Pumayag si Judas na Ipagkanulo si Jesus^(A)

¹⁰ Pagkatapos, si Judas Iscariote, isa sa labindalawa, ay nagpunta sa mga punong pari upang ipagkanulo si Jesus sa kanila. ¹¹ Natuwa ang mga punong pari nang marinig ito at nangakong bibigyan siya ng salapi. Mula noo'y naghanap na siya ng pagkakataong maipagkanulo si Jesus.

³ Pumasok si Satanas kay Judas, na tinatawag na Iscariote, na kabilang sa labindalawa. ⁴ Umalis siya at nakipag-usap sa mga punong pari at mga pinuno ng mga bantay sa templo kung paano niya maipagkakanulo sa kanila si Jesus. ⁵ Natuwa sila at nagkasundong bigyan ng salapi si Judas. ⁶ Pumayag naman ito at naghanap ng pagkakataong ipagkanulo si Jesus sa kanila nang lingid sa maraming tao.