²⁸ Huwag kayong matakot sa mga gustong pumatay sa inyo. Ang katawan lang ninyo ang kaya nilang patayin, pero hindi ang inyong kaluluwa. Sa halip, matakot kayo sa Dios, na siyang may kakayahang puksain ang katawan at kaluluwa ninyo sa impyerno. ²⁹ Hindi baʼt napakamura ng halaga ng dalawang maya? Pero wala ni isa man sa kanila ang nahuhulog sa lupa nang hindi ayon sa kagustuhan ng inyong Ama. ³⁰ Mas lalo na kayo, maging ang bilang ng inyong mga buhok ay alam niya. ³¹ Kaya huwag kayong matakot, dahil mas mahalaga kayo kaysa sa maraming maya.”