◀ All Reading Plans / The Daily Audio Bible / Isaiah 62:6-65:25; Philippians 2:19-3:3; Psalm 73; Proverbs 24:13-14 (Nepali Bible: Easy-to-Read Version)

Prev Day

October 1, 2019

Next Day

Use the calendar to view readings from this devotional.

October 2019
Su	Mo	Tu	We	Th	Fr	Sa
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Return to today's reading

The Daily Audio Bible

This reading plan is provided by Brian Hardin from Daily Audio Bible.

Duration: 731 days

Today's audio is from the CSB. Switch to the CSB to read along with the audio.

यशैया 62:6-65:25

⁶यरूशलेम, म तिम्रा पर्खालहरूमाथि रक्षकहरू खटाउनेछु।
ती रक्षकहरू चुप लागेर बस्ने छैनन्।
तिनीहरू रात दिन प्रार्थना गरिरहनेछन्।

रक्षकहरू! तिमीहरूले परमप्रभुलाई प्रार्थना अवश्य गर्नुपर्छ।
    तिमीहरूले उहाँलाई आफ्ना वचनहरूको सम्झना गराउनु पर्छ।
    कहिल्यै प्रार्थना गर्न नचुक।
⁷जबसम्म परमप्रभुले पृथ्वीमा यरूशलेम बनाउनु हुन्न
    तबसम्म तिमीहरूले उहाँलाई प्रार्थना गर्नु नै पर्छ।

⁸परमप्रभुले शपथ ग्रहण गर्नुभयो। उहाँले प्रमाण स्वरूप आफ्नै शक्ति चलाउनु भयो
    अनि परमप्रभुले त्यो आफ्नो शक्ति त्यही वचनहरू कायम राख्न चलाउनु हुनेछ।
परमप्रभुले भन्नुभयो, “प्रतिज्ञा गर्छु कि,
अब कहिल्यै तिमीहरूका खाद्यान्न तिमीहरूका शत्रुहरूलाई दिइने छैन।
    म वचन दिँन्छु कि तिमीहरूले बनाएका दाखरस,
    तिम्रा शत्रुहरूले लैजाने छैनन्।
⁹जुन मानिसले अन्नहरू थुपारेकाछन् त्यसैले खानेछ,
अनि त्यस मानिसले परमप्रभुको प्रशंसा गर्नेछ।
    जुन मानिसले दाखहरू थुपार्दछ, ती दाखहरूबाट उसले दाखरस पिउनेछ,
    अनि ती कुराहरू मेरो पवित्र देशमा हुनेछ।”

¹⁰मूल ढोकाहरूबाट आऊ!
मानिसहरूकोलागि बाटो खुल्ला पारिदेऊ।
बाटो तयार पार।
बाटोको सारा ढुङ्गाहरू हटाई देऊ।
मानिसहरूकोलागि चिन्ह स्वरूप डन्डा उठाऊ।

¹¹सुन, परमप्रभु टाढा देशहरूमा बस्नेहरूसँग
    बोली रहनु भएकोछ।
“सियोनका मानिसहरूलाई बताऊ
    ‘हेर, तिमीहरूका मुक्तिदाता आउँदै हुनुहुन्छ।
उहाँले तिमीहरूको लागि पुरस्कार ल्याई रहनु भएकोछ
    उहाँले त्यो इनाम आफैसँग लिएर आउनु हुँदैछ।’”
¹²उहाँका मानिसहरूलाई “पवित्र मानिसहरू,”
    या “परमप्रभुका सुरक्षित मानिसहरू” भनेर बोलाईने छ।
अनि यरूशलेमलाई “परमेश्वरले चाहनु भएको शहर,”
    या “परमेश्वरसँगै भएको शहर” भनिने छ।

परमप्रभुले आफ्नो मानिसको न्याय गर्नुहुन्छ

63 एदोमबाट को आइरहेछ?
    ऊ बोज्राबाट आउँदछ।
अनि उसको पोशाकहरूमा चहकिलो रातो रंगका दागहरू छन्।
    उसको तेजस्वी उसकै पोशाकहरूमा छ।
ऊ पराक्रमी स्वरूप महान शक्तिसँग आइरहेछ।
    उसले भन्दछ, “तिमीहरूलाई बचाउने मसँग शक्ति छ।
    अनि म सत्य बोल्छु।”

²“किन तिम्रो पोशाकहरू चहकिलो रातो छ?
तिनीहरू त्यस्ता मानिसहरूले लगाउने पोशाक हुन्,
जो दाखहरूमाथि हिंड्छन् र त्यसको दाखरस बनाउँदछन्।”

³उसले जवाफ दिन्छ, “मैले आफै अङ्गुरहरू कुल्चिएर हिँड्दै पिस्दैछु।
    मलाई कसैले पनि सहायता गरेनन्।
म रिसाएको थिएँ यसैले अङ्गुरहरूमाथि कुल्चिँदै हिँडे।
    मेरो लुगामा अङ्गुरको रसको छिटाहरू उछिटिएर पर्यो।
    यसैले मेरा लुगाहरू मैला भयो।
⁴मैले मानिसहरूलाई दण्ड दिने समय रोजें।
    मेरा निम्ति मेरो मानिसहरूलाई बचाउने र रक्षा गर्ने समय आइसकेकोछ।
⁵मैले चारै तिर हेरें, तर कुनै मानिस पनि सहाअता गर्ने देखिएनन्।
    मलाई कसैले सहाअता नगरेको देखेर छक्क परें।
यसकारण मैले आफ्ना मानिसहरूलाई रक्षा गर्न आफ्नै शक्ति प्रयोग गरें।
    मेरो आफ्नै क्रोधले मलाई प्रेरणा दियो।
⁶म रिसाएको बेला, मानिसहरूमाथि हिँडें।
    म पागल भएको बेला मानिसहरूलाई दण्ड दिएँ।
    मैले तिनीहरूका रगत भूईंमा पोखाएँ।”

परमप्रभु आफ्ना मानिसहरू प्रति कृपालु हुनुहुन्छ

⁷मैले परमप्रभुका दयापूर्ण कर्महरू सोचिरहेकोछु।
    म परमप्रभुको स्तुति गर्न सोचिरहेकोछु।
परमप्रभुले इस्राएलका मानिसहरूलाई
    धेरै राम्रो चीजहरू दिनु भयो।
परमप्रभु हाम्रो निम्ति साह्रै दयालु हुनुहुन्छ।
    परमप्रभुले हामीलाई दया देखाउनु भयो।
⁸परमप्रभुले भन्नुभयो, “तिनीहरू नै मेरा मानिसहरू हुन्।
    तिनीहरू मेरा खास मानिसहरू हुन्।”
    यसकारण परमप्रभुले ती मानिसहरूलाई बचाउनु भयो।
⁹मानिसहरूसँग धेरै कष्टहरू थिए,
    तर परमप्रभु उनीहरूका विरूद्ध थिएनन्।
परमप्रभुले मानिसहरूलाई प्रेम गर्नुभयो।
अनि उनीहरू प्रति दु:खी हुनुभयो।
    यसकारण परमप्रभुले उनीहरूलाई बचाउनु भयो,
उहाँले तिनीहरूलाई बचाउनु आफ्ना खास स्वर्गदूतलाई पठाउनु भयो।
    उहाँले तिनीहरूलाई उठाउनु भयो र बोक्नु भयो,
    अनि तिनीहरूलाई सदा-सर्वदा हेरचाह गर्नु भयो।
¹⁰तर मानिसहरू परमप्रभुको विरूद्ध उठे।
    तिनीहरूले पवित्र आत्मालाई दु:खित बनाए।
यसकारण उनीहरू परमप्रभुको शत्रु भए
    परमप्रभुले ती मानिसहरू विरूद्ध लडाइँ गर्नु भयो।

¹¹तर धेरै बर्ष अघि के भएको थियो परमप्रभु अझै सोच्नु हुन्छ।
    उहाँ मोशा र मानिसहरूको बारेमा सोच्नु हुन्छ।
परमप्रभु नै एकजना हुनुहुन्छ जसले मानिसहरूलाई समुद्रबाट ल्याउनु भयो।
    परमप्रभुले आफ्ना भेंडाहरू डोर्याउन आफ्नो गोठाला प्रयोग गर्नु भयो।
तर परमप्रभु, जसले आफ्नो आत्मा तिनीहरूमा स्थापित गर्नु भयो,
    अहिले कहाँ हुनुहुन्छ?
¹²परमप्रभुले मोशालाई दाहिने हातले डोर्याउनु भयो।
मोशालाई डोर्याउनकोलागि परमप्रभुले आफ्नो अद्भुत शक्ति प्रयोग गर्नभयो।
    परमप्रभुले पानीलाई दुइ भागमा विभाजन गर्नु भयो
ताकि मानिसहरू समुद्रबाट हिँड्न सकुन्।
    त्यस्ता महान कुराहरू गरेर परमप्रभुले आफ्नो नाउँ प्रख्यात पार्नुभयो।
¹³परमप्रभुले गहिरो समुद्रहरूबाट मानिसहरूलाई डोर्याउनु भयो।
    मानिसहरू नडुबीकन पानीमाथि हिंडे
    जसरी एउटा घोडा जङ्गलमा हिँडीरहेछ।
¹⁴एउटा गाई खेतमा हिँड्दा सजिलै लड्दैन।
यस्तै प्रकारले समुद्रमा हिँड्दा मानिसहरू लडेनन्।
    परमप्रभुको आत्माले मानिसहरूलाई विश्रामको ठाउँमा लादैं थियो।
    सब समय मानिसहरू सुरक्षित थिए।
परमप्रभु त्यही नै बाटो हो तपाईंले मानिसहरूलाई डोर्याउनु भयो
    अनि तपाईंको प्रशंसायोग्य नाउँ महिमीत पार्नुभयो।

आफ्ना मानिसहरूलाई साथ दिनलाई परमेश्वरप्रति प्रार्थना

¹⁵परमप्रभु, र्स्वगबाट तल र्हुर्नुहोस्।
    ती कुराहरू अब घटिरहेको देख्नुहुन्छ।
तपाईंको महान र पवित्र स्वर्गको घरबाट तल हामीतिर हेर्नुहोस।
    तपाईंको प्रगाढ प्रेम हाम्रो लागि काहाँछ?
तपाईंको भित्री आत्माबाट आउने प्रवल शक्ति कहाँ छ?
तपाईंको दया म प्रति छ?
    किन मबाट तपाईंको आफ्नो करूणामय प्रेम लुकाउनु हुन्छ?
¹⁶हेर्नुहोस! तपाईं हाम्रा पिता हुनुहुन्छ!
    अब्राहामले हामीलाई जान्दैनन्।
    याकूबले हामीलाई चिन्दैन।
हे परमप्रभु तपाईं हाम्रा पिता हुनुहुन्छ।
    तपाईं मात्र हुनुहुन्छ जसले हामीलाई सधैँ बचाउनु हुन्छ।
¹⁷हे परमप्रभु, तपाईंले आफूबाट हामीलाई किन टाढा घचेटिरहनु भएको छ?
    तपाईंको अनुशरण गर्न हामीलाई किन वन्चित गराउनु भयो?
हामीकहाँ फर्केर आउनु होस् परमप्रभु।
    हामी तपाईंका दासहरू हौं।
हामीकहाँ आएर हामीलाई साथ दिनुहोस्,
    हाम्रा सन्तानहरू तपाईंकै सम्पत्ति हुन्।
¹⁸तपाईंका पवित्र मानिसहरू आफ्ना देशमा केही समय सम्म मात्र बसे।
    त्यसपछि हाम्रा शत्रुहरूले तपाईंको पवित्र मन्दिरमा कुल्चेर हिँडे।
¹⁹केही मानिसहरू तपाईंद्वारा शासित भएनन्।
    ती मानिसहरू तपाईंको नाउँ लिँदैनन्।
अनि धेरै समय पहिला,
    हामी त्यस्ता खालका मानिसहरू थियौं।

64 यदि तपाईंले आकाश च्याति पृथ्वीमा झार्नु भयो भने
    प्रत्येक कुराहरू परिवर्तित हुने थियो।
    पर्वतहरू तपाईं समक्ष पग्लने थिए।
²पर्वतहरू आगोको रापमा झारपातहरू जलिरहे जस्तो जल्ने थिए।
    पर्वतहरू आगोमाथि पानी जस्तै उम्लिने थिए।
तब तपाईंका शत्रुहरूले तपाईंको बारेमा जान्नेथिए।
    तब सारा जातिहरू तपाईंलाई देख्दा डरले काम्ने थिए।
³जब तपाईं अप्रत्यासित कार्य गर्नुहुन्छ,
    पर्वतहरू तपाईं अघि पग्लन्छन्।
⁴तपाईंका मानिसहरूले साँच्चि नै तपाईंको कुरा कहिल्यै सुनेन्।
    तपाईंले बताएका कुराहरूमा कहिल्यै ध्यान दिएर सुनेन्।
कसैले पनि तपाईं जस्तो परमेश्वर देखेका छैनन्।
    तपाईं बाहेक त्यहाँ त्यस्तो परमेश्वर हुनु हुन्न्।
यदि मानिसहरूमा धैर्य भए अनि तपाईंको सहयोग पर्खेको भए,
    तिनीहरूका लागि तपाईंले महान कुराहरू गरिदिनुहुने थियो।

⁵तपाईं त्यस्ता मानिसहरूसित हुनुहुन्थ्यो जो काम गर्न मन पराउँथे।
    ती मानिसहरूले तपाईंले बताउनु भएको बाटो अनुसार गर्दै तपाईंलाई सम्झना गर्छन्।
तर अतीतमा हामीले तपाईंको विरूद्ध पाप गर्यौ।
यसैकारण तपाईं हामीसित क्रोधित हुनुभयो।
    अब हामीहरू कसरी बचाइन सक्नेछौं?
⁶हामी सबै पापले अशुद्ध भएका छौं।
    हाम्रा असल कामहरू पनि शुद्ध छैनन्।
    तिनीहरू रगतका दागहरू भएका लुगाहरू जस्ता छन्।
हामी ओइलएर झरेका पातहरू झैं छौं।
    हाम्रा पापहरूले हामीलाई बतासले झैं उडाइलैजानेछ।
⁷हामी तपाईंलाई पूज्दैनौं।
हामी तपाईंको नाउँमा विश्वास गर्दैनौं।
    हामी तपाईंलाई अनुशरण गर्न उत्साहित हुँदैनौं।
यसकारण तपाईं हामीदेखि टाढा हुनु भएकोछ।
    हामी तपाईं समक्ष असहाय छौं, किनभने हामी पापै पापले भरिपूर्ण छौं।
⁸तर परमप्रभु, तपाईं हाम्रो पिता हुनुहुन्छ।
    हामी हिलो जस्तै छौं अनि तपाईं कुमाले हुनुहुन्छ।
    तपाईंकै हातले हामीहरूलाई बनाउनु भयो।
⁹परमप्रभु, हामीसित अब यसरी क्रोधित भइ नरहनु होस्।
    हाम्रा पापहरूलाई सधैँ ध्यानमा नराखी भुलि दिनु होस्।
दया गरेर हामीमाथि हेर्नुहोस्
    हामी तपाईंका मानिसहरू हौं।
¹⁰तपाईंका पवित्र शहरहरू रित्तो छन्।
    ती शहरहरू उजाड र निर्जन छन्।
    सियोन निर्जन छ! यरूशलेम ध्वंश भइसक्यो।
¹¹हाम्रा पिता-पुर्खाहरूले तपाईंलाई हाम्रा पवित्र मन्दिरमा पूज्थे।
    हाम्रा मन्दिरहरू एकदम अचम्मका थिए, तर अहिले यो आगोमा जलेर गयो।
    हाम्रा सारा बहुमूल्य सम्पत्तिहरू विनाश भए।
¹²के यी सबै कुराहरूले हामीलाई तपाईंको प्रेमदेखि टाढा लानेछ?
    के तपाईं सधैँ चूपचाप बस्नु हुन्छ?
    के तपाईं हामीलाई सधैँ दण्ड दिनुहुन्छ?

सम्पूर्ण मानिसहरूले परमेश्वरको बारेमा जान्नेछन्

65 परमप्रभुले भन्नुहुन्छ, “मैले ती मानिसहरूलाई सहयोग गरें जो मसँग सल्लाह गर्न आएनन्। जसले मलाई भेटे उनीहरूले मलाई खोज्न आएनन्। जसले मेरो नामै लिएनन्। त्यो जातिलाई मैले भने, ‘हेर, म यहाँ छु, मलाई हेर।’

²“म ती मानिसहरूलाई स्वीकार गर्न तयार छु जो मेरो विरूद्धमा उठेकाछन्। मकहाँ तिनीहरू आऊन, भनेर म पर्खीरहेछु। तर तिनीहरू लगातार त्यसरी नै बाँचे जुन असल होइन्। तिनीहरूले आफ्ना मनले जे चाहे त्यही गरे। ³ती मानिसहरू मसित छन अनि मलाई सधैँ रिस उठाउँछन्। तिनीहरूले बलिहरू चढाउँछन् र आफ्नो विशेष बगैंचाहरूमा धूपहरू जलाउँछन्। ⁴ती मानिसहरू चिहानहरू माझमा बस्दछन्। तिनीहरू मृत मानिसहरूबाट समाचार पर्खन्छन्। तिनीहरू मुर्दाहरू बीचमा बस्दछन्। तिनीहरू सुँगुरको मासु खान्छन्। तिनीहरूको काँटा र धुपौरोहरू सडेका मासुले गर्दा डरलाग्दो मैला छन्। ⁵तर ती मानिसहरूले अरूलाई भन्दछन, ‘मेरो नजिक नआऊ! मैले तिमीहरूलाई शुद्ध नपारून्जेलसम्म मलाई नछोऊ।’ ती मानिसहरू मेरो नाकको धूवाँ जस्तै छन्, अनि सब समय तिनीहरूको आगो बल्दछ।”

इस्राएल दण्डित हुनै पर्छ

⁶“हेर, यहाँ एक हिसाब छ त्यो तिर्नै पर्छ। यो हिसाबले तिमीहरू आफ्ना पापहरूका दोषी भएको दर्शाउँछ। यो हिसाब नतिरून्जेल सम्म म चूपचाप बस्ने छैन अनि म दण्ड दिएर तिनीहरूलाई हिसाब तिर्न लगाउनेछु। ⁷तिमीहरूका पापहरू र तिनीहरूका पिता-पुर्खाहरूका पापहरू बराबरी छन्।” परमप्रभुले यसो भन्नुभयो, “पर्वतहरूमा धूपहरू जलाएर ती पापहरू गरे। तिनीहरूले ती पहाडहरूमा मलाई लज्जित पारे। अनि मैले तिनीहरूलाई प्रथम दण्ड दिएँ। तिनीहरूले पाउनुपर्ने दण्ड मैले दिएँ।”

⁸परमप्रभु भन्नुहुन्छ, “जब अङ्गुरका झुप्पाहरूमा दाखरस रहन्छ, मानिसहरूले त्यसबाट निचोरेर दाखरस निकाल्छन्। तर तिनीहरू अङ्गुर नष्ट गर्दैनन्। म आफ्ना सेवकहरूलाई त्यसै नै गर्नेछु। म तिनीहरूलाई पूरै ध्वंश पार्ने छैन। ⁹म याकूबका सन्तानहरूबाट केही वंश राख्नेछु। यहूदाका मानिसहरूले मेरो पर्वत पाउने छौ। मेरो सेवकहरू त्यहाँ बस्नेछन्। म ती मानिसहरू छान्ने छु जो त्यहाँ बस्नेछ। ¹⁰तब शारोनका बेंसी भेंडाहरूलाई चर्ने चरन हुनेछ। आकोरका बेंसी आराम गर्ने ठाउँ हुनेछ। यी सम्पूर्ण थोकहरू मेरा मानिसहरूका लागि हुन् जसले मलाई खोज्दछन्।

¹¹“तर तिमीहरूले परमप्रभुलाई त्याग्यौ, यसैले तिमीहरू दण्डित हुनेछौ। तिमीहरूले मेरो पवित्र पर्वत भुल्यौ। तिमीहरूले भाग्यलाई मान्न थाल्यौ। तिमीहरूले झूटो देवताहरूको भाग्य-देवलाई मान्न थाल्यौ। ¹²तर म तिमीहरूको भविष्यको निर्णय गर्दछु। अनि तिमीहरू तरवारद्वारा मारिनेछौ, सबै भनेर पनि निर्णय गर्दछु। तिमीहरू सबै नै मारिने छौ। किनभने मैले तिमीहरूलाई बोलाएँ तर तिमीहरूले अस्वीकार गर्यौ, जवाफ दिएनौ। म तिमीहरूसँग बोलें अनि तिमीहरूले सुनेनौ। तिमीहरूले त्यही काम गर्यौ जुन मैले पापपूर्ण हो भनें। मैले मन नपराउने कामहरू नै तिमीहरूले गर्ने निर्णय गर्यौ।”

¹³यसकारण परमप्रभु मेरो मालिकले यी कुराहरू भन्नुभयो:
“मेरा दासहरूले खानेछन्।
    तर तिमीहरू दुष्ट मानिसहरू भने भोको हुनेछौ।
मेरा दासहरूले पिउनेछन्
    तर दुष्ट मानिसहरू तिर्खाउनेछन्।
मेरा दासहरू खुशी हुनेछन्,
    तर दुष्ट मानिसहरू लज्जित हुनेछन्।
¹⁴मेरा दासहरू आनन्दले खुशी हुनेछन्,
    तर दुष्ट मानिसहरू दु:खले रूनेछन्।
तिमीहरूका आत्माहरू टुटेका छन्
    अनि तिमीहरू दु:खी छौ।
¹⁵तिमीहरूको नाउँ मेरा दासहरूकालागि एक नराम्रो शब्द हुनेछ।
परमप्रभु मेरो मालिकले तिमीहरूलाई मार्नु हुन्छ,
    अनि उहाँले आफ्ना दासहरूलाई नयाँ नाउँले बोलाउनु हुन्छ।
¹⁶अहिले जो तिमीहरूले पृथ्वीको नाउँमा आशीर्वाद दिइरहेका छन्।
    तिनीहरूले भविष्यमा पनि परमेश्वर जसमाथि भरोसा गर्न सकिन्छ,
    उहाँको नाउँमा आशीर्वाद दिनेछन्।
मानिसहरू जसले पृथ्वीमा कसम खाने गर्छन्,
    तिनीहरूले सत्यका परमेश्वरद्वारा त्यसो गर्छन्।
किनभने विगतका पीडाहरू बिर्सिसकेको हुनेछ।
    मेरा मानिसहरूले फेरि ती पीडाहरू कहिल्यै सम्झिने छैनन्।”

नयाँ समय आइरहेछ

¹⁷“म नयाँ आकाश र पृथ्वी बनाउनेछु।
मानिसहरूले विगतका कुराहरू सम्झने छैनन्।
    तिनीहरूले ती कुनै पनि कुरा सम्झने छैन।
¹⁸मेरा मानिसहरू खुशी हुनेछन्।
    तिनीहरू सदा-सर्वदा आनन्दित हुनेछन्।
किनभने म नै बनाउनेछु,
म यरूशलेमलाई आनन्दले भरिपूर्ण बनाउने छु,
    अनि म तिनीहरूलाई आनन्दित मानिसहरू बनाउनेछु।

¹⁹“तब म यरूशलेमसँग आनन्दित हुनेछु।
    म मेरा मानिसहरूसँग खुशी हुनेछु।
त्यहाँ फेरि कहिल्यै पनि कोलाहल,
    र कष्ट हुनेछैन्।
²⁰त्यहाँ त्यस शहरमा कुनै पनि यस्तो नानी हुने छैन,
जुन जन्मेर केही दिन मात्र बाँच्दछ।
    त्यस शहरमा छोटो आयु लिएर बाँच्ने कुनै मानिस हुनेछैन।
प्रत्येक बालक लामो आयु लिएर बाँच्दछ,
    अनि प्रत्येक मानिस धेरै लामो समयसम्म बाँच्नेछ।
सय बर्ष सम्म बाँच्ने मानिसलाई जवान नै ठानिने छ।
    अनि जुन मानिस सय बर्ष सम्म पनि बाँच्दैन,
    उसलाई श्रापित भएको ठानिन्छ।

²¹“त्यस शहरमा यदि कसैले घर बनाउँछ भने,
त्यो मानिस त्यहीं बस्नेछ।
    यदि कसैले दाखहरूका बोट बगैंचामा रोप्दछ भने,
    त्यस मानिसले त्यही बगैंचाबाट दाख फलहरू खानेछ।
²²कहिल्यै पनि एकजनाले घर बनाउने छैन,
    अनि अर्को मानिस त्यसमा बस्ने छैन्।
कहिल्यै पनि एकजनाले बगैंचा लगाउने छैन
    अनि अर्को मानिसले बगैंचाको फलफूल खाने छैन्।
मेरा मानिसहरू रूखहरू बाँचुन्जेल सम्म बाँच्नेछन्।
    मैले रोजेका मानिसहरू आफूले बनाएका चीजहरू प्रसन्न भएर लिनेछन्।
²³स्त्रीहरू मरेका नानी जन्माउँनका लागि कहिल्ये पनि फेरि कष्ट गर्ने छैनन्।
    स्त्रीहरू नानी जन्माउने बेलामा के कस्तो घटना होला भनेर डराउने छैनन्।
मेरा सारा मानिसहरू र उनीहरूका बालकहरू परमप्रभुकै आशिष परेका हुनेछन्।
²⁴तिनीहरूले भन्नु अघि नै म तिनीहरूको खाँचो के छ जान्दछु।
    अनि तिनीहरूले आफ्नो दावी राख्न अघि नै म तिनीहरूलाई सहायता गर्नेछु।
²⁵ब्वाँसो र थुमा एउटै ठाउँमा एकसाथ खानेछन्।
    सिंहहरू र गोरूहरूसँगै पराल खानेछन्।
    मेरो पवित्र पर्वतमा कसैले कसैलाई डर देखाउने
अनि चोट पुर्याउनेछैन्।”
परमप्रभुले यी सबै कुराहरू भन्नुभयो।

फिलिप्पी 2:19-3:3

तिमोथी र इपाफ्रोडाइटसको खबर

¹⁹तिमोथीलाई तिमीहरूकहाँ चाँडै पठाउँला भनी म प्रभु येशूमा आशा गर्दछु। तिमीहरूको बारेमा सुनेर म हर्षित हुनेछु। ²⁰तिमोथी जस्तो अरू मानिस मसित छैन। उनको तिमीहरूमा साँच्चो चासो छ। ²¹अरूहरू त आफैंमा मात्र मस्त छन्। ख्रीष्ट येशूको काममा तिनीहरूलाई कुनै चासो छैन। ²²तिमोथी कस्ता मानिस हुन तिमीहरूले जान्दछौ। एउटा छोराले कसरी बाबुको सेवा गर्छ त्यसरी नै सुसमाचारको प्रचारमा उनले मसित सेवा गरेका छन् भन्ने कुरो तिमीहरू जान्दछौ। ²³म उनलाई चाँडै पठाउने प्रयास गर्दैछु। मलाई के हुन्छ त्यो जान्ने बित्तिकै म तिनलाई पठाउनेछु। ²⁴म पुरै भरोसामा छु कि तिमीहरूलाई चाँडै भेट्नु जानु प्रभुले सहायता गर्नु हुनेछ।

²⁵इपाफ्रोडाइटस ख्रीष्टमा हुने मेरा भाइ हुन्। ख्रीष्टको दलमा उनी पनि मसित काम र सेवा गर्छन्। जब मलाई सहायताको खाँचो परेको थियो, तिमीहरूले उसलाई मकहाँ पठाइदियौ। अब उसलाई तिमीहरू भएकोमा नै पठाइदिनु पर्छ भन्ने विचार गर्दैछु। ²⁶म उसलाई यसकारण पनि पठाउनेछु कि तिमीहरूलाई भेट्न उनी पनि खुबै व्याकुल छन्। जब तिमीहरूले उनी बिमार छन् भन्ने सुने देखि उनी चिन्तित थिए। ²⁷हो, उनी साँच्चै बिमारी थिए मृत्युकै मुखमा पुगेका थिए। परमेश्वले उनीमाथि मात्र दया नगरेर ममाथि पनि गर्नुभयो, ताकि मैले धेरै चिन्ता लिनु परेन। ²⁸यसैकारणले उसलाई पठाउन म खुबै इच्छुक छु। उसलाई देखे पछि तिमीहरू पनि खुशी हुनेछौ र मैले तिमीहरूको फिक्री गरिरहनु पर्दैन। ²⁹प्रभुमा उसलाई महा आनन्दमा स्वागत गर। इपाफ्रोडाइटस जस्तो मानिसलाई आदर गर्नु पर्छ। ³⁰ख्रीष्टको कामका निम्ति उसको झण्डै मृत्यु भयो। मेरो सहायता गर्नुमा उनले आफ्नो प्राण नै सङ्कटमा पारे। त्यस्तो सहायता दिन तिमीहरूले सकेनौ।

सबैभन्दा महत्वपूर्ण ख्रीष्ट नै हुनुहुन्छ

3 अनि अब मेरा दाज्यू-भाइ दिदी-बहिनीहरू! प्रभुमा आनन्दित होऊ। यसले तिमीहरूलाई अझ सुरक्षित राख्नेछ त्यही कुरो घरी-घरी लेखिरहनु मलाई केही कष्ट लाग्दैन।

²दुष्ट्याइँ काम गर्नेहरूदेखि होशियार बस। ती कुकुरहरू जस्ता हुन्छन्। तिनीहरू शरीर लुछ्न खोज्छन्। ³तर हामी साँच्चै खतना गरिएकाछौं। हामी परमेश्वरलाई आत्माद्वारा आराधना गर्छौं। हामीले हाम्रो विश्वास ख्रीष्ट येशूमा राख्नेछौं अनि हामी के गर्न सक्छौ त्यसमा होइन।

भजनसंग्रह 73

तेस्रो भाग

(भजनसंग्रह 73–89)

आसापको स्तुति-गान।

¹साँच्चै नै इस्राएल को निम्ति परमेश्वर राम्रो हुनुहुन्छ।
    परमेश्वर ती मानिसहरूका निम्ति राम्रो हुनुहुन्छ जसको हृदय शुद्ध छ।
²म प्रायः चिप्लिएँ र नियन्त्रण हराएँ।
    म प्रायः चुकें अनि पाप गर्न थालें।
³मैले दुष्ट मानिसहरू सफल भएको देखें।
    म ती अहंकारी मानिसहरू देखि इर्ष्यालु भएँ।
⁴ती मानिसहरू ह्रिष्टपुष्ट छन्।
    तिनीहरूलाई बाँच्नको लागि सङ्घर्ष गर्नु पर्दैन।
⁵ती दुष्ट मानिसहरू हामी जस्तो पीडित हुँदैनन्।
    अन्य मानिसहरू जस्ता तिनीहरू सङ्कटमा छैनन्।
⁶यसैले तिनीहरू अंहकारी र घृणित मानिसहरू हुन्।
    तिनीहरूले लगाएका बहुमूल्य गर-गहनाहरू र आर्कषक पोषाकहरू जस्तै देखिन्छन्।
⁷यदि ती मानिसहरू केही अरू थोक जस्तो देखिएको भए,
तिनीहरू जान्छन् र लिन्छन्,
    तिनीहरूले जे चाहे पनि गर्दछन्।
⁸तिनीहरूले नीच र दुष्ट कुराहरू अरूको बारेमा भन्दछन्,
तिनीहरू घमण्डी र हठी खालका छन्
    अनि तिनीहरूले सधैँ नै अरू माथि सहजै फाईदा उठाउने उपायहरू गर्दछन्।
⁹ती अहंकारीहरू आफूलाई देवता मान्दछन्।
    तिनीहरूले आफूलाई पृथ्वीको शासक ठान्छन्।
¹⁰यसर्थ परमेश्वरका मानिसहरू पनि उनीहरू तिर फर्किए,
    र तिनीहरूले जे भने तिनीहरूको निम्ति त्यही कुराहरू गरे।
¹¹ती दुष्ट मानिसहरू भन्छन, “हामीहरूले के गरिरहेका छौं, भनेर परमेश्वर जान्दैनन्!
    सर्वोच्च परमेश्वरले जान्दैनन्।”

¹²ती घमण्डी मानिसहरू दुष्ट छन्,
    तर तिनीहरू धनी छन् र झन् धनी भईरहेका छन्।
¹³यसैले मैले मात्र हृदय किन शुद्ध पार्नु?
    किन मैले मेरो हातहरू धोई सफा राख्नु।
¹⁴हे परमेश्वर, म दिनभरि नै कष्ट भोग्छु
    अनि प्रत्येक बिहान तपाईंले मलाई दण्ड दिनुहुन्छ।

¹⁵हे परमेश्वर, म यस विषयमा अरूहरूसँग कुरा गर्नु चाहुन्छु।
    तर म बुझ्छु कि म तपाईंका मानिसहरूलाई विश्वासघात गरिरहेको हुन्छु।
¹⁶मैले यी कुराहरू जान्नलाई यथासक्य कोशिश गरें।
    तर ती सबै मेरो लागि एकदम कठिन थिए।
¹⁷जबसम्म म परमेश्वरको मन्दिरमा गईनँ,
    तब सम्म मैले तिनीहरूको आखिरी विचार जानिनँ।
¹⁸परमेश्वर, साँच्चि नै तपाईंले ती मानिसहरूलाई भयानक अवस्थामा राख्नु भएको रहेछ।
    सहजै तिनीहरू पतन हुने र नष्ट हुने रहेछन्।
¹⁹सङ्कट अचानक आउन सक्छ,
    तब ती अंहकारीहरू नष्ट-विनिष्ट हुन सक्छन्।
भयानक कुराहरू तिनीहरूमा घट्न सक्छन्
    अनि तिनीहरू समाप्त हुन्छन्।
²⁰हे परमप्रभु, ती मानिसहरू सपना जस्तै हुन्,
    हामी जाग्ने बित्तिकै तिनीहरू अल्पिन्छन्।
हाम्रो सपनाका राक्षसहरू जस्ता
    तपाईंले तिनीहरूलाई विलुप्त पारी दिनु हुनेछ।

^21-22म अज्ञानी थिएँ।
    मैले धनी र दुष्ट मानिसहरूको बारेमा सोचेर व्यार्थै खिन्न भएँ।
हे परमेश्वर! म तपाईंसित शोकाकुल र क्रोधित थिएँ।
    मैले एउटा लठुवा र अज्ञात पशुले जस्तो व्यवहार गरें।
²³म सधैँ नै तपाईंसँग साथमा छु।
    हे परमेश्वर, तपाईंले मेरो दाहिने हात पक्रनु भएकोछ।
²⁴हे परमेश्वर, तपाईंले मेरो अगुवाई गर्नु हुन्छ अनि असल सल्लाह दिनुहुन्छ।
    त्यस पश्चात् महिमा तर्फ मलाई अगुवाई गर्नु हुन्छ।
²⁵हे परमेश्वर, तपाईं बाहेक म स्वर्गमा कसलाई चाहन्छु।
    अनि म तपाईंसित पृथ्वीमा भएको बाहेक अरू केही इच्छा गर्दिनँ।
²⁶मेरो तन र मन नष्ट हुन सक्छ,
    तर मसँग परमेश्वर छ जसलाई म प्रेम गर्छु।
    मसँग परमेश्वर सदा-सर्वदा हुनुहुन्छ!
²⁷हे परमेश्वर, मानिस जसले तपाईंलाई त्यग्दछ त्यो हराउने छ।
    तपाईंले तिनीहरूलाई ध्वंश गर्नु हुनेछ जो तपाईंसित विश्वासी छैनन्।
²⁸म परमेश्वर कहाँ आएँ अनि त्यो मेरो लागि हितकारी भयो।
    मैले परमप्रभु परमेश्वरलाई मेरो सुरक्षित ठाउँ बनाएँ।
    परमेश्वर, म तपाईंकहाँ, तपाईंले गर्नु भएका सबै थोकहरू बताउन आएँ।

हितोपदेश 24:13-14

—26—

¹³हे मेरो छोरा, मह उपभोग गर, यो असल हो, यो मुखमा अति नै गुलियो हुन्छ। ¹⁴यसरी नै यो पनि तिमी जान कि त्यो तिम्रो आत्मा ज्ञानमा रमाउँछ। यदि तिमीले यो ज्ञान प्राप्त गर्यौ भने तिम्रो भविष्य हुनेछ, तिम्रो आशा कहिल्यै हराउने हुँदैन।

Nepali Bible: Easy-to-Read Version (ERV-NE)