Mga Gawa 1:15-17

Ang Bagong Tipan: Filipino Standard Version

¹⁵ Nang mga araw na iyon, habang nagtitipon ang may isandaan at dalawampung mga kapatid, tumindig si Pedro sa gitna nila at nagsabi, ¹⁶ “Mga kapatid,^[a] kailangang matupad ang Kasulatan, na noon pa ma'y sinabi na ng Banal na Espiritu sa pamamagitan ni David, tungkol kay Judas na nanguna sa pagdakip kay Jesus. ¹⁷ Dati siyang kabilang sa atin at nabigyan ng bahagi sa paglilingkod na ito.