A A A A A
Bible Book List

Salmo 3Ang Pulong Sang Dios (HLGN)

Pangamuyo sa Tion sang Katalagman[a]

Ginoo, kadamo sang akon kaaway;

kadamo sang nagakontra sa akon!
Nagasiling pa sila nga indi mo kuno ako pagluwason.
Pero ang matuod, pareho ka sa taming nga nagaprotektar sa akon.
Ginapadaog mo ako batok sa akon mga kaaway, kag ginapalig-on mo ako.
Nagapanawag ako sa imo, Ginoo, kag ginasabat mo ako sa imo balaan[b] nga bukid.
Tungod kay ginabantayan mo ako, makatulog ako kag makamata pa.
Bisan linibo pa ka mga kaaway ang nagalibot sa akon, indi ako mahadlok.

Sige na Ginoo nga akon Dios, luwasa ako!
Kay sadto gani ginpakahuy-an mo[c] ang tanan ko nga kaaway nga malaot;
ginkuha mo ang ila ikasarang sa paghalit sa akon.[d]
Ikaw, Ginoo, ang nagaluwas kag nagapakamaayo sa imo katawhan.

Footnotes:

  1. Salmo 3:1 Salmo 3 Ang titulo sa Hebreo: Ang kanta nga ginsulat ni David ukon para kay David sang nagpalagyo siya sa iya anak nga si Absalom.
  2. Salmo 3:4 4 balaan: ukon, pinili.
  3. Salmo 3:7 7a ginpakahuy-an mo: sa literal, ginhampak mo sa sag-ang.
  4. Salmo 3:7 7b ginkuha ... akon: sa literal, ginbingaw mo ang ila mga ngipon.
Ang Pulong Sang Dios (HLGN)

Hiligaynon Bible (Ang Pulong Sang Dios) Copyright © 1996, 2006 by Biblica, Inc.® Used by permission. All rights reserved worldwide.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes