Jeremias 5:23-25

Ang Salita ng Dios (Tagalog Contemporary Bible)

²³ Pero matitigas ang ulo at rebelde ang mga taong ito. Kinalimutan at nilayuan nila ako. ²⁴ Hindi sila nagsasalita ng mula sa puso na, ‘Parangalan natin ang Panginoon na ating Dios na nagbibigay ng ulan sa tamang panahon at nagbibigay sa atin ng ani sa panahon ng anihan.’ ²⁵ Ang kasamaan nʼyo ang naglayo ng mga bagay na iyon sa inyo. Ang mga kasalanan nʼyo ang naging hadlang sa pagtanggap nʼyo ng mga pagpapalang ito.