Levitico 10:10-12

Magandang Balita Biblia

¹⁰ Dapat ninyong malaman kung alin ang sagrado o hindi at kung alin ang malinis o marumi. ¹¹ Ang lahat ng iniuutos ko kay Moises ay dapat ninyong ituro sa sambayanang Israel.”

¹² Sinabi^(A) ni Moises kay Aaron at sa dalawa pang anak niyang natitira, sina Eleazar at Itamar, “Kunin ninyo ang natira sa handog na pagkaing butil kay Yahweh at gawing tinapay na walang pampaalsa. Kakainin ninyo ito sa tabi ng altar sapagkat ito'y ganap na sagrado.