Ang salita ng Panginoon tungkol sa Edom.

^7 (A)Tungkol sa Edom. Ganito ang sabi ng Panginoon ng mga hukbo: ^(B)Wala na baga ang karunungan sa Teman? nawala baga ang payo sa mabait? nawala baga ang kanilang karunungan?

⁸ Magsitakas kayo, magsibalik kayo, kayo'y magsitahan sa kalaliman, Oh mga nananahan sa ^(C)Dedan; sapagka't aking dadalhin ang kapahamakan ng Esau sa kaniya, sa panahon na aking dadalawin siya.

⁹ Kung ang mga mangaani ng ubas ay magsidating ^(D)sa iyo, hindi baga sila mangagiiwan ng mapupulot na mga ubas? kung mga magnanakaw sa gabi, hindi baga sila magsisigiba ng hanggang magkaroon ng kahustuhan?

¹⁰ Nguni't ^(E)aking hinubdan ang Esau, aking inilitaw ang kaniyang mga kublihan, at siya'y hindi makapagkukubli: ang kaniyang mga binhi ay nasira, at ang kaniyang mga kapatid, at ang kaniyang mga kalapit, at siya'y wala na rin.

¹¹ Iwan mo ang iyong mga ulilang anak, aking iingatan silang buhay: at magsitiwala sa akin ang iyong mga babaing bao.

¹² Sapagka't ganito ang sabi ng Panginoon, Narito, ^(F)silang hindi nangauukol magsiinom sa saro ay walang pagsalang magsisiinom; at ikaw baga'y yayaong lubos na walang parusa? ikaw ay hindi yayaon na walang parusa, kundi walang pagsalang iinom ka.

¹³ Sapagka't ako'y sumumpa sa pamamagitan ^(G)ng aking sarili, sabi ng Panginoon, na ang ^(H)Bosra ay magiging katigilan, kakutyaan, kasiraan, at kasumpaan; at ang lahat ng mga bayan niyaon ay magiging walang hanggang pagkasira.

¹⁴ Ako'y nakarinig ^(I)ng mga balita na mula sa Panginoon, at isang sugo ay sinugo sa gitna ng mga bansa, na sinasabi, Kayo'y magpipisan, at magsiparoon laban sa kaniya, at magsibangon sa pakikipagbaka.

¹⁵ Sapagka't, narito, ginawa kitang maliit sa gitna ng mga bansa, at hinamak kita sa gitna ng mga tao.

¹⁶ Tungkol sa iyong mga kakilabutan, dinaya ka ng kapalaluan ng iyong puso, Oh ikaw na tumatahan sa mga bitak ng bato, na humahawak sa kaitaasan ng burol: bagaman ^(J)iyong pataasin ang iyong pugad na kasingtaas ng aguila, aking ibababa ka ^(K)mula roon, sabi ng Panginoon.

¹⁷ At ang Edom ay magiging ^(L)katigilan: bawa't nagdaraan ay matitigilan, at susutsot dahil sa lahat ng salot doon.

¹⁸ Kung paano ang ^(M)nangyari sa Sodoma at Gomorra, at sa mga kalapit bayan niyaon, sabi ng Panginoon, gayon walang lalake na tatahan doon, ni sinomang anak ng tao ay mangingibang bayan doon.

¹⁹ Narito, siya'y sasampa na ^(N)parang leon mula sa ^(O)kapalaluan ng Jordan laban sa matibay na tahanan: sapagka't bigla kong patatakbuhin siya mula roon; at ang mapili siya kong ihahalal sa kaniya: sapagka't sino ang gaya ko? at sinong nagtatakda sa akin ng panahon? at sino ang pastor na makatatayo sa harap ko?

²⁰ Kaya't inyong dinggin ang payo ng Panginoon, na kaniyang ipinasiya laban sa Edom; at ang kaniyang mga panukala na kaniyang pinanukala laban sa mga nananahan sa ^(P)Teman: Tunay na itataboy sila, sa makatuwid baga'y ang mga maliit ng kawan; tunay na kaniyang ipapahamak ang kanilang tahanan kalakip nila.

²¹ Ang lupa ay nayayanig sa ^(Q)hugong ng kanilang pagkabuwal; may hiyawan, na ang ingay ay naririnig sa Dagat na Mapula.

²² Narito, ^(R)siya'y sasampa at parang aguila na lilipad, at magbubuka ng kaniyang mga pakpak laban sa ^(S)Bosra: at ang puso ng mga makapangyarihang lalake ng Edom sa araw na yaon ay magiging parang puso ng babae sa kaniyang pagdaramdam.

¹² Upang kanilang ariin ang nalabi sa Edom, at ang lahat na bansa na mga tinatawag sa aking pangalan, sabi ng Panginoon na gumagawa nito,

¹⁹ At silang sa Timugan, ay ^(A)mangagaari ng bundok ng Esau, ^(B)at silang sa mababang lupa ay ng mga Filisteo; at kanilang aariin ang parang ng Ephraim, at ang parang ng Samaria; at aariin ng Benjamin ang Galaad.

²¹ At ang mga ^(A)tagapagligtas ay magsisisampa sa ^(B)bundok ng Sion upang hatulan ang bundok ng Esau; at ^(C)ang kaharian ay magiging sa Panginoon.