A A A A A
Bible Book List

Taneshtilis 9Ne Bibliaj Tik Nawat (NBTN)

Wan tatzutzunki ukse tanawatiani, ne makwil, wan nikitak se sital kistuk tik ne ilwikak wan wetztuk talchi. Wan kimakaket ne taiwan mutentzakwa wan mutentapua ne shaput ipal ne miktan, wan kitapuj ne shaput ipal ne miktan, wan se kiski tik ne shaput wan waltejkuk ken pukti ipal se wey hornilloj, wan kunyuakiski ne tunal wan ne ejekat iwan ne ipukyu ne shaput, wan kisket tik ne pukti se chapulintal nujme, wan kinmakaket tatuktilis kenha ken ne tatuktilis ipal ne kujkulut ipal ne tal, wan kinhilwijket ma inte kichiwilikan tatka ne sakat ipal ne tal, nian muchi tay shushuik, nian muchi ne kwajkwawit, ma kinchiwilikan sema ne takamet ne inte kipiat ne isaj ne Teut ijpak inkwatapal. Wan kinmakaket ma inte welikan kinmiktiat asunte ma kichiwakan ma kikukua sejse makwil metzti, wan yaja ken techkukua kwak tatzupina se kulut. Wan tik uni tujtunal ne takamet yawit kitemuat mikilis, wan te yawit kiajsit, wan yawit kielewiat mikit wan ne mikilis chulua wejka.

Wan ne chapulin muita kenha ken se caballoj ne muajshitijtuk pal tasuma, wan ijpak ne intzujtzuntekun ken yajyawal ne kenha ken teukwit, wan ne inhijishkalyu ken inhijishkalyu takamet. Wan kipiatuyat itzunkal ken itzunkal ne siwat, wan ne intajtan ken itajtan se leon. Wan ne inhejelpan ken ipal tepusti, wan kwak patanit ne ikuskus ne inhejtapal ken ne chachalaka ipal ne tajtawikani ne kisajsakat miak caballoj kwak mutaluat yawit tasumat. 10 Wan kipiat inkwijkwitapil kenha ken kujkulut, wan kipiat tzujtzupinka, wan ijtik ne inkwijkwitapil kipiat ne intatuktilis pal kinchiwiliat tay teyek ne takamet ijtik makwil metzti. 11 Kintekimaka se tatuktiani; yaja ne tanawatiani ipal ne miktan, tik itaketzalis ne Yudayujmet itukay Abadon, wan tik Nawat itukay Teijtakuani.

12 Kiski se Ay. Tipan witzet uk ume Ay.

13 Wan tatzutzun ukse tanawatiani, ne chikwasen, wan nikakik tzalani ken se ne nawi cachoj ipal ne tikashit ipal teukwit iishpan ne Teut 14 kinhilwiat ne tanawatiani chikwasen, ne kipiatuya ne trompetaj: "Shikinmakishti ne nawi tanawatiani ijilpituk itech ne wey apan Perat." 15 Wan mumakishtijket ne nawi tanawatiani ne muajshitijtiwit ipal ne horaj wan tunal wan metzti wan shiwit, pal kinmiktiat ne yeshtakutun ipal ne takamet, 16 wan ne tasumanimet ijpak caballojmet nemiket ume tzunti mil wipta mil; nitakakik ne tapual.

17 Wan ijkini nikitak ne itachialis ne caballojmet wan ne ijpak muejmuetztuk: kipiatuyat inhejelpan itachishka ne tit wan shushultik wan kustik, wan ne intzujtzuntekun ne caballojmet ken intzujtzuntekun lejleon, wan tik ne intejten kisa tit wan pukti wan azufrej. 18 Iwan ini yey, ne tit wan ne pukti wan ne azufrej, ne yeshtakutun ipal ne takamet mikiket, wan ne tay kisa tik ne intejten, 19 ika ijtik ne caballojmet tatuktiat ne inten wan ne inkwijkwitapil, ka ne inkwijkwitapil kenha ken kujkuat, kipiat intzujtzuntekun wan inwan tachaluat.

20 Wan ne uksejse takat ne inte mikiket inpanpa yejemet nusan inte muyulpataket ipanpa tay yejemetsan kichijtuyat pal te mutankwaketzat inhishpan nawalmet wan teujteutzitzin ipal teukwit wan tumin wan tet wan kwawit, ne inte welit tachiat o takakit o nejnemit, 21 wan te muyulpataket ika tamiktiat wan mupajtiat wan tatzinhejenchiwat wan techtekit.

Ne Bibliaj Tik Nawat (NBTN)

Ne Bibliaj Tik Nawat · © 2008, 2012 Jan Morrow

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes