Lukas 6

Ne Bibliaj Tik Nawat

—Ken ka ne sejsewilis ankichiwat tay te nemi pal tikchiwat?

—Ankimatit— inak —tay kichijki Dawid kwak yaja wan ne ikunpawan mayanat? ⁴ Kalak tik ne ikal ne Teut, kitzkij ne tajtamal ishpanujtuk wan kikwaj, wan kinmakak ne nemituyat iwan, tay ne sema ne palejmet welit kikwat.

—Ne Itelpuch Ne Takat itekuyu ne sewilis.

—Shimuketza wan shimutali tatajku.

—Nimetzintajtanilia se: nemi pal tikchiwat tay yek ush tay inteyek tik ne sewilis? Yek ma tikpalewikan se almaj o ma tikpulukan?

—Shikmelawa ne mumey.

—Tay tiawit tikchiwat iwan yajini?

¹⁴ Shimon ne kinutzki nusan Pedro

wan Andreas ne iikaw,

wan Yakob,

wan Yojan,

wan Pilipo,

wan Bar-Tolmay,

¹⁵ wan Matay,

wan Tomas,

wan Yakob ikunew Halpay

wan Shimon ne munutza Zelotes,

¹⁶ Yuda ikunew Yakob,

wan Yuda Ishkaryot ne muchijki Temakani.

—Suertej kipiat ne munekit, ika anmupal ne itatekimakalis ne Teut.

²¹ Suertej ne mayanat ashkan, ika san anhishwisket.

Suertej ne chukat ashkan, ika san anwetzkasket.

²² Suertej ankipiat kwak metzinhishijiat ne takamet wan kwak walmetzinkupewat wan metzinhijilwiat wan inat ka anmutukay inte tatka ka imaku ne Itelpuch ne Takat. ²³ Shitzijtzikwinikan iwan pakilis tik uni tunal, ka ne anmupatiw yawi wey né tik ne ilwikak, ika anmutejteku kenhaya kinchiwiliat katka ne taketzanimet.

²⁴ Sema, ay anmejemet ne kipiat wey,

ika ankipiata ne anmupatiw!

²⁵ Ay anmejemet ne ishwitiwit, ika san anmayanasket!

Ay ne wetzkat ashkan, ika san anmutechtisket wan anchukasket!

²⁶ Ay kwak taketzat yek anmupanpa muchi ne takamet, ika anmutejteku kiane kinchiwiliat katka ne tashijshikuanimet.

Shiktasujtakan ne kinekit metzinhijtakuat,

shikchiwilikan yek ne metzinhishijiat,

²⁸ shikteuchiwakan ne metzintenewat,

shiktajtanikan ne Teut ka inmaku ne metzinhijilwiat.

²⁹ Ne metztasa pak ne se mukamak shiktalili ne seuk,

wan ne kitzkia ne mutaken shikajkawili nusan ne muwipil asu kineki.

³⁰ Shikinmaka muchi ká metztajtanit, wan tay ne kikwi tay mupal maka shiktajtanili.

³¹ Wan ijkiunisan ken ankielewiat ma metzinchiwilikan, shikchiwakan kenha.

³² Wan asu ankintasujtat ká ne metzintasujtat, tay ipatiw?

ika ne tateyekchiwat nusan kintasujtat ká kintasujtat yejemet.

³³ Wan asu ankinpalewiat ká ne metzinpalewiat, tay ipatiw?

ika ne tateyekchiwat nusan kichiwat kenha.

³⁴ Wan asu antanewiltiat semaya kwak ankimatit ka anyawit kikwit, tay ipatiw?

Ne tateyekchiwat ijkiasan kintakwiltiat tateyekchiwat ma kinkwepilikan kenha.

³⁵ Shikintasujtakan mas yek ne kinekit metzinhijtakuat,

wan shikinpalewikan,

wan shitanewiltikan melka inte ankimatit ka anyawit kikwit tatka,

wan ne anmupatiw yawi wey wan anmuchiwasket ipilawan ne Wejkapan, ika yajane kinchiwilia tay yek ne tateyekchiwat.

³⁶ Shitaeknelikan ijkiunisan ken ne Anmuteku nusan taeknelia.

³⁷ Maka shiktenewakan aka ipanpa tay kichijtuk

wan te aka yawi metzintenewa;

maka shinakan ka aka inte yek

wan te aka yawi ina inte anyejyek;

shitachulultikan wan metzinchulultisket.

³⁸ Shitamakakan wan san ankikwisket:

tatamachiwasket yek, tapachusket wan tatzejtzelusket,

tatepewasket hasta kitemat anmukwey;

ika taiwan antatamachiwat tatamachiwasket anmupal.

—Se pupuyut weli kilwitilia ne ujti seuk pupuyut? Inte yawit ustuwetzit ne ujume?

⁴⁰ Se mumachtiani inte nemi ijpak ne tamachtiani; kwak tami, san muchiwas ken itamachtiani.

⁴¹ Ken ka tikita ne sakatzin tik ne iish ne muiknew? Wan ne taketzal nemi tik ne muish anka inte tikita? ⁴² Ken tiweli tikilwia ne muiknew: "Nuikaw, shinechajkawa nikishtia ne sakatzin ijtik muish", kwak inte tikita uni taketzal ijtik ne muish?! Tensasal! Shikishti achtu ne taketzal tik ne muish, wan kwakuni tiaw titachia yek pal weli tikishtia ne sakatzin nemi tik ne iish ne muiknew.

⁴³ Ika se yek kwawit inte tamaka itakil teyek, nian se kwawit teyek tamaka itakil yek. ⁴⁴ Yajika sejse kwawit muishmati ipanpa ne itakil, ika itech ne witzkilit inte tikululuat tzatzaput, nian tikanat shujshukut itech ne witztumat.

⁴⁵ Ne yek takat kishtia tik ne chalchiwit yek pal ne iyulu tay yek, wan ne inteyek kishtia tik ne inteyek ne inteyek; ika ken nemi tik tuyulu, ijkiuni taketza ne tuten.

⁴⁶ Yajika, ken ka annechnutzat: "Tajtzin! Tajtzin!" wan te ankichiwat tay nina?

⁴⁷ Ká ne ajsi nutech wan kikaki ne nupajpalabraj wan kichiwa, niaw nimetzinhilwitilia ken yaja. ⁴⁸ Yaja kenha ken se takat ne kiketza se kal wan pejki tawawana wan kichijki se wey shaput wan kitukak ne tetzilnaj ijtik ne tesual; ajsik ne tepeat wan kichaluj uni kal, wan te welik kitzejtzelua ika ne kal nemituya yek mutzintijtuk.

⁴⁹ Ká ne nechkaki wan te kichiwa tatka, yaja ken se takat ne kiketzki se kal ijpak ne tal, wan te kichijki tetzilnaj, wan kwakuni wetzki wan kipitzki wan kitajkal wan puliwik muchi.