Santiago 5:4-6

Ang Bagong Tipan: Filipino Standard Version

⁴ Pakinggan ninyo ang sigaw ^(A) laban sa inyo ng mga sahod ng mga gumapas sa inyong bukirin dahil hindi ninyo ito ibinigay sa mga manggagawa. Umabot na ang mga hinaing ng mga manggagapas sa pandinig ng Panginoong Makapangyarihan sa lahat. ⁵ Nagpakasawa kayo sa layaw at karangyaan dito sa lupa. Pinataba ninyo ang inyong puso para sa araw ng pagkatay. ⁶ Hinatulan ninyo at pinaslang ang walang sala, na hindi naman lumalaban sa inyo.