Jeremias 4:4-6

Ang Biblia (1978)

⁴ Magsipagtuli kayo para sa Panginoon, ^(A)at inyong alisin ang mga kasamaan ng inyong puso, ninyong mga tao ng Juda at mga nananahan sa Jerusalem; baka ang aking kapootan ay sumigalbo na parang apoy, at magningas na walang makapatay, dahil sa kasamaan ng inyong mga gawa.

⁵ Ipahayag ninyo sa Juda, at ibalita ninyo sa Jerusalem; at inyong sabihin, Inyong hipan ang pakakak sa lupain: magsihiyaw kayo ng malakas, at inyong sabihin, ^(B)Magpisan kayo, at tayo'y magsipasok sa ^(C)mga bayang nakukutaan.

⁶ Kayo'y mangagtaas ng watawat sa dako ng Sion: kayo'y magsitakas sa ikatitiwasay, huwag kayong magsitigil: ^(D)sapagka't ako'y magdadala ng kasamaan mula sa hilagaan, at ng malaking paglipol.