Yojan 3

Ne Bibliaj Tik Nawat

—Tajtzin, tikmatit ka tiwalajtuk itech Teut, ika inte aka weli kichiwa muchi uni pal muishmati ken taja tikchiwa su iwan ne Teut inte nemi yaja.

—Ini tay nimetzilwia: asu inte nesi ka ikajku se, inte weli kita ne itatekimakalis ne Teut.

—Ken weli nesi se kwak chulet? Anka weli kalaki uksenpa tik iijti ne inan wan mupunia senpa?

—Ini tay nimetzilwia: asu inte nesi se tik at wan Ijiutzin, inte weli kalaki ijtik ne itatekimakalis ne Teut. ⁶ Ne nestuk tik ne nakat yaja nakat, wan ne nestuk tik ne Ijiutzin yaja Ijiutzin. ⁷ Maka shishpuyawi ika nimetzilwij:

    "Nemi pal annesit ka ikajku!"

⁸ Ne ejekat kishpitza kan kineki,

wan melka tikaki kishpitza

inte tikmati kanka witz

nian kanka yawi.

Muchi ne nestiwit itech ne Ijiutzin kiane.

—Ken weli muchi ini?

—Taja titamachtiani ipal Israel wan te tikmati uni? ¹¹ Ini tay nimetzilwia: tinat tay tikmatit wan titaneshtiat tay tikitztiwit, wan te ankikwit tay titaketzat. ¹² Asu nimetzinhilwijtuk sejse tay ipal ne tal wan te antayulmatit, asu nimetzinhilwia ne ipal ne ilwikak ken antayulmatisket? ¹³ Wan te tejkutuk aka tik ne ilwikak asunte yajane ká kiski tik ne ilwikak: ne Itelpuch ne Takat. ¹⁴ Wan ijkiunisan ken Moshe kiajkukij ne kuat tik ne kojtan, ijkiuni nemi pal muajkukia ne Itelpuch ne Takat ¹⁵ pal muchi ne kiyulmatit ma yujyultuk senpa, ¹⁶ ika kiane kitasujtak ne Teut ne taltikpak ken hasta tamakak ne itelpuch ne isel kipiatuya pal muchi ne kiyulmatit ma inte puliwikan asunte ma yujyultuk senpa. ¹⁷ Ika ne Teut inte kititanij ne Kunet tik ne taltikpak ma kitenewa ne taltikpak ipanpa tay kichijtuk asunte ma kipalewi ne taltikpak. ¹⁸ Ne kiyulmati inte yawi muchiwa juzgar. Ne inte kiyulmati muchijkia juzgar ika inte tayulmatki tik ne ikunew ne Teut ne isel kipishki. ¹⁹ Ijkini muchijki juzgar: ka walajsituk ne tawil ijtik ne taltikpak, wan ne takamet mas kielewijket ne kunyua que ne tawil, ika inte yek tay ne yejemet kichijtuyat. ²⁰ Ika ká ne kichiwa tay inte yek kishijia ne tawil wan te ajsi kan nemi ne tawil ma inte kiajajwakan ipanpa tay kichijtuk; ²¹ ká ne kichiwa tay yek ajsi kan nemi ne tawil ma muneshti tay kichijtuk ika muchi muchijtuk ipal ne Teut.

—Tajtzin, yajuni ká nemik muwan sentapal ne apan wan tinak ka yek, shikita, uni tamaka ulyuj wan muchi ajsit itech.

—Inte weli kikwi tatka se asu ne ilwikak inte kimakatuk. ²⁸ Ankimatit ka ninak ka inte naja ne Mawaltijtuk, asunte nechtitanijtiwit iishpan yajane. ²⁹ Ká kipia ne siwamunti yaja munti; ne ikunpa ne munti, ne naka takaki, yaja paki sujsul kwak kikaki ne munti. Yajika, ini nupakilisyu yekawtuk. ³⁰ Yajuni nemi pal weya; naja ninemi pal nitewaki.

³¹ Ne witz ka ikajku

nemi ijpak muchi.

Ne ipal ne tal,

yaja ipal ne tal

wan taketza ipal ne tal.

Ne witz tik ne ilwikak

ká nemi ijpak muchi

³² ina tay kitztuk wan takaktuk

wan te aka kikwi n' itaneshtilis.

³³ Ká ne kikwijtuk ne taneshtilis

inatuk ka ijkia ka nemi ne Teut.

³⁴ Ká ne kititanijtuk ne Teut

ina tay ipal ne Teut,

ika inte kimaka n' Ijiutzin tamachijtuk.

³⁵ Ne teteku kitasujta n' itelpuch

wan kimakatuk muchi tik imey.

³⁶ Ká ne kiyulmati ne telpuch

yawi yultuk senpa;

ká ne inte kitakamati ne telpuch

inte yawi yultuk

wan n' ikwalan ne Teut yawi naka ijpak.