Matthew 17Hawai‘i Pidgin (HWP)
Jesus Look Diffren On Top Da Mountain
17 Afta six days, Jesus wen take Peter, James, an James brudda John wit him up on top one big mountain wea neva have nobody. 2 Den, da same time dey stay looking at him, Jesus wen start fo look diffren in front dem. His face wen shine jalike da sun, an his clotheses wen come shiny kine jalike one bright light. 3 An you know wat? Right den an dea Moses an Elijah from long time befo wen come outa no wea, an dey stay talking wit Jesus.
4 Den Peter tell Jesus, “You know wat, Boss? Good we stay ova hea! If you like, I goin make shacks ova hea, one fo you, one fo Moses, one fo Elijah.”
5 Peter still talking, an you know wat? Had one bright cloud go ova dem. Den, one voice from inside da cloud say, “Dis my boy! I get plenny love an aloha fo him. I feel real good inside cuz a him. Eh, listen to him!” 6 Da guys hear da voice, an dey come real scared, an dey put dea face on top da groun.
7 Jesus go by dem, an touch um, an say, “Get up! No scared!” 8 Wen dey look up, dey see ony Jesus.
9 Afta dat, Jesus guys stay going down da mountain, an Jesus tell um, “You guys wen see someting real spesho. No tell nobody wat you guys wen see. I Da Guy Dass Fo Real. I goin mahke, an I goin come back alive afta I mahke. Ony dat time, you guys can tell peopo wat you guys wen see.”
10 Jesus guys aks him, “Eh, da teacha guys dat teach da Rules from God, how come dey say Elijah gotta come back first befo Godʼs Spesho Guy goin show up?”
11 He say, “Dass right. Elijah gotta come back first an make everyting ready fo Godʼs Spesho Guy. 12 But I telling you, Elijah wen come back awready, an da peopo neva know who him. Dey even wen make um any kine. An me, da Guy Dass Fo Real, same ting, dey goin make me suffa lidat too.” 13 Den his guys wen figga dat wen he talk bout Elijah coming back, he mean John Da Baptiza Guy.
Jesus Throw Out Da Bad Kine Spirit From One Boy
14 Jesus an his three guys come by choke peopo. One guy from ova dea wen go by him, an go down on his knees. He say, 15 “Boss, try pity my boy! He fall down an start fo shake plenny, an suffa real bad. Plenny times he fall down inside da fire o inside da water. 16 I wen bring um ova hea by da guys you stay teaching, but dey no can make him come good.”
17 Jesus say, “You guys! Nowdays nobody stay trus God! You guys, yoa head, all kapakahi! How much time still I gotta put up wit you guys? Bring da boy ova hea!” 18 Den Jesus talk strong to da bad kine spirit. Den da spirit let go da boy. Right den an dea da boy wen come good.
19 Jesus guys go by him wen neva have nobody, an aks him, “How come we no can throw um out?”
20 He say, “Cuz you guys neva trus God nuff, az why. An I telling you guys dis too: if you guys trus God ony litto bit, jalike da smalles mustard seed, you can tell dis mountain, ‘Go move ova dea,’ an da mountain goin go. No goin get notting dat you guys no can handle. 21 [But ony get one way fo make dis kine bad spirit let peopo go, you know. You gotta skip food so you can pray mo hard.]”
One Mo Time Jesus Say He Gotta Mahke An Come Back Alive
22 Den all Jesus guys wen come togedda wit him, Galilee side, an Jesus wen tell um, “I da Guy Dass Fo Real, you know. But den get peopo dat goin set me up an bus me. 23 Dey goin kill me, an afta dat, day numba three, I goin come back alive.” Dat make Jesus guys come real sad.
Jesus Pay Da Tax Fo Da Temple
24 Den Jesus an his guys go Capernaum town, an da guys who take money fo tax go by Peter an say, “Yoa teacha pay da tax fo da temple, yeah?”
25 He say, “Yeah, he pay um.”
Wen Peter go home, Jesus talk first, an say, “Eh Simon! Try tell me wat you tink bout dis: All da kings inside da world, from wea dey take da tax from? From dea own peopo, o from da odda peopos?”
26 He say, “From da odda peopos.”
Jesus say, “Den dea own peopo no need pay, yeah? 27 But if us guys no pay um, da tax guys goin tink bad bout us guys. So, go by da lake, an drop one line inside da water. Da first fish you catch, open da mout. You goin find one silva coin inside. Take dat coin to da tax guys. Dat goin be nuff fo me an you.”
Matthew 17New International Version (NIV)
17 After six days Jesus took with him Peter, James and John the brother of James, and led them up a high mountain by themselves. 2 There he was transfigured before them. His face shone like the sun, and his clothes became as white as the light. 3 Just then there appeared before them Moses and Elijah, talking with Jesus.
4 Peter said to Jesus, “Lord, it is good for us to be here. If you wish, I will put up three shelters—one for you, one for Moses and one for Elijah.”
5 While he was still speaking, a bright cloud covered them, and a voice from the cloud said, “This is my Son, whom I love; with him I am well pleased. Listen to him!”
6 When the disciples heard this, they fell facedown to the ground, terrified. 7 But Jesus came and touched them. “Get up,” he said. “Don’t be afraid.” 8 When they looked up, they saw no one except Jesus.
9 As they were coming down the mountain, Jesus instructed them, “Don’t tell anyone what you have seen, until the Son of Man has been raised from the dead.”
10 The disciples asked him, “Why then do the teachers of the law say that Elijah must come first?”
11 Jesus replied, “To be sure, Elijah comes and will restore all things. 12 But I tell you, Elijah has already come, and they did not recognize him, but have done to him everything they wished. In the same way the Son of Man is going to suffer at their hands.” 13 Then the disciples understood that he was talking to them about John the Baptist.
Jesus Heals a Demon-Possessed Boy
14 When they came to the crowd, a man approached Jesus and knelt before him. 15 “Lord, have mercy on my son,” he said. “He has seizures and is suffering greatly. He often falls into the fire or into the water. 16 I brought him to your disciples, but they could not heal him.”
17 “You unbelieving and perverse generation,” Jesus replied, “how long shall I stay with you? How long shall I put up with you? Bring the boy here to me.” 18 Jesus rebuked the demon, and it came out of the boy, and he was healed at that moment.
19 Then the disciples came to Jesus in private and asked, “Why couldn’t we drive it out?”
20 He replied, “Because you have so little faith. Truly I tell you, if you have faith as small as a mustard seed, you can say to this mountain, ‘Move from here to there,’ and it will move. Nothing will be impossible for you.”  [a]
Jesus Predicts His Death a Second Time
22 When they came together in Galilee, he said to them, “The Son of Man is going to be delivered into the hands of men. 23 They will kill him, and on the third day he will be raised to life.” And the disciples were filled with grief.
The Temple Tax
24 After Jesus and his disciples arrived in Capernaum, the collectors of the two-drachma temple tax came to Peter and asked, “Doesn’t your teacher pay the temple tax?”
25 “Yes, he does,” he replied.
When Peter came into the house, Jesus was the first to speak. “What do you think, Simon?” he asked. “From whom do the kings of the earth collect duty and taxes—from their own children or from others?”
26 “From others,” Peter answered.
“Then the children are exempt,” Jesus said to him. 27 “But so that we may not cause offense, go to the lake and throw out your line. Take the first fish you catch; open its mouth and you will find a four-drachma coin. Take it and give it to them for my tax and yours.”