Joel 3:9-11

Magandang Balita Biblia

⁹ “Ipahayag mo ito sa mga bansa:
    Humanda kayo sa isang digmaan.
    Tawagin ninyo ang inyong mga mandirigma,
    tipunin ninyong lahat ang inyong mga kawal at sumalakay kayo!
¹⁰ Gawin^(A) ninyong tabak ang inyong mga araro
    at gawing sibat ang mga panggapas.
Pati ang mahihina ay kailangang makipaglaban.
¹¹ Pumarito kayo agad,
    lahat ng bansa sa paligid,
    at magtipon kayo sa libis.”

O Yahweh, ipadala mo ang iyong mga hukbo.