10 Yaong mga naglagay ng kanilang tatak ay sina Nehemias na tagapamahala, na anak ni Hachalias, at si Zedekias,

² Seraya, Azarias, Jeremias,

³ Pashur, Amarias, Malkia,

⁴ Hatus, Sebanias, Malluc,

⁵ Harim, Meremot, Obadias,

⁶ si Daniel, Gineton, Baruc,

⁷ Mesulam, Abias, Mijamin,

⁸ Maasias, Bilgai at si Shemaya: ang mga ito'y mga pari.

⁹ Ang mga Levita: sina Jeshua na anak ni Azanias, si Binui sa mga anak ni Henadad, si Cadmiel,

¹⁰ at ang kanilang mga kapatid na sina Sebanias, Hodias, Kelita, Pelaia, Hanan,

¹¹ Mica, Rehob, Hashabias,

¹² Zacur, Sherebias, Sebanias,

¹³ Hodias, Bani, at si Beninu.

¹⁴ Ang mga puno ng bayan: sina Paros, Pahat-moab, Elam, Zatu, Bani,

¹⁵ Buni, Azgad, Bebai,

¹⁶ Adonias, Bigvai, Adin,

¹⁷ Ater, Hezekias, Azur,

¹⁸ Hodias, Hasum, Bezai,

¹⁹ Arif, Anatot, Nebai,

²⁰ Magpias, Mesulam, Hezir,

²¹ Mesezabel, Zadok, Jadua,

²² Pelatias, Hanan, Anaias,

²³ Hosheas, Hananias, Hashub,

²⁴ Hallohes, Pilha, Sobec,

²⁵ Rehum, Hasabna, si Maasias,

²⁶ Ahijas, Hanan, Anan,

²⁷ Malluc, Harim, at si Baana.

Ang Kasunduan

²⁸ At ang iba pa sa taong-bayan, ang mga pari, mga Levita, mga bantay-pinto, mga mang-aawit, mga lingkod sa templo, at lahat ng humiwalay sa mga mamamayan ng mga lupain sa kautusan ng Diyos, ang kanilang mga asawa, ang kanilang mga anak na lalaki at babae, lahat ng may kaalaman at pagkaunawa,

²⁹ ay sumama sa kanilang mga kapatid, sa kanilang mga maharlika, at nanumpa na may panata na lalakad sa kautusan ng Diyos na ibinigay sa pamamagitan ni Moises na lingkod ng Diyos, at upang ganapin at gawin ang lahat ng utos ng Panginoon na aming Panginoon, at ang kanyang mga batas at mga tuntunin.

³⁰ Hindi^(A) ibibigay ang aming mga anak na babae sa mga mamamayan ng lupain, o papag-aasawahin man ang kanilang mga anak na babae sa aming mga anak na lalaki.

³¹ Kung^(B) ang mga mamamayan ng lupain ay magdala ng mga kalakal o ng anumang butil sa araw ng Sabbath upang ipagbili, kami ay hindi bibili sa kanila sa Sabbath, o sa isang banal na araw. Aming hahayaan ang mga anihin sa ikapitong taon at ang pagsingil ng bawat utang.

³² Ipinapataw^(C) din namin sa aming sarili ang katungkulang singilin ang aming sarili sa taun-taon ng ikatlong bahagi ng isang siklo para sa paglilingkod sa bahay ng aming Diyos:

³³ para sa tinapay na handog, sa patuloy na handog na butil, sa patuloy na handog na sinusunog, sa mga Sabbath, sa mga bagong buwan, sa mga takdang kapistahan, sa mga banal na bagay, at sa mga handog pangkasalanan upang itubos sa Israel at sa lahat ng gawain sa bahay ng aming Diyos.

³⁴ Kami ay nagpalabunutan din na kasama ang mga pari, mga Levita, at ang taong-bayan, para sa kaloob na panggatong upang dalhin ito sa bahay ng aming Diyos, ayon sa mga sambahayan ng aming mga ninuno sa mga panahong itinakda, taun-taon, upang sunugin sa ibabaw ng dambana ng Panginoon naming Diyos, gaya ng nakasulat sa kautusan.

³⁵ Itinatakda^(D) namin sa aming sarili na dalhin ang mga unang bunga ng aming lupa at ang mga unang bunga ng lahat ng bunga ng bawat punungkahoy, taun-taon, sa bahay ng Panginoon;

³⁶ at^(E) upang dalhin din sa bahay ng aming Diyos, sa mga pari na nangangasiwa sa bahay ng aming Diyos, ang panganay sa aming mga anak na lalaki at ng aming hayop, gaya ng nakasulat sa kautusan, at ang mga panganay ng aming bakahan at ng aming mga kawan;

³⁷ at^(F) upang aming dalhin ang mga unang bahagi ng aming harina, ang aming mga ambag, ang bunga ng bawat punungkahoy, ang alak at ang langis, sa mga pari, sa mga silid ng bahay ng aming Diyos; at upang dalhin ang mga ikasampung bahagi ng aming lupa sa mga Levita; sapagkat ang mga Levita ang lumilikom ng mga ikasampung bahagi sa lahat ng aming mga bayan sa kabukiran.

³⁸ Ang^(G) pari na anak ni Aaron ay sasama sa mga Levita kapag tumatanggap ang mga Levita ng mga ikasampung bahagi. At iaakyat ng mga Levita ang ikasampung bahagi ng mga ikasampung bahagi sa bahay ng aming Diyos, sa mga silid ng bahay-imbakan.

³⁹ Sapagkat dadalhin ng mga anak ni Israel at ng mga anak ni Levi ang mga handog na trigo, alak, at langis sa mga silid na kinaroroonan ng mga sisidlan ng santuwaryo, at ng mga pari na nangangasiwa at ng mga bantay-pinto at mga mang-aawit. Hindi namin pababayaan ang bahay ng aming Diyos.

Ang tipan ng bayan upang ingatan ang kautusan, at ganapin ang pagsamba sa templo.

10 ^(A)Yaon ngang nagsipagtakda ay: si ^(B)Nehemias, ang tagapamahala, na ^(C)anak ni Hachalias, at si Sedecias;

² Si ^(D)Seraias, si ^(E)Azarias, si Jeremias;

³ Si Pashur, si Amarias, si Malchias;

⁴ Si Hattus, si Sebanias, si Malluch;

⁵ Si Harim, si Meremoth, si Obadias;

⁶ Si Daniel, si Ginethon, si Baruch;

⁷ Si Mesullam, si Abias, si Miamin;

⁸ Si Maazias, si Bilgai, si Semeias: ang mga ito'y saserdote.

⁹ At ang mga Levita: sa makatuwid baga'y, si Jesua na anak ni Azanias, si Binnui, sa mga anak ni Henadad, si Cadmiel;

¹⁰ At ang kanilang mga kapatid, si Sebanias, si Odaia, si Celita, si Pelaias, si Hanan;

¹¹ Si Micha, si Rehob, si Hasabias;

¹² Si Zachur, si Serebias, si Sebanias;

¹³ Si Odaia, si Bani, si Beninu;

¹⁴ Ang mga puno ng bayan: si Pharos, si Pahath-moab, si Elam, si Zattu, si Bani;

¹⁵ Si Bunni, si Azgad, si Bebai;

¹⁶ Si Adonias, si Bigvai, si Adin;

¹⁷ Si Ater, si Ezekias, si Azur;

¹⁸ Si Odaia, si Hasum, si Bezai;

¹⁹ Si Ariph, si Anathoth, si Nebai;

²⁰ Si Magpias, si Mesullam, si Hezir;

²¹ Si Mesezabel, Sadoc, si Jadua;

²² Si Pelatias, si Hanan, si Anaias;

²³ Si Hoseas, si Hananias, si Asub;

²⁴ Si Lohes, si Pilha, si Sobec;

²⁵ Si Rehum, si Hasabna, si Maaseias;

²⁶ At si Ahijas, si Hanan, si Anan;

²⁷ Si Malluch, si Harim, si Baana.

²⁸ At ang nalabi sa bayan, ang mga ^(F)saserdote, ang mga Levita, ang mga tagatanod-pinto, ang mga mangaawit, ang mga Nethineo, ^(G)at lahat ng nagsihiwalay sa mga bayan ng mga lupain sa kautusan ng Dios, ang kanilang mga asawa, ang kanilang mga anak, na lalake at babae, bawa't may kaalaman at kaunawaan;

²⁹ Sila'y nagsilakip sa kanilang mga kapatid, na kanilang mga mahal na tao, at nagsisumpa, ^(H)at nagsipanumpa, na magsilakad sa kautusan ng Dios, na nabigay sa pamamagitan ni Moises na ^(I)lingkod ng Dios, at upang magsiganap at magsigawa ng lahat na utos ng Panginoon na aming Panginoon, at ng kaniyang mga kahatulan, at ng kaniyang mga palatuntunan;

³⁰ At hindi namin ibibigay ang aming mga ^(J)anak na babae sa mga bayan ng lupain, o papagaasawahin man ang kanilang mga anak na babae para sa aming mga anak na lalake.

³¹ At kung ang mga bayan ng lupain ay ^(K)mangagdala ng mga kalakal o ng anomang pagkain sa araw ng sabbath upang ipagbili, na kami ay hindi magsisibili sa kanila sa sabbath, o sa pangiling araw: aming ipagpapahinga ang ikapitong ^(L)taon, at ang ^(M)pagsingil ng bawa't utang.

³² Kami naman ay nangagpasiya rin sa sarili namin, na makiambag sa taon-taon ng ikatlong bahagi ng isang siklo ukol sa paglilingkod sa bahay ng aming Dios:

^33 (N)Ukol sa tinapay na handog, at sa palaging ^(O)handog na harina, at sa palaging handog na susunugin, sa mga sabbath, sa mga bagong buwan sa mga takdang ^(P)kapistahan, at sa mga banal na bagay at sa mga handog dahil sa kasalanan upang ^(Q)itubos sa Israel, at sa lahat na gawain sa bahay ng aming Dios,

^34 (R)At kami ay nangagsapalaran, ang mga saserdote, ang mga Levita, at ang bayan, dahil sa ^(S)kaloob na panggatong upang dalhin sa bahay ng aming Dios, ayon sa mga sangbahayan ng aming mga magulang ^(T)sa mga panahong takda, taon-taon, upang sunugin sa ibabaw ng dambana ng Panginoon naming Dios, gaya ng nasusulat sa ^(U)kautusan.

³⁵ At upang dalhin ang mga unang ^(V)bunga ng aming lupa, at ang mga unang bunga ng lahat na bunga ng sarisaring puno ng kahoy, taon-taon, sa bahay ng Panginoon:

³⁶ Gayon din ang panganay sa aming mga anak na lalake, at sa aming hayop, ^(W)gaya ng nasusulat sa kautusan, at ang mga panganay sa aming bakahan at sa aming mga kawan, upang dalhin sa bahay ng aming Dios, sa mga saserdote, na nagsisipangasiwa sa bahay ng aming Dios:

³⁷ At upang aming dalhin ang mga ^(X)unang bunga ng aming harina, at ang aming mga handog na itataas, at ang bunga ng sarisaring punong kahoy, ang alak, at ang langis, sa mga saserdote, sa mga ^(Y)silid ng bahay ng aming Dios; at ang ^(Z)ikasangpung bahagi ng aming lupa sa mga Levita; sapagka't sila, na mga Levita, ay nagsisikuha ng mga ikasangpung bahagi sa lahat na aming mga bayan na bukiran.

³⁸ At ang saserdote na anak ni Aaron ay sasama sa mga Levita, pagka ang mga Levita ay nagsisikuha ng mga ^(AA)ikasangpung bahagi; at isasampa ng mga Levita ang ikasangpung bahagi ng mga ikasangpung bahagi sa bahay ng aming Dios, sa mga silid sa loob ng ^(AB)bahay ng kayamanan.

³⁹ Sapagka't ang mga anak ni Israel, at ang mga anak ni Levi ay mangagdadala ng mga handog na itataas, na trigo, alak, at langis, sa mga silid, na kinaroroonan ng mga sisidlan ng santuario, at ng mga saserdote na nagsisipangasiwa, at ng mga tagatanod-pinto, at ng mga mangaawit: at hindi namin pababayaan ang bahay ng aming Dios.