A A A A A
Bible Book List

Salmo 114Ang Pulong Sang Dios (HLGN)

Kanta Parte sa Pagguwa sang mga Israelinhon sa Egipto

114 Ang mga Israelinhon nga kaliwat ni Jacob nagaestar sadto sa Egipto, nga sa diin lain ang lingguahe sang mga tawo didto.

Sang nagguwa na sila sa Egipto, ginhimo sang Dios ang Juda nga iya balaan nga lugar,
kag gindumalahan niya ang Israel.
Ang Mapula nga Dagat naghawa nga daw sa nagpalagyo nga tawo.
Ang tubig sang Suba sang Jordan wala na mag-ilig kundi nagbalik ini nga daw sa nag-isol nga tawo.
Nag-uyog ang mga bukid nga daw sa nagalukso nga mga kanding kag mga karnero.
Ngaa naghawa ang Mapula nga Dagat kag nag-untat sa pag-ilig ang Suba sang Jordan?
Ngaa nag-uyog ang mga bukid nga daw sa nagalukso nga mga kanding kag mga karnero?
Nagatay-og ang kalibutan sa presensya sang Ginoo nga Dios ni Jacob,
nga naghimo sang matig-a nga bato nga mangin punong sang tubig kag mangin tuburan nga nagailig.

Ang Pulong Sang Dios (HLGN)

Hiligaynon Bible (Ang Pulong Sang Dios) Copyright © 1996, 2006 by Biblica, Inc.® Used by permission. All rights reserved worldwide.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes