Mga Bilang 21:31-35

Magandang Balita Biblia

³¹ Nanirahan nga ang mga Israelita sa lupaing nakuha nila sa mga Amoreo. ³² Pagkatapos, si Moises ay nagsugo ng mga espiya sa Jazer, at nasakop din nila ito pati ang mga karatig-bayan nito. Pinalayas din nila ang mga Amoreo roon.

³³ Hinarap naman nila ang Bashan, ngunit nilabanan sila ni Haring Og sa Edrei. ³⁴ Sinabi ni Yahweh kay Moises, “Huwag kang matakot sapagkat ipapalupig ko siya sa iyo. Magagawa mo sa kanya ang ginawa mo kay Haring Sihon ng Hesbon.” ³⁵ Napatay nga nila si Og, ang mga anak nito at ang lahat ng kababayan nito, wala silang itinirang buháy. Sinakop nila ang lupaing iyon.