Mga Gawa 13:16-18

Ang Bagong Tipan: Filipino Standard Version

¹⁶ Kaya't tumindig si Pablo at matapos senyasan ang mga tao upang tumahimik, ay nagsabi,

“Mga Israelita, at kayong may takot sa Diyos, makinig kayo. ¹⁷ Ang ^(A) Diyos ng bayang ito ng Israel ang humirang sa ating mga ninuno, at sila'y ginawa niyang malaking bansa nang sila'y nakipamayan sa Ehipto. At sa pamamagitan ng kanyang dakilang kapangyarihan, sila'y inilabas doon. ^18 (B) Sa loob ng apatnapung taon ay kanyang pinagtiisan sila sa ilang.