^14 (A)At ang dibdib na inalog at ang hita na itinaas, ay kakanin ninyo sa dakong malinis, kakanin mo at ng iyong mga anak na lalake at babae na kasama mo: sapagka't yamang karampatang bahagi mo at karampatang bahagi ng iyong mga anak na ibinigay sa inyo sa mga hain ng mga anak ni Israel.

¹⁵ Ang hita na itinaas, at ang dibdib na inalog ay kanilang dadalhin na kalakip ng mga handog na pinaraan sa apoy, na mga taba upang alugin na pinaka handog na inalog sa harap ng Panginoon: at mapapasa iyo, at sa iyong mga anak na kasama mo, na karampatang bahagi ninyo magpakailan man; gaya ng iniutos ng Panginoon.

⁸ At sinalita ng Panginoon kay Aaron, At ^(A)ako'y, narito, aking ibinigay sa ^(B)iyo ang katungkulan sa mga handog na itinaas sa aking, lahat ng mga banal na bagay ng mga anak ni Israel; aking ibinigay sa iyo dahil sa pagpapahid, at sa iyong mga anak na marapat na bahagi ninyo, magpakailan man.

⁹ Ito'y magiging iyo sa mga pinakabanal na bagay, na hindi pinaraan sa apoy: ^(C)bawa't alay nila, ^(D)bawa't handog na harina nila, ^(E)at bawa't handog nila dahil sa kasalanan, at bawa't handog nila dahil sa pagkakasala na kanilang ihahandog sa akin, ay magiging pinaka banal sa iyo at sa iyong mga anak.

^10 (F)Gaya ng mga kabanalbanalang bagay ay kakain ka ng mga iyan: bawa't lalake ay kakain niyaon magiging banal na bagay sa iyo.

¹¹ At ito ay iyo; ^(G)ang handog na itinaas na kanilang kaloob, sa makatuwid baga'y ang lahat ng mga handog na inalog ng mga anak ni Israel: aking ibinigay sa iyo, at sa iyong mga anak na lalake at babae na kasama mo na marapat na bahagi magpakailan man: ^(H)bawa't malinis sa iyong bahay ay kakain niyaon.

^12 (I)Lahat ng pinakamainam sa langis, at lahat ng pinakamainam sa alak, at sa trigo, ang mga pinakaunang bunga ng mga yaon na kanilang ibibigay sa Panginoon, ay ibibigay ko sa iyo.

¹³ Ang mga unang hinog na bunga ng lahat na nasa kanilang lupain, ^(J)na kanilang dinadala sa Panginoon, ay magiging iyo; ^(K)bawa't malinis sa iyong bahay ay kakain niyaon.

¹⁴ Lahat ng mga bagay na ^(L)natatalaga sa Israel ay magiging iyo.

¹⁵ Lahat ng mga bagay na nagbubukas ng ^(M)bahay-bata, sa lahat ng laman na kanilang inihahandog sa Panginoon, sa mga tao at gayon din sa mga hayop, ay magiging iyo: ^(N)gayon man ang panganay sa tao ay tunay na iyong tutubusin, at ang panganay sa maruruming hayop ay iyong tutubusin.

¹⁶ At yaong mga matutubos sa kanila, mula sa isang buwang gulang ay iyong tutubusin, ^(O)ayon sa iyong pagkahalaga, ng limang siklong pilak, ayon sa siklo ng santuario (^(P)na dalawang pung gera).

^17 (Q)Nguni't ang panganay ng baka, o ang panganay ng tupa, o ang panganay ng kambing ay huwag mong tutubusin; mga banal: iyong iwiwisik ang kanilang ^(R)dugo sa ibabaw ng dambana, at iyong susunugin ang kanilang taba na pinakahandog na pinaraan sa apoy, na pinakamasarap na amoy sa Panginoon.

¹⁸ At ang laman nila ay magiging iyo, gaya ng dibdib na inalog at gaya ng kanang ^(S)hita ay magiging iyo.

¹⁹ Lahat ng mga handog na itinaas sa mga banal na bagay na ihahandog ng mga anak ni Israel sa Panginoon, ay aking ibinigay sa iyo, at sa iyong mga anak na lalake at babae na kasama mo, na marapat na bahagi magpakailan man: ^(T)tipan ng asin magpakailan man sa harap ng Panginoon sa iyo, at sa iyong binhi na kasama mo.