3 At nang mga araw na yaon ay dumating si ^(A)Juan Bautista, na nangangaral ^(B)sa ilang ng Judea, na nagsasabi,

² Mangagsisi kayo; sapagka't ^(C)malapit na ang kaharian ng langit.

³ Sapagka't ito yaong sinalita sa pamamagitan ng propeta Isaias, na nagsasabi,

⁴ Si Juan nga ay nananamit ^(E)ng balahibo ng kamelyo, at may isang pamigkis na katad sa palibot ng kaniyang baywang; at ang kaniyang pagkain ay mga ^(F)balang ^(G)at pulot-pukyutan.

⁵ Nang magkagayo'y nilabas siya ng Jerusalem, at ng buong Judea, at ng buong lupain sa palibotlibot ng Jordan;

⁶ At sila'y kaniyang binabautismuhan sa ilog ng Jordan, na ipinahahayag nila ang kanilang mga kasalanan.

⁷ Datapuwa't nang makita niyang marami sa mga Fariseo at ^(H)Saduceo na nagsisiparoon sa kaniyang pagbabautismo, ay sinabi niya sa kanila, Kayong lahi ng mga ulupong, ^(I)sino ang sa inyo'y nagpaunawa upang magsitakas sa galit na darating?

⁸ Kayo nga'y mangagbunga ng karapatdapat sa pagsisisi:

⁹ At huwag kayong mangagisip na mangagsabi sa inyong sarili, Si Abraham ang aming ama; ^(J)sapagka't sinasabi ko sa inyo, na mangyayaring makapagpalitaw ang Dios ng mga anak ni Abraham sa mga batong ito.

¹⁰ At ngayon pa'y nakalagay na ang palakol sa ugat ng mga punong kahoy: ang bawa't punong kahoy nga na hindi nagbubungang mabuti ay pinuputol at ^(K)inihahagis sa apoy.

¹¹ Sa katotohanan ay binabautismuhan ko kayo sa tubig ^(L)sa pagsisisi: ^(M)datapuwa't ang dumarating sa hulihan ko ay lalong makapangyarihan kay sa akin, na hindi ako karapatdapat magdala ng kaniyang pangyapak: ^(N)siya ang sa inyo'y magbabautismo sa Espiritu Santo at ^(O)apoy:

¹² Nasa kaniyang kamay ang kaniyang kalaykay, at lilinisin niyang lubos ang kaniyang giikan; at titipunin niya ang kaniyang trigo sa bangan, ^(P)datapuwa't ang dayami ay susunugin sa apoy na hindi mapapatay.

¹³ Nang magkagayo'y ^(Q)naparoon si Jesus ^(R)mula sa Galilea at lumapit kay Juan sa ilog ng Jordan, upang siya'y bautismuhan niya.

¹⁴ Datapuwa't ibig siyang sansalain ni Juan, na nagsasabi, Kinakailangan ko na ako'y iyong bautismuhan, at ikaw ang naparirito sa akin?

¹⁵ Nguni't pagsagot ni Jesus ay sinabi sa kaniya, Payagan mo ngayon: sapagka't ganyan ang nararapat sa atin, ang pagganap ng buong katuwiran. Nang magkagayo'y pinayagan niya siya.

¹⁶ At nang mabautismuhan si Jesus, pagdaka'y umahon sa tubig: at narito, nangabuksan sa kaniya ang mga langit, at nakita niya ang ^(S)Espiritu ng Dios na bumababang tulad sa isang kalapati, at lumalapag sa kaniya;

^17 (T)At narito, ang isang tinig na mula sa mga langit, na nagsasabi, Ito ang sinisinta kong ^(U)Anak, na siya kong lubos na kinalulugdan.