Pahayag 3:18-20

Ang Bagong Tipan: Filipino Standard Version

¹⁸ Kaya't, pinapayuhan kita na bumili sa akin ng gintong dinalisay sa apoy para yumaman ka, at ng puting kasuotan na maidadamit sa iyo upang hindi malantad ang nakahihiya mong kahubaran, at bumili ka rin ng gamot na pampahid sa iyong mga mata upang makakita ka. ¹⁹ Sinasaway ^(A) ko at dinidisiplina ang mga minamahal ko. Kaya magsikap ka at magsisi. ²⁰ Narito ako! Ako'y nakatayo sa may pintuan at kumakatok; sinumang makinig sa aking tinig at magbukas ng pintuan, papasok ako sa kanya at kakaing kasalo niya, at siya'y kasalo ko.