Filipos 2:14-16

Ang Bagong Tipan: Filipino Standard Version

¹⁴ Gawin ninyo ang lahat ng bagay nang walang angal at pagtatalo, ¹⁵ upang ^(A) kayo'y maging mga walang kapintasan at dalisay na mga anak ng Diyos. Hindi kayo dapat maparatangan ng anuman sa pamumuhay ninyo sa gitna ng isang salinlahing baluktot at masama. Magningning kayong tulad ng mga tanglaw sa sanlibutan. ¹⁶ Patuloy ninyong panghawakan ang salita ng buhay upang sa araw ni Cristo ay maipagmalaki ko na hindi nasayang ang aking pagtakbo at hindi nauwi sa wala ang aking pagpapagal.