A A A A A
Bible Book List

Salmo 87Ang Pulong Sang Dios (HLGN)

Pagdayaw sa Jerusalem[a]

87 1-2 Gintukod sang Dios ang siyudad sang Zion[b] sa balaan nga mga bukid.

Ginahigugma niya ini nga siyudad labaw sa tanan nga lugar sa Israel.[c]
Maayo nga mga butang ang iya ginahambal parte sa sining iya siyudad.
Siling niya, “Kon listahon ko ang mga nasyon nga nagakilala sa akon,
ilakip ko ang Egipto[d] kag ang Babilonia,
pati man ang Filistia, Tyre, kag Etiopia.[e]
Kabigon ko ang ila mga katawhan nga mga tumandok sang Zion.”

Matuod nga isiling ini parte sa Zion, nga madamo nga mga katawhan ang kabigon nga iya mga tumandok.
Kag ang Labing Mataas nga Dios mismo amo ang magalig-on sang sini nga siyudad.
Listahon sang Ginoo ang iya mga katawhan
kag ilakip niya ang mga katawhan nga kabigon niya nga mga tumandok sang Zion.
Sila tanan magasaot kag magakanta sang, “Nagahalin sa Zion ang tanan ta nga pagpakamaayo!”

Footnotes:

  1. Salmo 87:1 Salmo 87 Ang titulo sa Hebreo: Ang kanta nga ginsulat sang mga anak ni Kora.
  2. Salmo 87:1 1,2a Zion: ukon, Jerusalem. Amo man sa bersikulo 4, 5, 6.
  3. Salmo 87:1 1,2b Israel: sa Hebreo, Jacob.
  4. Salmo 87:4 4a Egipto: sa Hebreo, Rahab. Amo ini ang tawag sa dako nga sapat nga nagarepresentar sang Egipto.
  5. Salmo 87:4 4b Etiopia: sa Hebreo, Cush.
Ang Pulong Sang Dios (HLGN)

Hiligaynon Bible (Ang Pulong Sang Dios) Copyright © 1996, 2006 by Biblica, Inc.® Used by permission. All rights reserved worldwide.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes