Book of Common Prayer

Me exla qa ax Diosjo,
me mix jaw tiˈne tibˈ, tuˈn tok toklin tzeˈn te Dios,
⁷ qalatziˈn, bˈeˈx xkyij ttzaqpiˈn toklin toj kyaˈj,
exsin s‑ok tqˈoˈn tibˈtz tzeˈnkuj jun kyaqˈnilxjal.
⁸ Atzaj teˈ s‑ok te xjal,
xkubˈtzin tyekˈin tmutxbˈil tibˈ,
ex kubˈ tnimin tMan,
ex xi tqˈoˈn tibˈ tuˈn tkyim twutzjo cruz;
ikytzin s‑ele kyiˈn xjaljo ttxˈixew, nyakuj tzeˈn jun aj il.
⁹ Tuˈn xkubˈ tnimintz ikyjo, ma tzaj tqˈoˈn Dios nimxix toklin,
ex ma tzˈok qˈoˈn te tAjaw Tkyaqil,
tukˈa nimxixtl toklin tibˈaj tkyaqilx.
¹⁰ Tunpetziˈn, bˈin quˈn, qa nimxix toklin tbˈi Jesús.
Ex tuˈn ikyjo, noq twutz, kchi kˈwele mejeye kˈulil, a iteˈ toj kyaˈj, ikyqexjo a iteˈ twutz txˈotxˈ, ex ikyqexjo tkyaqil kyimnin.
¹¹ Tuˈnpetziˈn, tkyaqilx tuˈn tkubˈ nabˈlinte, ex tuˈn tkubˈ qˈmante,
qa oˈkx Jesucrist, a tAjaw Tkyaqil, ok te nimsbˈilte tbˈi qMan Dios.