91 Siyang ^(A)tumatahan sa lihim na dako ng Kataastaasan.
Ay mananatili ^(B)sa lilim ng Makapangyarihan sa lahat.
² Aking sasabihin tungkol sa Panginoon, Siya'y aking kanlungan at aking katibayan,
Ang Dios ko na ^(C)siyang aking tinitiwalaan.
³ Sapagka't kaniyang ililigtas ^(D)ka sa silo ng paninilo,
At sa mapamuksang salot.
⁴ Kaniyang tatakpan ka ^(E)ng kaniyang mga bagwis,
At sa ^(F)ilalim ng kaniyang mga pakpak ay manganganlong ka:
Ang kaniyang katotohanan ^(G)ay kalasag at baluti.
^5 (H)Ikaw ay hindi matatakot sa kakilabutan sa gabi,
Ni sa pana man na humihilagpos kung araw;
⁶ Dahil sa salot na dumarating sa kadiliman,
^(I)Ni dahil sa paggiba man na sumisira sa katanghaliang tapat.
⁷ Isang libo ay mabubuwal sa iyong siping,
At sangpung libo sa iyong kanan;
Nguni't hindi lalapit sa iyo.
^8 (J)Iyong mamamasdan lamang ng iyong mga mata,
At iyong makikita ang ganti sa masama.
⁹ Sapagka't ikaw, Oh Panginoon, ay aking kanlungan!
Iyong ginawa ang Kataastaasan na ^(K)iyong tahanan;
¹⁰ Walang kasamaang mangyayari sa iyo,
Ni anomang salot ay lalapit sa iyong tolda.
^11 (L)Sapagka't siya'y magbibilin sa kaniyang mga anghel tungkol sa iyo,
Upang ingatan ka sa lahat ng iyong mga lakad.
¹² Kanilang dadalhin ka sa kanilang mga kamay,
^(M)Baka matisod ka ng iyong paa sa isang bato.
¹³ Iyong yayapakan ang leon at ang ulupong:
Ang batang leon at ang ahas ^(N)ay yuyurakan mo ng iyong mga paa.
¹⁴ Sapagka't kaniyang inilagak ang kaniyang pagibig sa akin, kaya't iniligtas ko siya:
Aking ilalagay siya sa mataas, sapagka't ^(O)kaniyang naalaman ang pangalan ko.
¹⁵ Siya'y tatawag sa akin, at sasagutin ko siya;
Ako'y ^(P)sasa kaniya sa kabagabagan:
Aking ililigtas siya, at pararangalan ^(Q)siya.
¹⁶ Aking bubusugin siya ^(R)ng mahabang buhay,
At ipakikita ko sa kaniya ang aking pagliligtas.

91 Siyang naninirahan sa tirahan ng Kataas-taasan,
    ay mananatili sa lilim ng Makapangyarihan,
² sasabihin ko sa Panginoon, “Aking muog at aking kanlungan,
    aking Diyos na siya kong pinagtitiwalaan.”
³ Sapagkat ililigtas ka niya sa bitag ng maninilo,
    at sa nakakamatay na salot.
⁴ Kanyang tatakpan ka ng mga bagwis niya,
    at sa ilalim ng kanyang mga pakpak ay manganganlong ka;
    ang kanyang katapatan ay baluti at panangga.
⁵ Ang mga nakakakilabot sa gabi ay di mo katatakutan,
    ni ang pana na nagliliparan kapag araw;
⁶ ni ang salot na lihim na bumubuntot sa kadiliman,
    ni ang pagkawasak na sumisira sa katanghalian.
⁷ Mabubuwal sa iyong tabi ang isang libo,
    sa iyong kanan ay sampung libo,
    ngunit ito'y hindi lalapit sa iyo.
⁸ Mamamasdan mo lamang sa pamamagitan ng iyong mga mata,
    at iyong makikita ang parusa sa masama.