यूहन्ना 6:16-21

Awadhi Bible: Easy-to-Read Version

ईसू क पानी प चलब

(मत्ती 14:22-27; मरकुस 6:45-52)

¹⁶ जब साँझ क बेला भइ अउर ओनके सब चेलन झील प चला गएन ¹⁷ अउर एक ठु नाव प बइठके वापस झील क पार कफरनहूम क तरफ चला गएन। मजे क अंधेरा होइ ग रहा, मुला ईसू अबहीं तलक लौटिके ओनके सबन क पास नाहीं आवा रहा। ¹⁸ तूफानी हवा बहत रही जेकरे कारण झील मँ लहर खूब तेज होत रहिन्ह। ¹⁹ जब उ पचे करीब पांच-छ: किलोमीटर आगे चला गएन तउ देखेन कि ईसू झील प चलत अहइ अउर नाव क पास आवत रहा। इ देखिके उ पचे डेराइ गएन। ²⁰ मुला ईसू ओन सबसे कहेस, “इ मइँ अहउ, डेरा जिन।” ²¹ फिन उ पचे ओका जल्दी स नाव प चढ़ाइ लिएन्ह अउर नाव जल्दी स हुवाँ पहुँच गइ जहाँ ओका जाइ क रहा।