A A A A A
Bible Book List

Taneshtilis 6Ne Bibliaj Tik Nawat (NBTN)

Ne ichkakunetzin kintapua ne sajsajti

Wan nikitak ka ne ichkakunetzin kitapuj se ipal ne chikume sajti. Wan nikakik se ipal ne nawi tay yujyultuk tzajtzi ken tikwini, ina: "Shiwi." Wan nitachishki, wan nikitak se caballoj istak, wan ne ijpak muetztuk kipiatuya se imit. Wan kimakaket se yawal, wan kiski ken se weli, pal weli.

Wan kwak kitapuj ukse sajti, ne seuk tay yultuk ina: "Shiwi." Wan kiski ukse caballoj chiltik, wan kimakaket ne ijpak muetztuk ma yaja weli kishtilia ne taltikpak ne nejmachnemilis, wan ma sejse kimiktikan sejseuk ijtik yejemet, wan kimakaket se wey espadaj.

Wan kwak kitapuj ukse sajti, ne yey, nikakik ukse tay yultuk ina: "Shiwi." Wan nitachishki wan nikitak se caballoj tiltik, wan ne ijpak muetztuk kipiatuya tik ne imey se tepustamachiwa. Wan nikakik se tatajku ne nawi tay yujyultuk ina: "Se libraj trigoj ka se tumin, wan yey libraj cebadaj ka se tumin, wan maka shikchiwili tatka ne tumakka wan ne atata.

Wan kwak kitapuj ukse sajti, ne nawi, nikakik ne tipan tay yultuk ina: "Shiwi." Wan nitachishki wan nikitak se caballoj tultik, wan ne ijpak muetztuk itukay Ne Mikilis, wan ne Miktan yawi iwan. Wan kinmakaket tatuktilis ijpak se nawtakutun ipal ne tal pal kinmiktiat iwan espadaj, mayan wan kukulis wan pal ne tekwanimet ipal ne tal kinmiktiat.

Wan kwak kitapuj ukse sajti, ne makwil, nikitak itan ne tikashit ne inhajalmaj ne mumiktijtiwit ipanpa ne ipalabraj ne Teut wan ipanpa ne tay inaket ka tejkia; 10 wan tzajtziket wey wan inat: "Taja titutekuyu wey wan yekkaya: hasta keman inte tikchiwa juzgar ne muchantiat tik ne tal wan tiktzunkwi ne tuesyu?" 11 Wan kinmakaket sejse iwipil istak wan kinhilwijket ma musewikan chiupiuk hasta ma yekawi nusan iwan ne insejsentekitini wan inhikniwan ne yawit mumiktiat kenha ken yejemet."

12 Wan nitachishki kwak kitapuj ukse sajti, ne chikwasen, wan ulinik sujsul, wan tiltiak ne tunal ken se kushtal, wan ne metzti muchi muchijki ken esti, 13 wan ne sitalmet ka ikajku wetzket talchi ken se kuyu kitamima itajtakil selek kwak se wey ejekat kitzejtzelua; 14 wan ne ilwikak puliwik ken mukukulua se amat, wan muchi ne tejtepet wan ne ijislaj mijkwanket ka senkak.

15 Wan ne tatuktianimet ipal ne taltikpak, wan ne weymet, wan ne miaktuktianimet, wan ne kipiat wey, wan ne tajtajpaltik, wan muchi ne tepaltekitinimet wan muchi ne insel intejtekuyu minashket ijtik ne ujustut wan ijtik ne tejtesual ipal ne tejtepet, 16 wan kinhilwiat ne tejtepet wan ne tejtesual: "Shiwetzikan tujpak wan shitechinayakan ma inte techita ne muetztuk ijpak ne kuijpal wan itech ne ikwalan ne ichkakunetzin, 17 ika ajsik ne wey tunal ipal ne inkwalan, wan ká weli naka ejkatuk?

Ne Bibliaj Tik Nawat (NBTN)

Ne Bibliaj Tik Nawat · © 2008, 2012 Jan Morrow

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes