Lucas 21:21-23

Ang Bagong Tipan: Filipino Standard Version

²¹ Kaya't ang mga nasa Judea ay tumakas na patungo sa bundok at ang mga nasa loob ng lungsod ay lumabas mula rito, at ang mga nasa bukid sa palibot nito ay huwag nang pumasok pa. ²² Sapagkat ito ang mga araw ng kaparusahan, bilang katuparan ng lahat ng mga naisulat. ²³ Kaysaklap ng sasapitin ng mga nagdadalang-tao at nagpapasuso sa mga araw na iyon. Magkakaroon ng matinding pagdurusa sa lupain at poot laban sa bayang ito.