Marcos 12:41-44

Ang Bagong Tipan: Filipino Standard Version

Ang Kaloob ng Babaing Balo^(A)

⁴¹ Naupo si Jesus sa tapat ng kabang-yaman ng templo at pinagmasdan kung paano naghuhulog ang mga tao ng kanilang handog na salapi. Maraming mayayaman ang naghuhulog ng malalaking halaga. ⁴² Dumating ang isang dukhang babaing balo at naghulog ng dalawang kusing, katumbas ng isang pera. ⁴³ Tinawag niya ang kanyang mga alagad at sinabi, “Katotohanan ang sinasabi ko, ang dukhang balong ito ay naghulog ng higit kaysa lahat ng mga naghulog sa kabang-yaman. ⁴⁴ Sapagkat lahat ay nagbigay mula sa kanilang kasaganaan, ngunit ang babaing ito, sa kabila ng kanyang kahirapan, ay nagbigay ng kanyang buong kabuhayan.”