Matthew 11
King James Version
11 And it came to pass, when Jesus had made an end of commanding his twelve disciples, he departed thence to teach and to preach in their cities.
2 Now when John had heard in the prison the works of Christ, he sent two of his disciples,
3 And said unto him, Art thou he that should come, or do we look for another?
4 Jesus answered and said unto them, Go and shew John again those things which ye do hear and see:
5 The blind receive their sight, and the lame walk, the lepers are cleansed, and the deaf hear, the dead are raised up, and the poor have the gospel preached to them.
6 And blessed is he, whosoever shall not be offended in me.
7 And as they departed, Jesus began to say unto the multitudes concerning John, What went ye out into the wilderness to see? A reed shaken with the wind?
8 But what went ye out for to see? A man clothed in soft raiment? behold, they that wear soft clothing are in kings' houses.
9 But what went ye out for to see? A prophet? yea, I say unto you, and more than a prophet.
10 For this is he, of whom it is written, Behold, I send my messenger before thy face, which shall prepare thy way before thee.
11 Verily I say unto you, Among them that are born of women there hath not risen a greater than John the Baptist: notwithstanding he that is least in the kingdom of heaven is greater than he.
12 And from the days of John the Baptist until now the kingdom of heaven suffereth violence, and the violent take it by force.
13 For all the prophets and the law prophesied until John.
14 And if ye will receive it, this is Elias, which was for to come.
15 He that hath ears to hear, let him hear.
16 But whereunto shall I liken this generation? It is like unto children sitting in the markets, and calling unto their fellows,
17 And saying, We have piped unto you, and ye have not danced; we have mourned unto you, and ye have not lamented.
18 For John came neither eating nor drinking, and they say, He hath a devil.
19 The Son of man came eating and drinking, and they say, Behold a man gluttonous, and a winebibber, a friend of publicans and sinners. But wisdom is justified of her children.
20 Then began he to upbraid the cities wherein most of his mighty works were done, because they repented not:
21 Woe unto thee, Chorazin! woe unto thee, Bethsaida! for if the mighty works, which were done in you, had been done in Tyre and Sidon, they would have repented long ago in sackcloth and ashes.
22 But I say unto you, It shall be more tolerable for Tyre and Sidon at the day of judgment, than for you.
23 And thou, Capernaum, which art exalted unto heaven, shalt be brought down to hell: for if the mighty works, which have been done in thee, had been done in Sodom, it would have remained until this day.
24 But I say unto you, That it shall be more tolerable for the land of Sodom in the day of judgment, than for thee.
25 At that time Jesus answered and said, I thank thee, O Father, Lord of heaven and earth, because thou hast hid these things from the wise and prudent, and hast revealed them unto babes.
26 Even so, Father: for so it seemed good in thy sight.
27 All things are delivered unto me of my Father: and no man knoweth the Son, but the Father; neither knoweth any man the Father, save the Son, and he to whomsoever the Son will reveal him.
28 Come unto me, all ye that labour and are heavy laden, and I will give you rest.
29 Take my yoke upon you, and learn of me; for I am meek and lowly in heart: and ye shall find rest unto your souls.
30 For my yoke is easy, and my burden is light.
Matthew 11
Hawai‘i Pidgin
11 Wen Jesus pau tell his twelve guys wat dey gotta do an wea dey gotta go, he send um all ova da place, an den he go way from ova dea fo go teach inside da odda towns.
Da Guys John Da Baptiza Guy Send
2 Same time, John Da Baptiza Guy, he stay in jail. He hear all da stuff Jesus stay doing. (Jesus was da Christ guy, you know, da Spesho Guy God Wen Send.) So John wen go send his guys fo talk to Jesus. 3 Dey aks him, “Eh, you da guy suppose to come, o wat? O we suppose to wait fo one nodda guy fo come?”
4 Jesus tell um, “Go, tell John wat you guys stay hear an see. 5 Had guys dat no can see, now dey can see. Had guys dat no can walk, now dey can walk. Had lepa guys, now dey no mo sick. Had guys dat no can hear, now dey can hear. Had guys dat was mahke, now dey stay walking aroun. Da peopo dat no mo notting, now dey hear all da Good Kine Stuff From God dat I teaching um. 6 An if da tings I do no bodda you, den you goin feel good inside.”
7 Afta Johnʼs guys wen start fo go way from ova dea, Jesus tell all da peopo bout John. He aks um, “Dat time you guys wen go inside da boonies fo see John, how come you wen go? Fo look da wind blowing da grass? Nah! 8 Den, how come you guys wen go ova dea? Fo look one guy wit fancy kine clotheses? You know wat? Da guys dat wear fancy kine clotheses stay inside da kingʼs palace. 9 If not dat, how come you guys wen go ova dea? Fo look one guy dat talk fo God? Eh, I tell you guys, John, he mo den one guy dat talk fo God. 10 Dis da guy da Bible wen talk bout befo time, dat time God tell his Spesho Guy,
‘Eh! Try listen dis!
I goin send my messenja guy befo you.
He goin make everyting ready fo you,
Befo you come ova dea.’
11 “Dass right! An I like tell you guys dis too: From all da peopo dat wen live befo time, no mo nobody mo importan den John Da Baptiza Guy. But den now, even da mostes small kine guy dat get God fo his King, he mo importan den John.
12 “From da first time John Da Baptiza Guy wen start fo teach till now, da Kingʼs ohana stay coming mo an mo strong. An get guys dat like try beef, fo take um ova. 13 Till John wen show up ova dea, all da guys dat wen talk fo God befo time, an Moses wen he wen write down Godʼs Rules inside da Bible, dey all wen talk bout da Kingʼs ohana. 14 Dis guy John, he da guy dey say goin come, jus like Elijah. You tink you guys can handle dat? 15 Yeah, you know! You guys get ears fo hear, you betta listen!
16 “But peopo nowdays, how dey stay? Dey jalike da kids dat stay sitting inside da open market place, an yelling to dea friends,
17 ‘Eh! Us guys make music fo you guys,
But you guys no like dance!
Us guys cry,
But you guys no come sad fo us!’
18 “Same ting, wen John Da Baptiza Guy show up, he no eat notting so he can pray plenny, an he no drink wine. Dass how come peopo say, ‘Eh, he get one bad kine spirit in charge a him!’ 19 Eh, but try go figga dis: Me, I da Guy Dass Fo Real. I eat, I drink, an dey say, ‘You know wat? Dis guy everytime eating an drinking! He friends wit da guys dat collect money fo tax fo da govermen, an da odda kine peopo dat get bad name, jalike dem.’ But eh! you know wat? Da guy who get da smarts from God, da tings he do, goin make proof dat he right.”
Da Peopo From Some Towns No Trus Jesus
20 Den Jesus wen scold da peopo from all da towns wea he wen show his power, cuz dey not sorry fo all da bad kine stuff dey doing, an dey no stop doing um. 21 He say, “Auwe, you guys from Korazin town, an you guys from Betsaida town! Eh, I neva show my power fo da Tyre an Sidon guys like I wen do um fo you guys. If I wen go do dat, awready dem guys wen come sorry from long time an stop doing um, an dey wen show dey shame fo all dat -- dey wen go put on one gunny bag, an go throw ash on top dea head, so everybody know dey sorry. 22 But I telling you guys now, bumbye goin be mo easy fo da Tyre an Sidon guys wen dey gotta stand in front God da Judge, den fo you guys.
23 An you guys from Capernaum town,
You tink God goin take you guys up in da sky, o wat?
No! Mo like he goin throw you guys down dea inside Hell.
Cuz if I wen do awesome stuff wit my power fo da Sodom guys jalike I do fo you guys, still yet Sodom town stay hea. 24 But I telling you guys, bumbye goin be mo easy fo da Sodom guys wen dey stand in front God da Judge, den fo you guys.”
Come Ova Hea By Me An Rest
25 Dat time Jesus say, “God, you my Fadda. You da Boss all ova da sky an da world. Mahalo plenny, eh, cuz you show dis kine stuff to da kids an hide um from da smart guys dat know plenny. 26 Yeah, you my Fadda, an dass how you like um happen.”
27 Den he tell dem, “My Fadda give me everyting, you know. I his Boy, dass why. Nobody know me like my Fadda know me. An nobody know my Fadda fo real kine, ony me, I know him, cuz I his Boy. An da peopo I like show my Fadda, dey can know him fo real kine too.
28 “All you guys dat stay tired from working hard, an stay trying fo handle all da heavy kine stuff dat da Rules say, come! Come ova hea by me. I make you guys rest now. 29 Jalike da oxes get yoke on top dem fo pull da load, you guys put my yoke on top you, an go learn fo do wat I teaching you. I stay gentle an I like take care peopo befo me, so yoa hearts goin rest inside. 30 Cuz my yoke real good, an my load real easy.”
Copyright © 2000 by Wycliffe Bible Translators International. All rights reserved