Isaias 40:12-14

Magandang Balita Biblia

¹² Sino ang makakasukat ng tubig sa dagat sa pamamagitan ng kanyang kamay?
    Sino ang makakasukat sa lawak ng kalangitan?
Sinong makakapaglagay ng lahat ng lupa sa isang sisidlan?
    Sino kaya ang makakapagtimbang sa mga bundok at burol?
¹³ Sino^(A) ang makakapagsabi ng dapat gawin ni Yahweh?
    May makakapagturo ba o makakapagpayo sa kanya?
¹⁴ Sino ang kanyang puwedeng sanggunian para maliwanagan?
    Sinong nagturo sa kanya ng landas ng katarungan?
    Sinong nagkaloob sa kanya ng kaalaman at ng paraan upang makaunawa?