¹ Si Judas, na ^(A)alipin ni Jesucristo, at kapatid ni ^(B)Santiago, sa mga ^(C)tinawag, na minamahal sa Dios Ama, at ^(D)iniingatang para kay Jesucristo:

² Kaawaan at ^(E)kapayapaan at pagibig ang sa inyo nawa'y paramihin.

³ Mga minamahal, samantalang ako'y totoong nagsisikap ng pagsulat sa inyo ^(F)tungkol sa kaligtasan nating lahat, ay napilitan akong sumulat sa inyo na inaaralan kayong ^(G)makipaglabang masikap dahil ^(H)sa pananampalataya na ibinigay na minsan at magpakailan man sa mga banal.

⁴ Sapagka't may ilang taong ^(I)nagsipasok ng lihim, yaong mga itinalaga nang una pa sa kahatulang ito, mga di banal, ^(J)na pinalitan ng kalibugan ang biyaya ng ating Dios, na itinatatuwa ang ating iisang ^(K)Guro at Panginoong si Jesucristo.

⁵ Ninanasa ko ngang ipaalaala sa inyo, bagama't nalalaman ninyong maigi ang lahat ng mga bagay, na nang mailigtas ^(L)ng Panginoon ang isang bayan, sa lupain ng Egipto, ay ^(M)nilipol niya pagkatapos yaong mga hindi nagsisipanampalataya.

⁶ At ^(N)ang mga anghel na hindi nangagingat ng kanilang sariling ^(O)pamunuan, kundi iniwan ang kanilang sariling tahanan, ay iniingatan niya sa mga tanikalang walang hanggan sa paghuhukom sa dakilang araw.

⁷ Gayon din ang ^(P)Sodoma at Gomorra, at ang mga bayang nasa palibot ng mga ito, na dahil sa pagpapakabuyo sa pakikiapid at sa pagsunod sa ibang ^(Q)laman, ay inilagay na pinakahalimbawa, na sila'y nagbabata ^(R)ng parusang apoy na walang hanggan.

⁸ Gayon ma'y ang mga ito rin naman sa kanilang pagkagupiling ay inihahawa ang laman, at hinahamak ang mga paghahari, at nilalait ang mga puno.

⁹ Datapuwa't ^(S)ang arkanghel ^(T)Miguel, nang makipaglaban sa diablo, na nakikipagtalo ^(U)tungkol sa katawan ni Moises, ay ^(V)hindi nangahas gumamit laban sa kaniya ng isang hatol na may pagalipusta, kundi sinabi, ^(W)Sawayin ka nawa ng Panginoon.

¹⁰ Datapuwa't ^(X)ang mga ito'y nangalipusta sa anomang bagay na hindi nila nalalaman: at sa mga bagay na talagang kanilang nauunawa, ay nangagpapakasira na gaya ng mga kinapal na walang bait.

¹¹ Sa aba nila! sapagka't sila'y nagsilakad sa daan ni ^(Y)Cain, at nagsidaluhong na walang pagpipigil sa kamalian ^(Z)ni Balaam dahil sa upa, at nangapahamak sa pagsalangsang ^(AA)ni Core.

¹² Ang mga ito'y pawang mga batong natatago ^(AB)sa inyong piging ng pagiibigan, kung sila'y nakikipagpiging sa inyo, mga pastor na walang takot na nangagpapasabsab sa kanilang sarili; ^(AC)mga alapaap na walang tubig, na ^(AD)tinatangay ng mga hangin; mga punong kahoy sa taginaw na walang bunga, na makalawang namatay, na binunot pati ugat;

¹³ Mga mabangis na alon sa dagat, na pinagbubula ang kanilang sariling kahihiyan; mga bituing gala na siyang pinaglaanan ng pusikit ng kadiliman magpakailan man.

¹⁴ At ang mga ito naman ang hinulaan ni Enoc, na ^(AE)ikapito sa bilang mula kay Adam, na nagsabi, Narito, dumating ang Panginoon, na kasama ang kaniyang mga ^(AF)laksalaksang banal,

¹⁵ Upang isagawa ang paghuhukom sa lahat, at upang sumbatan ang lahat ng masasama sa lahat ng kanilang mga gawang masasama na kanilang ginawang may kasamaan, at sa lahat ng mga bagay na mabibigat ^(AG)na sinalita laban sa kaniya ng mga makasalanang masasama.

¹⁶ Ang mga ito'y mga mapagbulong, mga madaingin, na nangagsisilakad ayon sa kanilang masasamang pita (at ang ^(AH)kanilang bibig ay nangagsasalita ng mga kapalaluan), ^(AI)nangagpapakita ng galang sa mga tao dahil sa pakikinabangin.

¹⁷ Nguni't kayo, mga minamahal, ^(AJ)ay alalahanin ninyo ang mga salitang nang una'y sinabi ng mga apostol ng ating Panginoong Jesucristo;

¹⁸ Kung paanong sinabi sa inyo, ^(AK)Magkakaroon ng mga manunuya sa huling panahon, na magsisilakad ayon sa kanikanilang masasamang pita.

¹⁹ Ang mga ito ^(AL)ang nagsisigawa ng paghihiwalay, ^(AM)malalayaw, na ^(AN)walang taglay na Espiritu.

²⁰ Nguni't kayo, mga minamahal, ^(AO)papagtibayin ninyo ang inyong sarili sa inyong lubhang banal na pananampalataya, ^(AP)na manalangin sa Espiritu Santo,

²¹ Na magsipanatili kayo sa pagibig sa Dios, ^(AQ)na inyong asahan ang awa ng ating Panginoong Jesucristo sa ikabubuhay na walang hanggan.

²² At ^(AR)ang ibang nagaalinlangan ay inyong kahabagan;

²³ At ang ^(AS)iba'y inyong iligtas, ^(AT)na agawin ninyo sa apoy; at ang iba'y inyong kahabagan na may takot; na inyong kapootan pati ^(AU)ng damit na nadungisan ng laman.

²⁴ Ngayon doon sa makapagiingat sa inyo mula sa pagkatisod, at sa inyo'y ^(AV)makapaghaharap na walang kapintasan na may malaking galak, sa harapan ng kaniyang kaluwalhatian.

²⁵ Sa ^(AW)iisang Dios na ^(AX)ating Tagapagligtas, sa pamamagitan ni Jesucristo na ating Panginoon, ay sumakaniya nawa ang kaluwalhatian, ang karangalan, ang paghahari, at ang kapangyarihan, sa kaunaunahang panahon, at ngayon at magpakailan man. Siya nawa.

Read full chapter

1 Ang ^(A)Apocalipsis ni Jesucristo, na ibinigay ng ^(B)Dios sa kaniya upang ipahayag sa kaniyang mga alipin, sa makatuwid ay ang mga bagay na nararapat mangyaring madali: at kaniyang ipinadala at ipinaalam ^(C)sa pamamagitan ng kaniyang anghel sa kaniyang alipin na si Juan;

² Na sumaksi ^(D)sa salita ng Dios, at sa patotoo ni Jesucristo, sa lahat ng mga bagay na nakita niya.

³ Mapalad ^(E)ang bumabasa, at ang nangakikinig ng mga salita ng hula, at tumutupad ng mga bagay na nangasusulat doon: sapagka't ^(F)ang panaho'y malapit na.

⁴ Si Juan sa ^(G)pitong iglesia na nasa Asia: ^(H)Biyaya ang sumainyo nawa, at kapayapaang mula ^(I)doon sa kaniya na ngayon, at nang nakaraan at darating; at mula sa ^(J)pitong Espiritu na nasa harapan ng kaniyang luklukan;

⁵ At mula kay Jesucristo na siyang ^(K)saksing tapat, ^(L)na panganay sa mga patay, at pangulo ng mga hari sa lupa. ^(M)Doon sa umiibig sa atin, at sa nagkalag ^(N)sa atin sa ating mga kasalanan sa pamamagitan ng kaniyang dugo;

⁶ At ginawa ^(O)tayong kaharian, mga saserdote sa kaniyang Dios at Ama; sumakaniya nawa ang kaluwalhatian at ang paghahari magpakailan kailan man. Siya nawa.

⁷ Narito, ^(P)siya'y pumaparitong ^(Q)nasasa mga alapaap; at makikita siya ng bawa't mata, at ^(R)ng nangagsiulos sa kaniya; at ang lahat ng mga angkan sa lupa ay magsisitaghoy dahil sa kaniya. Gayon din, Siya nawa.

⁸ Ako ang Alpha ^(S)at ang Omega, sabi ng Panginoong Dios, ^(T)ngayon at nang nakaraan at sa darating, ang Makapangyarihan sa lahat.

⁹ Akong si Juan, na inyong kapatid at inyong karamay sa kapighatian at sa kaharian at sa pagtitiis na kay Jesus, ay nasasa pulo na tinatawag na Patmos, ^(U)dahil sa salita ng Dios at sa patotoo ni Jesus.

¹⁰ Ako'y ^(V)nasa Espiritu ^(W)nang araw ng Panginoon, at narinig ko sa aking likuran ang ^(X)dakilang tinig, na tulad sa isang pakakak.

¹¹ Na nagsasabi, Ang iyong nakikita, ay isulat mo sa isang aklat at iyong ipadala sa ^(Y)pitong iglesia: sa ^(Z)Efeso, at sa ^(AA)Smirna, at sa ^(AB)Pergamo, at sa ^(AC)Tiatira, at sa ^(AD)Sardis, at sa ^(AE)Filadelfia, at sa ^(AF)Laodicea.

¹² At ako'y lumingon upang makita ang tinig na nagsasalita sa akin. At nang ako'y lumingon ay ^(AG)nakita ko ang pitong kandelerong ginto:

¹³ At sa gitna ng mga kandelero ay may ^(AH)isang katulad ng isang anak ng tao, ^(AI)na may suot na ^(AJ)damit hanggang sa paa, at ^(AK)may bigkis ang dibdib na isang pamigkis na ginto.

¹⁴ At ang kaniyang ulo at ang ^(AL)kaniyang buhok ay mapuputing gaya ng balahibong maputi ng tupa, gaya ng niebe; at ang ^(AM)kaniyang mga mata ay gaya ng ningas ng apoy;

¹⁵ At ang kaniyang mga paa ay katulad ng ^(AN)tansong binuli, na gaya ng dinalisay sa isang lutuang-bakal; at ang ^(AO)kaniyang tinig ay gaya ng lagaslas ng maraming tubig.

¹⁶ At sa kaniyang kanang kamay ay may pitong bituin: at sa kaniyang bibig ay lumabas ang isang matalas na tabak na may dalawang talim: at ang kaniyang mukha ay gaya ng araw na sumisikat ng matindi.

¹⁷ At ^(AP)nang siya'y aking makita, ay nasubasob akong waring patay sa kaniyang paanan. At ^(AQ)ipinatong niya sa akin ang kaniyang kanang kamay, na sinasabi, Huwag kang matakot; ^(AR)ako'y ang una at ang huli,

¹⁸ At ang Nabubuhay; at ako'y namatay, at narito, ako'y nabubuhay magpakailan man, at ^(AS)nasa akin ang mga susi ng ^(AT)kamatayan at ng Hades.

¹⁹ Isulat mo nga ^(AU)ang mga bagay na nakita mo, ^(AV)at ang mga bagay ngayon, ^(AW)at ang mga bagay na mangyayari sa darating;

²⁰ Ang hiwaga ^(AX)ng pitong bituin na iyong nakita sa aking kanang kamay, at ^(AY)ng pitong kandelerong ginto. Ang pitong bituin ay ang mga anghel ng pitong iglesia: at ang pitong kandelero ay ang pitong iglesia.

2 Sa ^(AZ)anghel ng iglesia sa ^(BA)Efeso ay isulat mo:

Ang mga bagay na ito ay sinasabi ng may hawak ng ^(BB)pitong bituin sa kaniyang kanang kamay, na ^(BC)yaong lumalakad sa gitna ng pitong kandelerong ginto:

² Nalalaman ko ang iyong mga gawa, at ang iyong pagpapagal at pagtitiis, at hindi mo matiis ang masasamang tao, at sinubok mo ang mga ^(BD)nagpapanggap na apostol, at sila'y hindi gayon, at nasumpungan mo silang pawang bulaan;

³ At may pagtitiis ka at nagbata ka dahil sa aking pangalan, at hindi ka napagod.

⁴ Nguni't mayroon akong laban sa iyo, na ^(BE)iyong iniwan ang iyong unang pagibig.

⁵ Kaya't alalahanin mo kung saan ka nahulog, at magsisi ka at gawin mo ang iyong mga unang gawa; o kung hindi ay ^(BF)paririyan ako sa iyo, at aalisin ko ang ^(BG)iyong kandelero sa kaniyang kinalalagyan, maliban na magsisi ka.

⁶ Nguni't ito'y nasa iyo, na iyong kinapopootan ang mga gawa ng ^(BH)mga Nicolaita, na kinapopootan ko naman.

⁷ Ang may pakinig, ay makinig sa sinasabi ng Espiritu sa mga iglesia. Ang magtagumpay, ay siya kong pakakanin ^(BI)ng punong kahoy ng buhay, na nasa ^(BJ)Paraiso ng Dios.

⁸ At ^(BK)sa anghel ng iglesia sa ^(BL)Smirna ay isulat mo:

Ang mga bagay na ito ay sinasabi ng una at ng huli, ^(BM)na namatay, at muling nabuhay:

⁹ Nalalaman ko ang iyong kapighatian, at ang iyong ^(BN)kadukhaan (datapuwa't ikaw ay mayaman), at ang pamumusong ng ^(BO)mga nagsasabing sila'y mga Judio, at hindi sila gayon, ^(BP)kundi isang sinagoga ni Satanas.

¹⁰ Huwag mong katakutan ang mga bagay na iyong malapit ng tiisin: narito, malapit ng ilagay ng diablo ang ilan sa inyo sa bilangguan, upang kayo'y masubok; at ^(BQ)magkakaroon kayo ng kapighatiang ^(BR)sangpung araw. ^(BS)Magtapat ^(BT)ka hanggang sa kamatayan, at bibigyan kita ^(BU)ng putong ng buhay.

¹¹ Ang may pakinig, ay makinig sa sinasabi ng Espiritu sa mga iglesia. Ang magtagumpay ay hindi parurusahan ^(BV)ng ikalawang kamatayan.

¹² At ^(BW)sa anghel ng iglesia sa ^(BX)Pergamo ay isulat mo:

Ang mga bagay na ito ay sinasabi ^(BY)ng may matalas na tabak na may dalawang talim:

¹³ Nalalaman ko kung saan ka tumatahan, sa makatuwid baga'y sa kinaroroonan ng luklukan ni Satanas; at iniingatan mong matibay ang aking pangalan, at hindi mo ikinaila ang aking pananampalataya, kahit nang mga araw man ni Antipas na aking saksi, aking taong tapat, na pinatay sa gitna ninyo, na tinatahanan ni Satanas.

¹⁴ Datapuwa't mayroon akong ilang bagay na laban sa iyo, sapagka't mayroon ka diyang ilan na nanghahawak sa aral ni ^(BZ)Balaam, na siyang nagturo kay Balac na maglagay ng katisuran sa harapan ng mga anak ni Israel, ^(CA)upang magsikain ng mga bagay na inihahain sa mga diosdiosan, at ^(CB)makiapid.

¹⁵ Gayon din naman na mayroon kang ilan na nanghahawak sa aral ng ^(CC)mga Nicolaita.

¹⁶ Magsisi ka nga; o kung hindi ay madaling paririyan ako sa iyo, at babakahin ko sila ng tabak ng aking bibig.

¹⁷ Ang may pakinig, ay makinig sa sinasabi ng Espiritu sa mga iglesia. Ang magtagumpay ay bibigyan ko ^(CD)ng manang natatago, at siya'y bibigyan ko ng isang batong puti, at sa bato ay may nakasulat na ^(CE)isang bagong pangalan, na walang nakakaalam kundi yaong tumatanggap.

¹⁸ At ^(CF)sa anghel ng iglesia sa ^(CG)Tiatira ay isulat mo:

Ang mga bagay na ito ay sinasabi ng Anak ng Dios, ^(CH)na may mga matang gaya ng ningas ng apoy, at ang kaniyang mga paa ay gaya ng tansong binuli:

¹⁹ Nalalaman ko ang iyong mga gawa, at ang iyong pagibig, at pananampalataya at ministerio at pagtitiis, at ang iyong mga huling gawa ay higit kay sa mga una.

²⁰ Datapuwa't ^(CI)mayroon akong laban sa iyo, na pinahintulutan mo ang babaing si Jezebel, na nagpapanggap na propetisa; at siya'y nagtuturo at humihikayat sa aking mga lingkod upang makiapid, at ^(CJ)kumain ng mga bagay na inihahain sa mga diosdiosan.

²¹ At binigyan ko siya ng panahon upang ^(CK)makapagsisi; at siya'y ayaw magsisi sa kaniyang pakikiapid.

²² Narito, akin siyang iniraratay sa higaan, at ang mga nakikiapid sa kaniya sa malaking kapighatian, maliban na kung sila'y magsisipagsisi sa kaniyang mga gawa.

²³ At papatayin ko ng salot ang kaniyang mga anak; at malalaman ng lahat ng mga iglesia na ako'y yaong ^(CL)sumasaliksik ng mga pagiisip at ng mga puso: at ^(CM)bibigyan ko ang bawa't isa sa inyo ng ayon sa inyong mga gawa.

²⁴ Datapuwa't sinasabi ko sa inyo, sa mga iba na nasa Tiatira, sa lahat ng walang aral na ito, na hindi nakakaalam ng malalalim na bagay ni Satanas, gaya ng sinasabi nila; ^(CN)hindi na ako magpapasan sa inyo ng ibang pasan.

²⁵ Gayon ma'y ang nasa inyo'y panghawakan ninyong matibay hanggang sa ^(CO)ako'y pumariyan.

^26 (CP)At ang magtagumpay, at tumupad ng aking mga gawa hanggang sa katapusan, ^(CQ)ay bibigyan ko ng kapamahalaan sa mga bansa:

²⁷ At sila'y paghaharian niya sa pamamagitan ng isang panghampas na ^(CR)bakal, gaya ng pagkadurog ng mga sisidlang lupa ng magpapalyok; gaya naman ng tinanggap ko sa aking Ama:

²⁸ At sa kaniya'y ibibigay ko ^(CS)ang tala sa umaga.

²⁹ Ang may pakinig, ay makinig sa sinasabi ng Espiritu sa mga iglesia.