Mga Hebreo 9:2-5

Ang Bagong Tipan: Filipino Standard Version

² Itinayo ^(A) ang tabernakulo na may dalawang bahagi. Sa unang bahagi ay naroroon ang ilawan, ang hapag, at ang mga tinapay na handog; tinatawag ito na Dakong Banal. ³ Sa ^(B) kabila ng ikalawang tabing ay ang silid na tinatawag na Dakong Kabanal-banalan. ⁴ Nasa ^(C) silid na ito ang gintong dambana ng insenso at ang Kaban ng Tipan na nababalutan ng ginto. Nasa loob ng Kaban ang sisidlang-ginto na may lamang manna, ang namulaklak na tungkod ni Aaron, at ang mga tapyas ng bato na kinasusulatan ng tipan. ⁵ Naroon sa ^(D) ibabaw ng kaban ang mga maluwalhating kerubin. Ang mga pakpak nila ay lumililim sa luklukan ng habag. Hindi na natin mapag-uusapan ang mga ito ng isa-isa.