Lucas 4:14-16

Ang Bagong Tipan: Filipino Standard Version

Ang Pasimula ng Gawain sa Galilea^(A)

¹⁴ Bumalik si Jesus sa Galilea sa kapangyarihan ng Espiritu at sa buong lupain ay kumalat ang balita tungkol sa kanya. ¹⁵ Nagturo siya sa kanilang mga sinagoga taglay ang papuri ng lahat.

Ang Pagtataboy kay Jesus^(B)

¹⁶ Dumating siya sa Nazareth na kanyang nilakhan. Gaya ng kanyang nakaugalian, pumasok siya sa sinagoga nang araw ng Sabbath at tumindig upang magbasa.