A A A A A
Bible Book List

Taneshtilis 10Ne Bibliaj Tik Nawat (NBTN)

10 Wan nikitak ukse tanawatiani hombron temu tik ne ilwikak takentijtuk iwan se mishti, kipia ne kusamalut ijpak ne itzuntekun, wan ne iishkalyu ken ne tunal, wan ne ijikshi ken tajtaketzal ipal tit; wan kipiatuya tik ne imey se amatzin tapujtuk, wan kitalij ne ikshi iyekkan ijpak ne weyat wan ne ukse ikshi ijpak ne tal, wan tzajtzik ken tzajtzi se leon, wan kwak tzajtzik tanutzket nusan ne chikume tikwinit iwan ne inkujkupak, wan kwak tanutzket ne chikume tikwinit niknekituya nitajkwilua, wan nikakik se tik ne ilwikak ina: "Shiktzakwa tay ne tanutzket ne chikume tikwinit, maka shitajkwilu tay inatiwit."

Wan ne tanawatiani ne nikitak ejkatuk ijpak ne weyat wan ijpak ne tal kiajkukij ne imey iyekkan hasta ne ilwikak, wan kichijki jurar ipanpa ne yultuk pal senpa wan senpa, ne kichijki ne ilwikak wan muchi tay nemi ijtik yaja, wan ne tal wan muchi nemi ijtik yaja, wan ne weyat wan muchi tay nemi ijtik yaja, ka "ne tujtunal intea kanaj, wan tik ne tujtunal kwak yawi tanutza ne tanawatiani chikume, kwak yaja yawi tatzutzuna, yawi tami ne ichtaka ipal Teut ken kinyeknawatij ne itejtekitini wan itajtaketzani."

Wan yajane ne nikakik tik ne ilwikak nechnutzki senpa ina: "Shu shalkwi ne amatzin tapujtuk tik ne imey ne tanawatiani ne ejkatuk ijpak ne weyat wan ijpak ne tal!" Wan niajki itech ne tanawatiani wan nikilwij ma nechmaka ne amatzin, wan nechilwia: "Shikwi wan shiktulu, wan yawi chichikisa ne muijti, wan melka uni ne muten yawi nemi tzupelek ken nekti."

10 Wan nikwij ne amatzin tik ne imey ne tanawatiani wan niktuluj, wan yaja tik ne nuten ken nekti tzupelek, wan kwak nikwajtuya yaja mukwepki chichik tik nuijti, 11 wan nechilwiat: "Tinemi pal titaketza senpa ishpan sujsul miak techan, tal, taketzalis wan tatuktiani."

Ne Bibliaj Tik Nawat (NBTN)

Ne Bibliaj Tik Nawat · © 2008, 2012 Jan Morrow

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes