Luke 10:38-42

Hawai‘i Pidgin

Jesus Go See Marta An Mary

³⁸ Jesus an da guys he teach wen go down one road, an dey come to one small town. One wahine name Marta stay dea. She wen tell um fo come inside her house. ³⁹ She get one sista name Mary, an Mary wen sit down by Jesus feet an listen to wat he say. ⁴⁰ But wen bodda Marta cuz ony her was doing all da work, an she come an tell, “Boss, you no care dat my sista wen leave me all by myself fo do everyting? Tell her fo come help me!”

⁴¹ Da Boss wen tell Marta, “Marta! You bum out, an you worry bout plenny stuff, ⁴² but you ony need one ting. Mary wen pick da mo betta ting, an nobody can take dat away from her.”