²⁴ Mapagmahal na magulang, anak ay dinidisiplina,
    anak na di napapalo, hindi mahal ng magulang.

¹⁸ Ituwid mo ang iyong anak habang may pagkakataon pa,
    kung hindi'y ikaw na rin ang nagtulak sa pagkawasak niya.

¹¹ Kahit ang bata ay makikilala sa kanyang mga gawa;
    makikita sa kanyang kilos kung siya ay tapat nga.

⁶ Ituro^(A) sa bata ang daang dapat niyang lakaran,
    at hanggang sa paglaki'y di niya ito malilimutan.

¹⁵ Likas sa mga bata ang pagiging pilyo,
    ngunit sa pamamagitan ng palo, sila'y matututo.

¹⁴ Pagbabayaran ng tao ang liko niyang pamumuhay,
    ngunit ang gawa ng matuwid ay gagantimpalaan.

¹⁵ Disiplina at pangaral, hatid ay karunungan;
    ngunit ang batang suwail, sa magulang ay kahihiyan.

¹⁷ Ang anak mo'y busugin sa pangaral,
    at pagdating ng araw, siya'y iyong karangalan.