A A A A A
Bible Book List

Salmo 29Ang Pulong Sang Dios (HLGN)

Ang Gamhanan nga Tingog sang Dios[a]

29 Dayawa ninyo ang Ginoo,

kamo nga langitnon nga mga tinuga.
Dayawa ninyo ang iya gahom kag kusog.
Dayawa ninyo ang iya pagkagamhanan.
Simbaha ninyo siya sa iya balaan nga presensya.

Nagadaguob ang tingog sang Ginoo, ang gamhanan nga Dios,
kag mabatian ini sa kadagatan.
Ang iya tingog gamhanan kag halangdon,
kag makabali sang mabakod nga kahoy sang Lebanon.
Ginatay-og sang Ginoo ang mga bukid sang Lebanon kag ang bukid sang Hermon,[b]
kag daw pareho ini sang tinday nga baka nga nagatumbo.
Ang tingog sang Ginoo nagapakilat kag nagapatay-og sang kamingawan,
bisan pa ang kamingawan sang Kadesh.
Ang tingog sang Ginoo nagapabata sang usa[c]
kag nagapataktak sang mga dahon sang kahoy.
Kag sa iya templo nagasinggit ang tanan, “Gamhanan ang Dios!”

10 Ang Ginoo nagagahom sa mga baha.
Nagagahom siya bilang hari sa wala sing katapusan.
11 Ginapabaskog sang Ginoo ang iya katawhan
kag ginahatagan sang maayo nga kahimtangan.

Footnotes:

  1. Salmo 29:1 Salmo 29 Ang titulo sa Hebreo: Ginsulat ni David.
  2. Salmo 29:6 6 bukid sang Hermon: sa Hebreo, Sirion.
  3. Salmo 29:9 9 nagapabata sang usa: ukon, nagapauyog sang mga kahoy nga terebinto.
Ang Pulong Sang Dios (HLGN)

Hiligaynon Bible (Ang Pulong Sang Dios) Copyright © 1996, 2006 by Biblica, Inc.® Used by permission. All rights reserved worldwide.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes