Lucas 12:48-50

Ang Bagong Tipan: Filipino Standard Version

⁴⁸ Ngunit ang hindi nakaaalam ng kalooban ng kanyang panginoon ay hahagupitin ng kaunti sa nagawa nitong pagkakamali. Ang binigyan ng marami ay pananagutin ng marami at ang pinagkatiwalaan ng marami ay papanagutin sa higit na marami.”

Si Jesus ang Sanhi ng Pagkakabaha-bahagi^(A)

⁴⁹ “Naparito ako upang maghagis ng apoy sa lupa at nais ko sanang ito'y nagniningas na. ⁵⁰ Kailangan kong magdaan sa isang bautismo at nababagabag ako hangga't hindi ito nagaganap!