig laban sa inyo ang isang bansa, Oh sangbahayan ni Israel, sabi ng Panginoon, ng Dios ng mga hukbo; at kanilang pagdadalamhatiin kayo mula ^(BF)sa pasukan sa Hamath hanggang sa batis ng Araba.

¹⁸ At ^(A)sa anghel ng iglesia sa ^(B)Tiatira ay isulat mo:

Ang mga bagay na ito ay sinasabi ng Anak ng Dios, ^(C)na may mga matang gaya ng ningas ng apoy, at ang kaniyang mga paa ay gaya ng tansong binuli:

¹⁹ Nalalaman ko ang iyong mga gawa, at ang iyong pagibig, at pananampalataya at ministerio at pagtitiis, at ang iyong mga huling gawa ay higit kay sa mga una.

²⁰ Datapuwa't ^(D)mayroon akong laban sa iyo, na pinahintulutan mo ang babaing si Jezebel, na nagpapanggap na propetisa; at siya'y nagtuturo at humihikayat sa aking mga lingkod upang makiapid, at ^(E)kumain ng mga bagay na inihahain sa mga diosdiosan.

²¹ At binigyan ko siya ng panahon upang ^(F)makapagsisi; at siya'y ayaw magsisi sa kaniyang pakikiapid.

²² Narito, akin siyang iniraratay sa higaan, at ang mga nakikiapid sa kaniya sa malaking kapighatian, maliban na kung sila'y magsisipagsisi sa kaniyang mga gawa.

²³ At papatayin ko ng salot ang kaniyang mga anak; at malalaman ng lahat ng mga iglesia na ako'y yaong ^(G)sumasaliksik ng mga pagiisip at ng mga puso: at ^(H)bibigyan ko ang bawa't isa sa inyo ng ayon sa inyong mga gawa.

²⁴ Datapuwa't sinasabi ko sa inyo, sa mga iba na nasa Tiatira, sa lahat ng walang aral na ito, na hindi nakakaalam ng malalalim na bagay ni Satanas, gaya ng sinasabi nila; ^(I)hindi na ako magpapasan sa inyo ng ibang pasan.

²⁵ Gayon ma'y ang nasa inyo'y panghawakan ninyong matibay hanggang sa ^(J)ako'y pumariyan.

^26 (K)At ang magtagumpay, at tumupad ng aking mga gawa hanggang sa katapusan, ^(L)ay bibigyan ko ng kapamahalaan sa mga bansa:

²⁷ At sila'y paghaharian niya sa pamamagitan ng isang panghampas na ^(M)bakal, gaya ng pagkadurog ng mga sisidlang lupa ng magpapalyok; gaya naman ng tinanggap ko sa aking Ama:

²⁸ At sa kaniya'y ibibigay ko ^(N)ang tala sa umaga.

²⁹ Ang may pakinig, ay makinig sa sinasabi ng Espiritu sa mga iglesia.

3 At sa anghel ng iglesia sa ^(O)Sardis ay isulat mo:

Ang mga bagay na ito ay sinasabi ng ^(P)may pitong Espiritu ng Dios, at may pitong bituin: Nalalaman ko ang iyong mga gawa, na ikaw ay may pangalang ikaw ay nabubuhay, ^(Q)at ikaw ay patay.

² Magpuyat ka, at pagtibayin mo ang mga bagay na natitira, na malapit ng mamatay: sapagka't wala akong nasumpungang iyong mga gawang sakdal sa harapan ng aking Dios.

³ Alalahanin mo nga kung paanong iyong tinanggap at narinig; at ito'y tuparin mo, at magsisi ka. Kaya't kung hindi ka magpupuyat ^(R)ay paririyan akong ^(S)gaya ng magnanakaw, at hindi mo malalaman kung anong panahon paririyan ako sa iyo.

⁴ Nguni't mayroon kang ^(T)ilang pangalan sa Sardis na hindi ^(U)nangagdumi ng kanilang mga damit: at sila'y kasama kong magsisilakad ^(V)na may mga damit na maputi; sapagka't sila'y karapatdapat.

^5 (W)Ang magtagumpay ^(X)ay daramtang gayon ng mga mapuputing damit; at hindi ko ^(Y)papawiin sa anomang paraan ang kaniyang pangalan ^(Z)sa aklat ng buhay, at ^(AA)ipahahayag ko ang kaniyang pangalan sa harapan ng aking Ama, at ^(AB)sa harapan ng kaniyang mga anghel.

⁶ Ang may pakinig, ay makinig sa sinasabi ng Espiritu sa mga iglesia.

Pagasa sa pagpapatawad ng Panginoon. Awit sa mga Pagsampa.